I. Ioane 3:17 - Iaai Bible 1901 (New Caledonia)

¹⁷ Haba at ae hu ta ûnyi eang hmeledrany, kʼ ame wâ liamekeiny më ae theduoc, kʼ ame thelöng oûnykûminy gan, me ame he ka kâmâu hnyok ka Khong ka laba eû hnyin at e?

I. Ioane 3:17 ပူးပေါင်းရင်းမြစ်များ

Ta je Vejec 12:10

Haba at ae wisa, me ame betenge ge haleny meno: Ke haba ibetengiö anyin at ae kong, me wale beovecâ.

Ta je Vejec 14:31

Haba at ame ovecâ at ae theduoc me ame haikongoâ At a op e: He haba at ame betenge ge at ae theduoc, me ame ogânâ e.

Ta je Vejec 19:17

Haba at ame betenge ge at ae theduoc, me ame më ham kö Iehova, Ke e ame he ka bi hwaban hnen hna ânyâ ae so.

Ta je Vejec 21:13

Haba at ame hlöng hnyikonyen ge ûtengien at ae theduoc, Me ame he bi ka tenge ke adre me ca he ka long kâu.

Ta je Vejec 28:9

Haba at ame wia hnyikönyen me me ca long bi hnanyibu, Me ikiki bi hijin hic.

Luka 3:11

E ame thu me ha kodra, ka habe, Haba at a lo anyin li ûkot e so e ame he ka ham ka at ae ba gan; ke haba at ae hu jeû hamen he ka ânyâ helâe minya.

II. Korinito 8:9

Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.

Heberu 13:16

Ke ca he öbun ka hnying he ka mâdrâ so me betenge: anyin a wale je hut Khong ame senyinâ.

Iakobo 2:15

A ne he thu ke liamekeiny a baga ame ne momo, ke ba jeû gadrin hnyi ke bong me ke bong,

Iakobo 2:16

ke ke at gabun ame ha ködrin, ka habe, He thö me hnahic, kahwa ju, me sekom dö; ke öbun e ca ham bi kodra ta je ûnyi ae ûcû ka unyin; ieû troban e?

I. Ioane 4:20

E ka ha hnen ke at, ka habe, Oge me hnyokâ Khong, kʼ ame hûkotiâ liamekeiny më, me at thoi bi: anyin a haba at ame ca betenge ka liamekeiny më, ame wâ, me ca khana he ka hnyokâ Khong, ame ca wâ.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.