I. Ioane 3:14 - Iaai Bible 1901 (New Caledonia)

¹⁴ E khanʼ öta, a ate me hia but didro ûnyi hnyi mok ka hnyi möt, anyin ate me betenge ge je liamekeiny. Haba at ame ca betenge, me e bala bi hnyi mok.

I. Ioane 3:14 ပူးပေါင်းရင်းမြစ်များ

Salamo 16:3

Ke haba tavat ae kap eang hmeledrany, Ödra tavat ae beönua soidra, wale oge me ti senyin kodra.

Ta je Vejec 21:16

Haba at ame saû monoâ ûnyi hnyi gethen deny metâ, Me ame he ka tha laba me tavat adre mokcu.

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Luka 15:24

anyin a walang nokuk ûheny hnyi hna mok, ka möt hmetu thö; ke a hia, ke wale hmetu thö ang. Me ödrin e hwân he ka senyin.

Luka 15:32

E ka ûcû kötin he ka senyin me hobâ: anyin a walang kem ûheny hnyi hna mok, ke a möt hmetu thö; ke hia, ke wale hmetu thö ang.

Luka 7:5

anyin a e ame betenge ge ita hnyei, ke a hia but otilâ umöhmun sunago.

Ioane 13:35

Wale me me he tavat hia thitbö ka wâhmakhmetoâ a latök öbun, hnyi hnobun hna ibetengiököu.

Ioane 15:12

Walang anyik hnanyibu, ka habe, Öbun e he ka ibetengiököu helâ me hnok hna betenge köbun.

Ioane 15:17

Oge me hûna köbun ta je ûnyi e, mʼ öbun e he ka ibetengiököu.

Ioane 5:24

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

II. Korinito 5:1

ANYIN ae khanʼ öhmun a ga ne kia but umöhmun uma menâ eang hmeledrany, me hu bi gahmun uma ûnyi ge Khong, wale uma adre ca mâdrâ bi ge hnyam, ame ca ba balua, ke ethö hnyi drany.

Galatia 5:22

Ke haba je wan Hanu, me, ibetengiö, me senyin, me hnahic, me hokhnyok beû hmâ, me menyik, me hwakecin ae so, me hnathu,

Efeso 1:15

Waleling, inya oge me long anyibun labageju ka Than Iesu, ke manen e ka wakap hia,

Efeso 2:1

KE e ame omeli öbun, hnyi ûen öbun e mok can hnobun hna hanyâûâ me hulo,

Efeso 2:5

waleji öta tiga mok can hnöta hna hanyâûâ, me e ame tha omeli öta me Keriso (adre omeli öbun ûnyi ge ibetengiö),

Kolose 1:4

anyin a öhmu me long anyibun labageju ka Keriso Iesu, me anyibun ibetengiö ka wakap hia,

I. Thesalonika 4:9

Ke ca ûnyi hnathu bi a oge me he ka sihnalimen köbun ge bongon ibetengiö anyin hnyat me lakeiny: anyin a nʼ öbun Khong he ka ibetengiököu;

Heberu 13:1

E SO e tethmâ ibetengiököu unyin hnyat me lakeiny.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Peteru 3:8

Walang obiny, e so öbun e he hia ka tha hnyok, me vec betenge, me tha hnyok helâ me je liamekeiny, me sang betenge, me hnyok ae hnyikânâ:

II. Peteru 1:7

me bi hanen hnyokâ hnyat me lakeiny ka hnyi hwakecin ae ûcû me Khong; me bi hanen ibetengiö ka hnyi hnyokâ hnyat me lakeiny.

I. Ioane 2:3

Ke walang haten a ga khanʼ öta e, ka habe, ate ne löng hoton anyin hnanyibu.

I. Ioane 3:23

Ke walang ang anyin hnanyibu, ka habe, hamöta he ka labageju ka hnyi ien Nokon a Iesu Keriso, me ibetengiököu, helâ me hnanyibu a ham köta.

I. Ioane 4:12

E ba bala at ame wâ Khong: ate ne ibetengiököu, me Khong ame laba eû hnyi je hnyekuta, ke adre obekhotâ anyita ibetengiö kâu eû hnyita;

I. Ioane 5:13

Oge hia but sihnalimen ta je ûnyi e köbun tavat öbun e labageju ka ien Nokon Khong, me me khanʼ öbun ae hu but gabun möt ae ca ba balua.

I. Ioane 5:2

Hnen thibi ang e manen köta a gʼ ate me betenge ka lakon Khong, anyin ate me hnyokâ Khong kʼ ate me löng hoton anyin ta je hnanyibu.