I. Ioane 3:12 - Iaai Bible 1901 (New Caledonia)

¹² ca helâ me Kaina, a ûnyi ge at ae kong, kʼ ame hlingâ keiny. Ke can ieû e ame hlingâ e? Can ae kong anyin bi ta je huliwa, ke wisa bi ta je huliwa anyin keiny.

I. Ioane 3:12 ပူးပေါင်းရင်းမြစ်များ

Genese 4:25

Ke Adamu ame khana hmetu âiân; me e ame hnokoâ da, me hwenyi ien Setha: anyin a haingen, A hia but Khong ham könya ke mâtrân hwabö Abela; anyin a hia but Kaina hlingâ.

II. Samuela 13:22

Ke Abasoloma ame ca fuc kö Aminona, ame ne ûnyi ae kong ame ne ûnyi ae so: anyin a Abasoloma ame ikikiö Aminona, can e ame okongu Tamara a haniny.

Salamo 37:12

Haba at ae kong ame sihnân at ae wisa, Me hoc nyu kâu.

Salamo 38:20

Ke haba tavat adre me bi hwaban so ge kong, Me adre me bi iwahnaihmiony mönya, can oge me hnu hoton ûnyi ae so.

Ta je Vejec 27:4

Wathethot ame beovecâ, ke hmonyin ame bahihingölö; Ke ie at ame he ka tot hnyi hnyimakan

Ta je Vejec 29:10

Haba at ame behingâlâ dra, me ame hmiân at ae wisa, Ke haba at ae fofâ, me adre me elâm ke ka hlingâ e.

Ta je Vejec 29:27

Hûkötiânen tavat ae wisa, at ae hwali hwakecin: Ke hûkötiânen at ae kong, at ae fofâ hnyi gethen.

Mataio 13:19

E ka long ut ke at hofucin dökhu, ke ame ca wâ ûnykûme bi, me ame o but at ae kong, me hûgûnâ ûnyi adre tā eû hnyi hnyekon. Wale thibi e hna tā hnyi baten gethen.

Mataio 13:38

ke haba utkânâ, me wale hmeledrany; ke haba wan ae so, me wale lakon dokhu; ke haba zizania, me wale lakon at ae kong;

Mataio 23:35

me ame he ka o but köbun dra ae wisa hia adre hingâlâ eang hmeledrany, hwân ge dra drö Abela at ae wisa, ke ne o but ka dra dro Zakaria nöku Barakia, waleji öbun e hlingâ hnyi wanben uma kap me taben hut.

Mataio 27:23

Me e ame ha, ka habe, Anyin a ie monu e ame ânyâ? Me adre me ha hwegiâ, ka habe, Osatauroâ thö.

Mataio 5:37

Ke so e helâng ifucibun, ka habe, E, e; e ba, e ba: anyin a ûnyi hnyi monu he ka bi hanen hon e.

Luka 11:51

hwân ge drö Abela ke ne o but ka dro Zakaria, at adre me hlingâ hnyi wanben taben hut me dok ae kap: eke, inya oge me ha köbun, adre me he ka hnö e unyin dö ang.

Ioane 10:32

Ke Iesu ame thu ködra, ka habe, E se hia ta je huliwa ae so oge hia but omanenâ köbun ûnyi ge Kamök; can ie huliwa öbun e lûö nya gan?

Ioane 8:40

Ke walang ang, öbun e elâm he ka hlingö nya, wale at ame ha köbun hnathu, waleji oge me long ûnyi ge Khong: ke ca ânyâ helâe Aberahama.

Ioane 8:41

Öbun e ânyâ ta je huliwa anyin kamöbun. Haingödra kâu, ka habe, Ohmun ca je lakon gethen; khaca thibi Kamöhmun, a wale Khong.

Ta je huliwa 7:52

Ewa perofeta a ca ovecâ hnen lakamöbun? ke ödrin e hlingâ minya tavat a hodra ka omanenâ a gʼ ame he ka o At ae Wisa; wale öbun e alecuâ me hlingâ walang ang;

I. Thesalonika 2:14

Anyin a öbun hnyat me lakeiny, öbun e ûcûcûbongoâ ta je ekalesia anyin Khong hnyi Juda unyin Keriso Iesu: anyin a öbun e hnyi vec minya hnyi ta je ûnyi e ûnyi ge je lahanöbun, helâ me tavat ûnyi ge at Juda;

Heberu 11:4

Hnen labageju Abela ame hudo ka Khong hut ae nua hon hut anyi Kaina, me adre me ohnathoâ e hnen e a e wisa, ke Khong ame ohnathoâ ge anyin je bwihlany: a mok ut e, kʼ ame fuc bala bi hnen e.

Heberu 12:24

ke kö Iesu at ame ûsoköuâ hnyi ûhihinyköu ae teb ûnyi, ke ka hnyi dra hnân dukâiâ, kʼ ame ha ta je ûnyi ae nua hon drö Abela.

I. Peteru 4:4

ke adre me lâiâ ge ca tha wadring a Öbun mʼ ödra ka hnyi imedioköu ae ti kong, ke adre me haikongu öbun:

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.

Juda 1:11

E köiö gadra! anyin adre me vheno gethen de Kaina, me patrutrua ka hnyi monu anyi Balaama hnân hwaban, me mok hnyi ivinö anyi Kora.

Hna Omanenâ 17:6

Ke oge me wâ momo ame monu a ijem dren wakap, ke dren tavat adre me ohnathu Iesu. Ke oge me wâ me oge me lâiâ gan hmâ.