I. Ioane 2:8 - Iaai Bible 1901 (New Caledonia)

⁸ Wale hmetu ang, inya oge me set köbun hnanyibu a teb ûnyi, wale ae hnathu gan me gabun; anyin ame hia tot menekholom, ke ame umumelam walang ang melam ae hnathu.

I. Ioane 2:8 ပူးပေါင်းရင်းမြစ်များ

Salamo 27:1

IEHOVA melamik me at ame omeli nya; oge ma outö ia? Iehova tang hwegien anyik möt; ia oge ma outen?

Salamo 36:9

Anyin a e bi unyâm pupuainy möt: Ohmun e he bi ka wâ melam hnen ânyâm melam.

Salamo 84:11

Anyin a Iehova Khong seûno me bec: Ame he Iehova ka ham betenge me hmanenang: E ame ca he ka behânâ ke ûnyi ae so ge tavat adre me vheno wisa.

Isaia 9:2

Haba tavat waleji adre me vheno menekholom, me adre me wâ melam ae gan: ke haba tavat adre me labā je hnyei a hanon mok, me ame umumelam hudra lany.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Mataio 4:16

Haba tavat adre me laba hnyi menekholom Adre me wâ melam ae gan, Ke haba tavat adre me laba hnyi ke keihen hnyei a hmenon mok, Ame o but melam kodra.

Luka 1:79

He ka omelamâ tavat adre me laba hnyi lit me hmenon mok; He ka su ta je cata ka hnyi gethen ae hnahic.

Ioane 1:9

Haba melam hnathu, me wale at ame omelamâ tavat hia adre me o ka hnyi hmeledrany.

Ioane 12:35

Haba Iesu ame ha kodra, ka habe, E okhulit biju melam unyibun. He thö e me tiga e unyibun melam, wâ e nye o but köbun lit: haba at ame he hnyi lit, me ca khana dok e ame he ka hnyin.

Ioane 12:46

Inya oge me o mʼ inya melaminy hmeledrany, me me ca laba hnyi lit at ame labageju könya.

Ioane 13:34

Inya oge me ham köbun hnanyibu a teb ûnyi, a öbun e he ka ibetengiököu; oge hia but betenge köbun, e so öbun e be ka helâe wale he ka ibetengiököu öbun.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Ta je huliwa 17:30

Haba Khong ame hokhnyokâ ta je ûen waleji adre me ca wâ ûnykûme hnyin; ke e ame hûna ka tavat hia thithö hnyi je hnyei hia he ka ietra:

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Roma 13:12

E beû hmâ but lit ke hakekeny jut lany: anyin a wale ate me he ka hna degecâ but ta je huliwa anyin lit, ke so ate me he ka khavâ ûkhaû hnân vat anyin lany.

II. Korinito 8:9

Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

II. Timoteo 1:10

ke manen walang ang ge ioiny At omeli öta a Keriso Iesu, waleji at a ohia mok, me omanenâ möt, me ca mok hmetu bi hnen ûthumetu ae so,

I. Peteru 1:21

tavat öbun e labageju ka Khong a deny e, waleji at ame omelö thö e ûnyi hnyi hna mok, me hâm kâu hmanenang; me me he ka e unyin Khong anyibun labageju me geju.

I. Ioane 3:23

Ke walang ang anyin hnanyibu, ka habe, hamöta he ka labageju ka hnyi ien Nokon a Iesu Keriso, me ibetengiököu, helâ me hnanyibu a ham köta.

I. Ioane 4:11

Hnyat a oûnykûmik lö, a ne betenge gata Khong helâe, hamöta he ka ibetengiököu.

I. Ioane 4:21

Ke walang hnanyibu ae hu gata ûnyi gan, a baba at ame hnyokâ Khong, me ame he ka betenge minya ge liamekeiny mē.