I. Ioane 2:7 - Iaai Bible 1901 (New Caledonia)

⁷ Hnyat a oûnykûmik lö, oge me ca sihnalimen köbun hnanyibu a teb ûnyi, ke so bi hnanyibu adrem, waleji öbun e hu ûnyi hnyi can: haba hnanyibu adrem, me waleji hofuc öbun e löng.

I. Ioane 2:7 ပူးပေါင်းရင်းမြစ်များ

Levitiko 19:18

Ca he ka oûcoâ hulö, me ip hnân ka aten em hnyei, ke u me he ka betenge ka at ame laba hakekenyi u helâ me u bi: Inya Iehova.

Levitiko 19:34

Ame he aten ke hnyei ka laba unyibun helâ me aten ibun hnyei, ke u me he ka betenge gan helâ me u bi; anyin a je atkanyua öbun hnyi hnyei Aigupito: Inya Iehova Khongubun.

Mataio 5:43

Öbun e hia but long a gʼ adre me ha, ka habe, Betenge ju ge at ae hakekenyi u, ke ikiki thö ka iwahnaihmiony möu:

Ioane 13:34

Inya oge me ham köbun hnanyibu a teb ûnyi, a öbun e he ka ibetengiököu; oge hia but betenge köbun, e so öbun e be ka helâe wale he ka ibetengiököu öbun.

Ta je huliwa 17:19

Me adre me kât e, me hom e Areopago ai, me adre me ha, ka habe, Hawa e so kohmun he ka hnyi khanʼ ohmun hna ûne eang ae teb ûnyi u me ha?

Deuteronomi 6:5

ke hamâm he ka hnyok kö Iehova Khongom ge hnyekom ae bekhöt, me hanom ae bekhöt, me tang hwegiâm ae bekhöt.

Heberu 6:9

Ke hnyat a oûnykûmik lö, öhmun e ûnykûme gabun ta je ûnyi ae so hon e, me ta je ûnyi ae hu möt hnyin, ke so bi öhmun e fuc helâe:

I. Ioane 2:24

Ke haba öbun, me so ame laba bala eû hnyi je hnyekubun hofuc öbun e löng hnyi can. Ame ne he ka e bala eû hnyi je hnyekubun hofuc öbun e löng ûnyi hnyi can, me öbun e he ka laba balua bi unyin Nokon me unyin Kamen.

I. Ioane 3:11

Anyin a walang ûthumetu öbun e löng ûnyi hnyi can, ka habe, hamöta he ka ibetengiököu:

I. Ioane 3:2

Hnyat a oûnykûmik lö, öta je lakon Khong walang ang, ke tiga ca manen bi bonguta nyiele. Ke e khanʼ öta, ka habe, e ka manen dut, me ate me he ka helâ më; anyin ate me he ka wâ cicöâ e.

I. Ioane 3:21

Hnyat a oûnykûmik lö, a ne ca haikongu öta hnen je hnyekuta, me hu but gata hnyok ae hwege ka Khong;

I. Ioane 3:23

Ke walang ang anyin hnanyibu, ka habe, hamöta he ka labageju ka hnyi ien Nokon a Iesu Keriso, me ibetengiököu, helâ me hnanyibu a ham köta.

I. Ioane 4:1

HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.

I. Ioane 4:11

Hnyat a oûnykûmik lö, a ne betenge gata Khong helâe, hamöta he ka ibetengiököu.

I. Ioane 4:21

Ke walang hnanyibu ae hu gata ûnyi gan, a baba at ame hnyokâ Khong, me ame he ka betenge minya ge liamekeiny mē.

I. Ioane 4:7

Hnyat a oûnykûmik lö, e so ate me he ka ibetengiököu: anyin a ûnyi ge Khong ibetengiö; ke adre hnoko ûnyi ge Khong ödra hia adre me hnyi betenge, ke adre me wâhmakhmeto Khong.