I. Ioane 2:15 - Iaai Bible 1901 (New Caledonia)

¹⁵ Ca he öbun ka hnyokâ hmeledrany, me ta je ûnyi eang hmeledrany. A ne ke at ame hnyokâ hmeledrany, me ba bi hnyok ka Kamen eû hnyi hnyekon.

I. Ioane 2:15 ပူးပေါင်းရင်းမြစ်များ

Mataio 4:8

Ke haba diabolo ame hom hmetu e ka hnyi bucen ae beû hmâ, me omanenâ kâû ta je dökhu hia eang hmeledrany, ke ta je hmanenanginy;

Mataio 6:24

E ba at ae khana be ka athnyabainy li tuhan a lo: anyin a e ame he ka hûkötiâ khaca me weny khaca; kʼ ame ne be ka kece ka khaca me hociâ khaca. E ca khanʼ öbun he ka bi athnyabainy Khong me mamona.

Luka 16:13

E ba athnyaba ae khana he ka bi athnyabainy li at: anyin a e ame he ka hociâ khaca, me hnyok ka khaca; ke ame ne he ka keci ka khaca me hukötiâ khaca. E ca khanʼ öbun he ka bi athnyabainy Khong me mamona.

Ioane 15:19

Öbun e ne je lahanen hmeledrany, ame he hmeledrany ka betenge ka lahanen: ke anyin a öbun ca lahanen hmeledrany, ke oge me ûcʼ öbun ûnyi eang hmeledrany, waleling me me hûkötiʼ öbun hmeledrany.

Roma 12:2

Ke ca he ka tha hwakecibun me hmeledrany: ke so he ka wiʼ öbun hnen ohâtâ je hnyekubun, me me khanʼ öbun weny Khong ae so, me hnân osenyinâ, me wisa.

Galatia 1:10

Anyin a walang ang, hawa, oge me huliwan at, hawa, Khong ke hawa, inya oge me elâm he ka osenyinâ at? anyin oge ne labö osenyinâ at, mʼ iny ca athnyabai Keriso bi.

Efeso 2:2

waleji öbun e vheno adrem hoton hwakecin eang hmeledrany, hoton taben at ame muso hnyi dok ae bwang, wale hanu at ame huliwa hnyi hnyekon tavat adre me ca ûling;

I. Timoteo 6:10

Haba hnyok ka mone, me wale iwân ta je monu hia thithö ae ve bongon: waleji ame hnu hoton hnen keihen mʼ adre me osaûʼ ödra but ûnyi hnyi labageju, ke adre me ka hamödra bi dâ fineci ödra bi hnen ta je vec ae se hia.

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.

Iakobo 4:4

Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

I. Ioane 3:17

Haba at ae hu ta ûnyi eang hmeledrany, kʼ ame wâ liamekeiny më ae theduoc, kʼ ame thelöng oûnykûminy gan, me ame he ka kâmâu hnyok ka Khong ka laba eû hnyin at e?

I. Ioane 4:5

Odra lahanen hmeledrany, anyin a wale adre me hwen hmeledrany, ke ame ling ödra hnen hmeledrany:

I. Ioane 5:10

Haba at ame labageju ka Nokon Khong, me e hu but eû hnyi hnyekon hna ohnatho: haba at ame ca labageju ka Khong, me ame hai thoiâ e; anyin a e ame ca hia but kap hnen Khong hna ohnathoâ Nokon.