I. Ioane 2:14 - Iaai Bible 1901 (New Caledonia)

¹⁴ Oge hia but set köbun je kamen, anyin ae khanʼ öbun at, waleji ûnyi hnyi can. Oge hia but set köbun wahidröu, anyin a öbun hwege, kʼ ame tethmâ eû hnyibun hofuc hwan Khong, ke öbun e tubun hon at ae kong.

I. Ioane 2:14 ပူးပေါင်းရင်းမြစ်များ

Salamo 119:11

Oge hia but hitangen hwâm hofuc eû hnyi hnyekuk, Me inye ca he ka ânyâ hulo köu.

Ioane 15:7

Öbun e ne laba eû hnyi hnyik, ke hok ta je hofuc ame laba minya hnyi je hnyekubun, öbun e he ka sumâtâ ûnyi öbun e weny, me adre me he ka ânyâ hobi köbun.

Ioane 5:38

Ke ca e bi eû hnyi je hnyekubun hwan hofuc: anyin a öbun e ca labageju bi ka hnen hna kunâ.

Ioane 8:31

Haba Iesu ame ha ka at Juda, tavat adre me labageju kâu, ka habe, Öbun e ne he ka laba hmâ hnyi hok hofuc, me öbun je latök ae hnathu;

Ioane 8:37

E khanö nya a öbun je mâtrâni Aberahama; ke öbun bi öbun e elâm he ka hlingö nya, anyin ae ba hnen hok hofuc eû hnyi je hnyekubun.

Efeso 6:10

Ke walang obiny, hwege thʼ öbun hnyi Than, ge tang hwegien maniny man.

Filipi 4:13

E khanö nya he ka ânyâ ta je ûnyi hia thithö hnen at ame ohwegiö nya.

Kolose 1:11

kʼ adre me ohwegi öbun ge hwege hia, hoton man maniny anyin hmanenang, he ka tha hnyok me hokhnyok beû hmâ, me senyin;

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

II. Timoteo 2:1

ANYIN a wale, nokuk lö, hwege thö hnyi ibetengiö baû a e unyin Keriso Iesu.

Heberu 8:10

Anyin a walang ûhihinyköu oge me be ka ânyâ me lap anyin Isaraela Hwaban je bong eling, haingen Than; Oge me he ka ip anyik je hnanyibu hnyi ûnykûmenödra, Ke sihnalimen minya hnyi je hnyekudra: Ke oge me he ka Khong bi kodra, Ke adre me he bi ka lakeik:

I. Ioane 1:1

HABA ûnyi ae ûnyi hnyi can waleji öhmun e löng me wâ ge je emaköhmun, me wâ hmâ, me kâlâ ge je hnyamöhmun, hnyi Hofucin Möt

I. Ioane 1:10

Ate me ne ha, ka habe, ate me ca hia but hnyi ânyâ hulo, awe, ate me wia e me at thoi bi, ke haba hwan hofuc, me ca eû hnyi je hnyekuta.

I. Ioane 2:13

Inya oge me set köbun je kamen anyin ae khanʼ öbun e, waleji ûnyi hnyi can. Inya oge me set köbun wahidröu, anyin a öbun e hwege hon at ae kong. Oge hia but set köbun je wanakat, anyin ae khanʼ öbun Kamen.

II. Ioane 1:2

ûnyi hnyi hnathu ame laba eû hnyita, kʼ ame he ka e unyita nyiele balua:

III. Ioane 1:3

Anyin oge senyin gan hmâ waleji ge ioiny hnyat me lakeiny me ohnathoâ hnathu gam, helâ me hnâm hna vheno hnathu.

Hna Omanenâ 2:3

ke u je hok hnyok me lingvec can iök, ke u me ca sënyin bi.

Hna Omanenâ 2:7

Haba at ae hu hnyikonyen löng ju hna ha hnen Hanu ka ta je ekalesia. Haba at ame ton, me oge me he ka ham köu he ka han ûnyi hnyi ûöiny möt, walethö hnyi Paradaiso anyin Khong.