I. Ioane 2:11 - Iaai Bible 1901 (New Caledonia)

¹¹ Ke haba at ame hûkotiâ liamekeiny më, e bala hnyi lit, kʼ ame he hnyi lit, ke ca khana hnen hna he ka hnyin, anyin ame owadruâ li emakan hnen lit.

I. Ioane 2:11 ပူးပေါင်းရင်းမြစ်များ

II. Samuela 13:22

Ke Abasoloma ame ca fuc kö Aminona, ame ne ûnyi ae kong ame ne ûnyi ae so: anyin a Abasoloma ame ikikiö Aminona, can e ame okongu Tamara a haniny.

Ta je Vejec 4:19

Haba gethen deny tavat ae monu me helâ me menekholom: Adre me ca wâ bi ûnyi adre thö hnyin.

At Khet 2:14

Haba at ae metâ me hu li emakan hnyi ban, ke ame he at ae monu hnyi menekholom: ke so bi oge me wâ a gʼ ame o khaca thibi ûnyi ka tavat hia.

Levitiko 19:17

U me ca he ka hûkötiâ eû hnyi hnyekom liamekeiny mou: u ma he bala ka thawâ at ame laba hakekenyi u, ke ca he ka bi jönâm gan.

Ioane 12:35

Haba Iesu ame ha kodra, ka habe, E okhulit biju melam unyibun. He thö e me tiga e unyibun melam, wâ e nye o but köbun lit: haba at ame he hnyi lit, me ca khana dok e ame he ka hnyin.

Ioane 12:40

E ame owadruâ ta je emaködra, ke e ame okhötâ je hnyekudra; Wâ adre nye wâ ge je emaködra, me ûnykûme ge je hnyekudra, Wâ adre nye hmetu, Mʼ iny omeli ödra but.

II. Korinito 3:14

ke adre onâkâ je oûnykûmenödra: anyin a e bala bi ke ne o but hnyi bong ang adre ca hota but hna tube eling, hnyi ûen adre me aû ûhihinyköu adrem; waleji hna tube adre me ohia ûnyi hnyi Keriso.

II. Korinito 4:4

wale tavat ame owadruâ je oûnykûmenödra bi, ke adre me ca labageju bi, ûnyi ge khongon hmeledrany eang, wâ e nye melam! kodra melaminy ûthumetu ae so ae hmanenang anyin Keriso, wale ae we Khong.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

II. Peteru 1:9

Anyin a wadröu but at ae ca tren ta je ûnyi e, ke hadedak, kʼ ame hnying hna obosoâ ûnyi hnyi anyin ta je hulo ehac.

I. Ioane 1:6

Ate ne ha, ka habe, otin e tha laba më, kʼ ate me vheno bi hnyi lit, awe, ate me thoi, kʼ ate me ca ânyâ hnathu:

I. Ioane 2:10

Haba at ame betenge ka liamekeiny më, e but hnyi melam, ke ba ûnyi hnân othoâ gan.

I. Ioane 2:9

Haba at ame ha, ka habe, e but hnyi melam, ke ame hûkotiâ bi liamekeiny më, awe, e bala bi hnyi lit ke ne o but walang ang.

I. Ioane 3:15

Haba at ame hûkotiâ liamekeiny më, me e thibi at ûhlingö; ke e khanʼ öbun dut a haba at ûhlingö, me ba bi möt ame ca ba balua eû hnyi hnyekon.

I. Ioane 4:20

E ka ha hnen ke at, ka habe, Oge me hnyokâ Khong, kʼ ame hûkotiâ liamekeiny më, me at thoi bi: anyin a haba at ame ca betenge ka liamekeiny më, ame wâ, me ca khana he ka hnyokâ Khong, ame ca wâ.

Hna Omanenâ 3:17

Haingâm, Iny tren ta ûnyi, ke hu omjehek ut, ke ba ke ûnyi ae hia gak; ke ca khanö u bi nakaem, me kong, me theduoc, me wadröu, me he thu: