I. Ioane 2:1 - Iaai Bible 1901 (New Caledonia)

¹ JE lakuk lö, inya oge me set köbun ta je ûnyi e, mʼ öbun e ca he ka ânyâ hulo. Ke a ne ânyâ hulo ke at, me hu but gata Ûhadruo unyin Kamen a Iesu Keriso at ae wisa:

I. Ioane 2:1 ပူးပေါင်းရင်းမြစ်များ

Salamo 4:4

Ot ju, ke ca ânyâ bi hulo: Ûhnenamö thö me je hnyekubun hon hnobun hna mokut, ke ca bwebwet bi. [Sela

Ezekiela 3:21

Ke so bi u je ne khû hnyikonyen at ae wisa, me me ca kong bi at ae wisa, kʼ ame ca kong bi, me e ame he bi ka möt, anyin a e ame kap hnödra hna khû hnyikonyen; ke u me omeli u bi.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Luka 10:22

A ham könya ta je ûnyi hia thithö hnö Cica: ke ba at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya hnen Nokon hna weny he ka omanenâ kâu.

Ioane 10:15

helâ me Kamök ame wâhmakhmetu nya, helâ minya me inya oge me wâhmakhmeto Kamök; ke inya oge me ham anyik möt hnân singiny ta je mamoe.

Ioane 13:33

Lakuk lö, e ca beû biju ûök unyibun. Öbun e he ka elöm nya: ke haba hnok hna ha ka at Juda, me oge me ha minya walang ang köbun, ka habe, E ca khanʼ öbun he ka he ka hnyi dok oge me he ka hnyin.

Ioane 14:16

Ke oge me he ka khöû ka Kamen, me me he ka ham köbun ke Ûhadruo, me me he ka tha e m bun nyiele balua,

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 21:5

Iesu ame ha ködrin, ka habe, Lakuk lö, e hu hanibun? Me ödrin e thu kâu, ka habe, E ba.

Ioane 5:14

Ke hwaban e Iesu ame wâ e hnyi uma kap, me haingen kâu, ka habe, Wâ bi, adre hia but omeli u, ca mâdrâ hmeto hulö, wâ e nye o but monu ae gan hmâ köu.

Ioane 5:36

Ke hu but gak hnân ohnatho ae beönua hu Ioane: anyin a haba ta je huliwa a ham könya Kamen he ka ânyâ, me wale ta je huliwa oge me ânyâ hnân ohnathu nya a ga kunö nya Kamen.

Ioane 6:27

Ca huliwa bi hobi kâu jeû wale ûnyi ame he ka bobot, ke so bi jeû ae tet hmâ ke ne o but ka hnyi möt ame ca ba balua, wale ame he Nokon at ka ham köbun: anyin a wale at Kamen ame okeceâ haten hon, wale Khong.

Ioane 8:11

Haba momo ame ha, ka habe, Than lö, e ba. Haba Iesu ame ha, ka habe, Oge me ca he minya inya ka ha hnaûhangöi u: he thö; ca mâdrâ hmetu monu hwân ûen eang.

Ta je huliwa 7:52

Ewa perofeta a ca ovecâ hnen lakamöbun? ke ödrin e hlingâ minya tavat a hodra ka omanenâ a gʼ ame he ka o At ae Wisa; wale öbun e alecuâ me hlingâ walang ang;

Roma 5:10

Anyin a ne ûsoköu öta me Khong ûnyi ge mok anyin Nokon, waleji kʼ öta tiga iwahnaihmiony, me e gan hmâ hna he ka omeli öta hnen anyin möt, kʼ ate me ûsoköu më.

Roma 6:15

Ama hawa? ate me he ka ânyâ hulo anyin a ca öta bi hnyi hmelen hnanyibu, ke hmelen bi ibetengiö baû? Ohe.

Roma 8:34

ke ie at ame he ka ohnaûhangoâ? Hamen Keriso, at ame mok me möt hmetu ûheny hnyi hna mok, e but hnyi ke keihen metân Khong, kʼ ame khöû hobi köta.

I. Korinito 15:34

Hmak dö ka hwakecin ae wisa, ke ca mâdrâ bi hulö anyin ae ca khana bi keihen Khong: inya oge me ha hnân ohmehmʼ öbun.

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Galatia 4:19

Je lakuk lö, inya hmetu oge me vec hnyekon helâ me at erkini öbun, ke ne o but a e but Keriso eû hnyibun,

Efeso 2:18

ke hu but gata hia ûnyi gan gethen ka Kamen ûnyi ge Hanu a khaca.

Efeso 4:26

Hmonyin dö, ke ca monu bi: ke so e ca he bi seûno ka dit, kʼ öbun tiga hmonyin:

I. Timoteo 2:5

Anyin a khaca thibi Khong, ke khaca thibi at ame khöûâ tavat ka Khong, a ka at bi, wale Keriso Iesu,

I. Timoteo 3:14

Inya oge me sihnalimen ta je ûnyi e köu, ke inya oge me ûnykûme he ka ie o köu;

Heberu 9:24

Anyin ame ca dit Keriso ka hnyi dok ae kap adre me ânyâ ge je hnyam, wale tulutiny ûnyi ae hnathu; ke so bi ka hnyi hing drany he ka manen walang ang hnyi hnyimakan Khong hnân hobi köta:

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.

Iakobo 3:9

Ate me haisoâ Khong a Kamen hnen e; ke hnen e minya ate me hangâ at, wale adre me op e me we Khong:

I. Peteru 2:22

waleji a, at ame ca hnyi ânyâ hulo, ke ba minya thoi adre wâ hnyi hnyimen:

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

I. Ioane 3:18

Je wanakat lö, ca he öta ka betenge thibi ge hofuc, me bohmen; ke so bi hnyi huliwa me hnathu.

I. Ioane 3:5

Ke e khanʼ öbun a gʼ ame manen dut me me he ka hom degecâ hulo; ke ba anyin hulo.

I. Ioane 3:7

Je wanakat lö, ca he ka omonu öbun hnen ke at: e wisa at ame ânyâ hwakecin ae wisa, helâ më ae wisa:

I. Ioane 4:4

Je wanakat lö, ûnyi ge Khong öbun, ke öbun hwege hudrin: anyin ae beönua at eû hnyi je hnyekubun, hon at eû hnyi hmeledrany.

I. Ioane 5:17

Haba ta je hwakecin hia ae ca wisa bi, wale hulo: ke e hu hulo bi a ca hnân mekiny.

I. Ioane 5:21

Je wanakat lö tuʼ öbun ju ge ta je hnatheat.

III. Ioane 1:4

E ba anyik senyin ae nua hon iny ka he ka long a ga vheno hnathu hnen lakuk.