I. Ioane 1:6 - Iaai Bible 1901 (New Caledonia)

⁶ Ate ne ha, ka habe, otin e tha laba më, kʼ ate me vheno bi hnyi lit, awe, ate me thoi, kʼ ate me ca ânyâ hnathu:

I. Ioane 1:6 ပူးပေါင်းရင်းမြစ်များ

Salamo 82:5

E ca khanʼ ödra, ke ca wâhmakhmeto bi; Adre me ngenu hnyi menekholom: Ame bwebwet hia thö je taben hmeledrany.

Salamo 94:20

Hawa, ame he ka tha e möu taben lap anyin hwakecin ae kong, Waleji at ame tretrao ûkonguny me hnân hnanyibu?

Ta je Vejec 2:13

Tavat adre me hna degecâ je gethen deny wisa, Me vheno bi je gethen deny menekholom;

Mataio 7:22

At se hia adre me he ka ha könya hnyi bong eling, ka habe, Taböny Than lö, Taböny Than lö, hawa, ohmun e ca hnyi perofeta hnyi iâm, me obâ ta je demoni hnyi iâm, ke se hia ta je huliwa ae man ohmun e ânyâ hnyi iâm?

Ioane 11:10

Ke a ne he at hnyi hnyinghet, e ame he ka thö, anyin ae ba melam gan.

Ioane 12:35

Haba Iesu ame ha kodra, ka habe, E okhulit biju melam unyibun. He thö e me tiga e unyibun melam, wâ e nye o but köbun lit: haba at ame he hnyi lit, me ca khana dok e ame he ka hnyin.

Ioane 12:46

Inya oge me o mʼ inya melaminy hmeledrany, me me ca laba hnyi lit at ame labageju könya.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Ioane 8:55

e ca khanʼ öbun e: ke khanö nya e; oge ne ha, ka habe, E ca khanö nya e, awe, oge ma at thoi bi helâ me öbun: ke khanö nya e, ke oge me vheno hwan hofuc.

I. Timoteo 4:2

hnen iyawo anyin tavat thoi, tavat ame le oûnykûmidra ge fao ae ōû;

Iakobo 2:14

Hnyat me lakeiny mönya lö, ieû troban a ne ha ke at, a ga hu gan labageju, kʼ ame ca hu bi ta je huliwa? hawa, e khana labageju eling he ka omelö e?

Iakobo 2:16

ke ke at gabun ame ha ködrin, ka habe, He thö me hnahic, kahwa ju, me sekom dö; ke öbun e ca ham bi kodra ta je ûnyi ae ûcû ka unyin; ieû troban e?

Iakobo 2:18

Eke, ame he ke at ka ha, ka habe, E hu but gam labageju, ke hu but inya gak ta je huliwa: omanenâ thö könya ânyâm labageju ae ba huliwa hnyin, ke oge me he inya ka omanenâ hnen anyik je huliwa.

I. Ioane 1:10

Ate me ne ha, ka habe, ate me ca hia but hnyi ânyâ hulo, awe, ate me wia e me at thoi bi, ke haba hwan hofuc, me ca eû hnyi je hnyekuta.

I. Ioane 1:3

ke öhmun e omanenâ köbun ûnyi öhmun e wâ me löng, mʼ öbun e he ka tha laba mʼ öhmun: eke, ke öhmun e tha laba me Kamen me Nokon a Iesu Keriso;

I. Ioane 1:8

Ate me ne ha, ka habe, e ba anyita hulo, awe, ate me ka iyâwʼ öta, ke ba hnathu unyita.

I. Ioane 2:4

Haba at ame ha, ka habe, e khanö nya but e, kʼ ame ca löng bi hoton anyin ta je hnanyibu, awe, e ame thoi, ke ca e bi eû hnyi hnyekon hnathu:

I. Ioane 4:20

E ka ha hnen ke at, ka habe, Oge me hnyokâ Khong, kʼ ame hûkotiâ liamekeiny më, me at thoi bi: anyin a haba at ame ca betenge ka liamekeiny më, ame wâ, me ca khana he ka hnyokâ Khong, ame ca wâ.