Isaia 9:7 - Iaai Bible 1901 (New Caledonia)

⁷ Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Isaia 9:7 ပူးပေါင်းရင်းမြစ်များ

II. Samuela 7:16

Ke adre me he ka otilâ hmâ ânyâm lap me dokhom dökhu hnyi hnyimâkâm nyiele balua: adre me he ka ohmâ ânyâm theron nyiele balua.

II. Je Than 19:31

Anyin ame he ka he ûheny Jerusalema je kolon, me ûheny hnyi bucen Ziona je hnyat adre me he ka möt: adre me he ka ânyâ e hnen we Iehova ae gan hmâ.

Salamo 2:8

Sumatö nya thö, me oge me he ka ham köu je hnyei hnân hwajekhom, Me je can hmeledrany hnân em hnyei.

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 16:5

Ke adre me he ka otilâ ke theron hnyi ibe-tengiö, kʼ ame he ka tabâ e ke at hnyi hnathu, hnyi uma mano umo Davita; he ka owisa, me elâm hna owisa, me logot he ka ânyâ wisa.

Isaia 2:4

Ke e ame he ka owisa ge ta je hnyei, me nâ je hnyei ae se: ke adre me he ka kokot anyidra je hele vat, me me hnân bi hwio kânâ, me dödra je ö hnân je bâlet adre dela kâu vine: ame ca he ke hnyei ka nang hele vat ka kot ke hnyei, ke adre me ca he hmetu bala he ka nâ vat.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 37:32

Anyin ame he ka he ûheny Jerusalema ta je kolon, kʼ ame he ka he ûnyi hnyi bucen Ziona tavat adre me he ka möt: ame he ka ânyâ e ge weny ae gan ga Iehova tuhan sabaoth.

Isaia 40:10

Wâ bi, ame he Than Iehova ka o helâ me at ae man, kʼ ame he benyin ka musi hobi kâu e bi: wâ bi, e unyin hwaban, ke e hnyi hnyimakan hwaban anyin huliwa.

Isaia 42:13

Ame he Iehova ka he helâ me at ae hwege; e ame he ka oâ tang hwege helâ me taben vat: e ame he ka kuku, eke, e ame he ka hongot goranyai; e ame he ka hwege hon je iwahnaihmiony mē.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Daniela 2:35

Me ame tha omomonu but fao, me kânâ kece, me bras, me sileva, me gol, me helâ me unen hwit hnyi hna huje hwit hnyi honivakeny; ke haba ang ame tûâ degecâ, ke ba hmetu bi hnen: ke haba veto, at ame kot hnatheat, me e ame wia me bucen ae gan hmâ, me ame öunöngötâ hmeledrany hia.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Daniela 7:14

Ke adre me ham kâu musi, ke hmanenang, ke dokhu, me me he tavat hia, ke ta je hnyei, ke je ve hwen hnyei ka bi athnyabainy: ke haba anyin musi, me musi ae tethmâ, kʼ ame ca he ka hia; ke haba dokhon dokhu, me adre me ca he bi ka ohia.

Daniela 7:27

Ke haba dökhu, me musi me ûganiny ta je dökhu eang hmeledrany hia, adre me he ka ham ka tavat ae kap anyi Beönua: dökhu ae hmâ dokhon dökhu, ke ame he ta je musi hia ka bi athnyaba me löng kâu.

Hagai 2:9

Ame he bi ka gan hmâ hmanenanginy uma eang a biliny hon uma a bân, haingö Iehova tuhan sabaoth: ke oge me he ka ham ûsoköu hnyi dok ang haingö Iehova tuhan sabaoth.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

Ioane 12:34

Haba tavat ae se hia adre me thu kâu, ka habe, Ohmun e long ut ûnyi hnyi hnanyibu a gʼ ame he ka tethmâ Keriso nyiele balua: ieû gam u me ha a ga ûcû he ka ogöranyâ Nokon at? ia Nokon at eling?

Heberu 1:8

ke e ame hâiâ Nokon, ka habe, Haba ânyâm theron, Khong lö, me nyiele nyiele balua; Ke haba uciny hwakecin ae hnathu, me wale thibi e uciny dokhom dokhu.

Heberu 7:24

ke hu gan hanymen at bihut ame ca he ka wia, anyin a e at ae tethmâ nyiele balua.

Hna Omanenâ 19:11

Ke oge me wâ drany adre khong; ke wâ bi hors ae hau, ke haba li ien at ame tabâ e me Wisa me Hnathu; ke e ame hnei me vat hnyi hwakecin ae wisa.