Isaia 9:3 - Iaai Bible 1901 (New Caledonia)

³ U je hia but osehia hnyei, ke u je ogânâ senyin: kʼ adre me senyin hnyi hnyimâkâm helâ me senyin hnyi menu, ke helâ me hna senyin ge tavat adre me khenâ je hna söh.

Isaia 9:3 ပူးပေါင်းရင်းမြစ်များ

Nehemia 9:23

Ke u je osehia je lakudrin helâ me je okhûiny drany, me hum ödrin ka hnyi hnyei, waleji u je ha ka lakamödrin, mʼ ödrin e he ka he ka hnyin he ka hu.

Jobu 12:23

E ame osehia ta je hnyei, me ohiʼ ödrin hmetu: E ame olauâ ta je hnyei me odili ödrin hmetu.

Salamo 107:38

E ame ohnahici ödra minya, mʼ adre me ti se hia; Kʼ ame ca hna haledra omeno he ka wakhalet.

Salamo 119:162

Oge me senyinâ hwâm hofuc, Helâ me at ame hlo omjeû ae gan hmâ adre söh.

Salamo 4:7

U je hia but ip hnyi hnyekuk senyin Ae gan hon ûen adre osehia anyidra hwit me waina.

Isaia 10:26

Ke ame he Iehova tuhan sabaoth ka oâ kâu osö, helâ me hna kot at Midiana hnyi kic Oreba; kʼ ame he anyin uci ka e hon köiö, ke e ame he ka hai goranyai e helâ me hnyi Aigupito.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 14:5

A hia but Iehova thu uci anyin tavat ae kong, me baten musi anyin tavat musi;

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Isaia 26:15

Iehova lö, u je hia but osehiâ hnyei, u je osehia hnyei; adre hia but oganö u: u je oc ûsâkâûöâ je hnyigöuleny hnyei hia.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 35:2

E ame he ka vhong gan hmâ me senyin ge hobâ me khumöng; adre me he ka ham kâu hmanenanginy Lebanona me mecin Karemela me Sarona: adre me he ka wâ hmanenangi Iehova, wale mec anyin Khonguta.

Isaia 54:1

KHUMÖNG dö, u momo toûnyi at ame ca hnokoâ; ke ie khumöng dö goranyai, ke hongot senyin dö momo ame ca vec hnyekom: anyin ae se hia lakon tavat laba baû hon lakon tavat ae hu laöiödra, haingö Iehova.

Isaia 55:12

Anyin a öbun e he ka didrut hnyi senyin, ke adre me he ka lili öbun ge hnahic: ame he ta je bucen me ta je hut ka ie khumöng dö huyi hnyimaköbun, ke ame he je ûöiny hnyot hia ka khöûkhöû hnyam.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 61:7

Ame he ka lo li hwaban köbun, hwaban anyibun hmehma; ke hwaban imonumonuny adre me he ka senyinâ jekhöûdra; anyin a wale adre me he ka olo hu hnyi idra hnyei: kʼ adre me he bi ka senyin nyiele balua.

Isaia 65:14

wâ bi, ame he je athnyabaik ka khumöng ge senyin hnyok, ke öbun e he bi öbun ka tenge ge hnyok ae hlöuhlöu, me kuku tenge ge vecin hanu.

Isaia 65:18

Ke so öbun e senyin me hobâ balua hnyi ûnyi oge me op: anyin a wâ bi, oge me op Jerusalema, hnân senyin, ke ta je aten hnân hobâ.

Isaia 66:10

Tha senyin dʼ öbun me Jerusalema, me hobâ thö gan öbun hia thithö tavat öbun e hnyok kâu: tha senyin hwege thö mē, öbun hia thithö öbun e tenge gan:

Jeremia 31:7

Anyin a walang hna ha bnç Iehova, ka habe, Khumöng senyin dö ga Jekob, me hongot dö ge hnyei ae beönua: haimemenâ thö, ogânâ thö, me ha, ka habe, Iehova löomelö thö lakem, a je kolon hnyi Isaraela.

Hosea 4:7

Kʼ adre me ânyâ hwakecin ae kong könya hoton ûseidra: oge me he ka wia anyidra hmanenang, mʼ adre me hmehma but.

Levitiko 26:13

Inya Iehova Khongubun, at ame hum öbun ûnyi hnyi hnyei Aigupito, möbun e ca he ka bi athnyaba ködra; ke oge thu hnödra hna hûkölʼ öbun, me wiʼ öbun he ka tot wia.

Zakaria 10:8

Oge me he ka hûlûhwajû ködra, me ûkhacaköu ödra anyin oge hia but ûcû melidra: ke adre me he ka si helâ me hwakecin ûsehiaidra.

Zakaria 2:11

Ke ame he ta je hnyei ae se hia ka tha hien me Iehova hnyi bong eling, ke adre me he bi ka lakeik: ke oge me he ka laba hnyi wanbâm, me u me he ka wâ a ga kunö nya köu Iehova tuhan sabaoth.

Zakaria 8:23

Walang hna ha hnö Iehova tuhan sabaoth, ka habe, Hnyi je bong eling, me ame he hnyat a ten ka kât obiny ûkhaû anyin at Juda, walödrin hnyi ta je hwen hnyei hia, me ha, ka habe, Ohmun e he ka tha he möbun, anyin ae khanʼ ohmun dut a e unyibun Khong.

Luka 11:22

ke e ka o at ae hwege hon e, me ngâ e, me e ame he ka hûgûnâ gan anyin ûnyi hnân vat, waleji e ame labageju kâu, me khenâ anyin ta je ûnyi.

Ta je huliwa 8:8

Ke e gan hmâ senyin hnyi taun eling.

Filipi 4:4

Senyin bala thö ka Than: ke inya hmetu oge me ba, ka habe, Senyin dö.

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang:

Owisa 5:3

Long ju öbun je than; tivehlöng ju öbun je taben; Me oge me he bi nya ka khumöng kö Iehova; Oge me he ka khumongö olungâ ko Iehova, Khongon at Isaraela.

Owisa 7:22

Ke ödrin e tûâ je trutru a kun ta haded, ke Iehova ama iwiaköuâ hele vat anyin ke at me ke at ka ke at a hanen, ke ûcon vat hia thithö: ke ame kec vat ke ne o but hnyi Bethe-sita hnyi ke keihen Zererath, ke ne o but hnyi bnyigöulen Abela-mehola hnyi Tahath.

Owisa 8:12

Ke ame kec ut Zeba me Zalemuna; me e ame hnu ödru; me e ame kât li thaniny at Midiana, Zeba me Zalemuna, me ohmöiöngâ utbavat hia.

I. Samuela 30:16

Me e ame su e, me wâ bi, adre me laba me avâ kânâ hia, kʼ adre me han me ic me bijeûâ, anyin ae se hia je ûnyi adre me hûgûnâ ödrin e hom ûnyi hnyi hnyei iny at Filisiti, me hnyei Juda.