Isaia 9:20 - Iaai Bible 1901 (New Caledonia)

²⁰ Ame he ke at ka söh hnyi ke keihen a metâ, kʼ ame he ka mekihnânem bala bi; ke e ame he ka han hnyi ke keihen me, kʼ ame ca he ka sekon bi: kʼ adre me he ka ve an viny je benyidra bi:

Isaia 9:20 ပူးပေါင်းရင်းမြစ်များ

At Khet 4:5

At ae monu ame hûkâlâ li hnyamen, me ka an bi viny.

Isaia 10:4

Adre me he bi ka tha iyâû thibi me ta je bâ, me tha ta me tavat adre me hlingâ. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Isaia 14:30

Ke ame he nokon a bân at ae theduoc ka han, kʼ ame he tavat ae ba ta ûnyi ka mokut khötkic: ke oge me he ka hlingâ ânyâm wân ge mekihnânem, ke adre me he ka hlingâ ânyâm je kolon.

Isaia 3:1

A NYIN a wâ bi, haba Than Iehova tuhan sabaoth, ame hom ûnyi Jerusalema me Juda ke ci me ke ci, wale je ci areto hia, me je ci köiö hia;

Isaia 49:26

Ke oge me he bi nya ka han tavat ge hing vidra a ödra adre me oveci u; kʼ adre me he ka monu ge hing drödra bi, helâke me hnen waina ae hnebwia: ke ame he tavat hia ka khanʼ ödra a inya Iehova, at ame omeli u, me at ame ûcû melâm, a Man mani Jekob.

Isaia 5:25

Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Isaia 51:19

Walang li ûnyi ame o köu; ie at ame he ka tenge gam? habe, e ba at, me hnaûhango, me hmiâ, me hele vat; oge ma kâmâu he ka otubweli u.

Isaia 8:21

Ke adre me he ka vheno e hnyi vec me mekihnânem: ke ödra ka he ka mekihnânem, me adre me he ka vec hnyok, me hangâ hnyi ien tuhödra me Khongudrin, ke hngele bi hnyi dranyai:

Isaia 8:22

ke adre me he! ka wâ hmeledrany, ke wâ bi, vec me menekholom, kʼ ame he ka lit ge vec; ke adre me he ka obʼ ödra ka hnyi menekholom ae khot.

Jeremia 13:14

Ke oge me he ka öûsetuödraköu ödra, a je kamen me lakon, haingö Iehova: oge me ca he ka menyik, me hokhnyok, me betenge, ke oge me he ka ohiʼ ödra.

Jeremia 19:9

Ke oge me he ka hnʼ ödra he ka an viny lakudra obaga, me viny lakudra wahlu, ke adre me he ka ve an viny je lawaedra, hnyi hna igigilo, me hna thelöng, wale ame he ka oveci ödra hnyin hnen je iwahnaihmiony mödra, me tavat adre me elâm he ka hlingʼ ödra.

Je tenge anyi Jeremi 4:10

Haba je momo betenge adre me thân je hing lakudra ge je hnyamödra bi; Adre me ön ödra hnyi hna ohiainy hluiny ik hnyei.

Mika 6:14

U me he bi ka han, me u me ca he bi ka sekom; ke ame he ka e bi hnyi wanbâm hna hom ûhnyûkongu u: ke u me he ka sukhöunâ omjeû, kʼ ame ca he bi ka sot hnâm hna sukhöunâ; ke haba ûnyi u me hom, me oge me he bi nya ka hna ka hnyi hele vat.

Zakaria 11:9

Me haingök, ka habe, Oge me ca he bi nya ka ha ö ʼbun: haba at ame he bi ka mok, me ame ka e bi ka mok; ke haba at adre me he ka subâ degecâ, me adre me ka he bi ka subâ degecâ; ke haba kolon, me so ame he ka ve an vidrin hnen keihen.

Mareko 3:24

Ke a ne imouköu ke dokhu, e ca khana dokhu eling he ka tethmâ.