Isaia 9:2 - Iaai Bible 1901 (New Caledonia)

² Haba tavat waleji adre me vheno menekholom, me adre me wâ melam ae gan: ke haba tavat adre me labā je hnyei a hanon mok, me ame umumelam hudra lany.

Isaia 9:2 ပူးပေါင်းရင်းမြစ်များ

Jobu 10:21

Kʼ inye tiga ca he ka hnyi dok adre me ca hmetu ûnyi hnyin, Wale hnyei ae menekholom me hmenon mok;

Salamo 107:10

Haba tavat adre me laba hnyi menekholom me hmenon mok, Wale adre me cʼ ödra hnen vec me fao;

Salamo 107:14

E ame hum ödra ûnyi hnyi menekholom me hmenon mok, Me thu je hna cʼ ödra.

Salamo 23:4

Eke, oge ne vheno hnyigöulen bucen a hmenon mok, Me oge me ca he ka outen ûnyi ae kong; anyin a tha u mönya: Kʼ ame okahwö nya ânyâm utömhu me cem uci.

Salamo 4:8

Oge me he ka hlöhlöu me mokut minya hnyi hnahic: Anyin a u thibi Iehova ame olabö nya, khötkici nya.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 60:19

Ame ca he hmetu seûno ka hnân melamâm hnyi lany; ke ame ca he ka omelami u ge melaminy tehi: kʼ ame he Iehova ka olanyi u nyiele balua, ke Khongom a mecâm.

Isaia 9:1

KE ame ca he bi ka lit at eji ame vec hnyok. Haba hnyi je bong ehac e ame ohûkötiâ hnyei Zebulona me hnyei Nafatali, ke haba hnyi ûen a biliny, me e ame ohmanenangâ, hnyi gethen hnyi hobat köiö, hoton Joridano, Galilaia iny ke ta je hnyei.

Amosa 5:8

elâm dö at ame ânyâ kukuûnyi me orion, kʼ ame wia hmenon mok ka hnyi hnyomakatu, at ame omenekhulumo lany me me lit; kʼ ame hawâ köien köiö ae gan me hingâlâ ka hnyi kânâ: Iehova ien;

Mataio 4:16

Haba tavat adre me laba hnyi menekholom Adre me wâ melam ae gan, Ke haba tavat adre me laba hnyi ke keihen hnyei a hmenon mok, Ame o but melam kodra.

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.

Ioane 12:35

Haba Iesu ame ha kodra, ka habe, E okhulit biju melam unyibun. He thö e me tiga e unyibun melam, wâ e nye o but köbun lit: haba at ame he hnyi lit, me ca khana dok e ame he ka hnyin.

Ioane 12:46

Inya oge me o mʼ inya melaminy hmeledrany, me me ca laba hnyi lit at ame labageju könya.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Efeso 5:8

anyin a öbun menekholom ehac, ke walang ang öbun e melam but hnyi Than: vheno bala ju helâ me ta je lakon melam,

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

Owisa 5:30

Hawa, e ba wâhnodrin, adre tiga ca khenâ je hna hûgûnâ? Ame ne ûsa khaca hlu ka ke at me ke at, ame ne ûsa lo li hlu; Ke hnân hobi kö Sisera je khauen adre sei ae ve makan, Ae ve makan hna tibet omecin hnyi li hwenöiny, ûnyi hnyi nyin je hna sei?