Isaia 9:17 - Iaai Bible 1901 (New Caledonia)

¹⁷ Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Isaia 9:17 ပူးပေါင်းရင်းမြစ်များ

Jobu 15:34

Anyin a haba bunyen anyin at ame ca ot, me ame he ka ba wan, Ke meic ame he ka han je uma mano umen tavat adre me kap hwaban ae hwali.

Salamo 109:12

E so e ba at ama betenge gan; Ke so e ba at ame he ka betenge ge lakon a je nakahme.

Salamo 147:10

E ame ca senyin bi ka hwegien hors: E ame ca senyin ge li can at.

Isaia 1:4

Ekölö gam hnyei ae kong hwakecin, tavat ae hmak ut ge hulo, mâtrâniny tavat adre ânyâ monu, je lakon adre he hwali: adre hia but hna degeci Iehova, me hûkotiâ Kapi Isaraela, adre me atkanyua but me hmetu hmetu but.

Isaia 10:2

he ka wia at ae theduoc hnyi hna owisa, me ohia wisa ûnyi ge lakeik adre me vec, mʼ adre me söh ta je safac, me hûgûnâ ta je ûnyi anyin tavat ae ba kamödra!

Isaia 10:4

Adre me he bi ka tha iyâû thibi me ta je bâ, me tha ta me tavat adre me hlingâ. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 13:18

Ke ame he anyidra je cafana ka öūo wahidröu; ke adre me ca he ka betenge ge wan hnyok; ame ca he li emaködra ka hna baûâ je wanakat.

Isaia 14:20

U me ca he, ka ûkhacaköu mödra hnyi erkemok, anyin a u je okongoâ em hnyei, me hlingâ lakem; adre me ca he bi ka ha nyiele balua mâtrâniny tavat ae kong.

Isaia 24:5

E ikiki hnyei hmelen tavat adre me labā e; anyin adre me hanyâûâ ta je hnanyibu, me wia hna otilâ, me thu hna ûhihinyköu a nyiele balua.

Isaia 27:11

Ke e ka meleca ta je vheiny, me adre me he ka thu degecâ; ame he omomo ka he bi, me thong ut ge meic: anyin a e hnyei ame ca wâhmakhmeto; anyin a wale ame ca he ka betenge gadra at ame up ödra, ke haba at ame otilʼ ödra, me ame ca he bi ka ânyâ so ködra.

Isaia 3:8

Anyin ame hangâ but Jerusalema, ke Juda ame ü: anyin ae iwahnaihmiony me Iehova je bohmödra me anyidra je huliwa, he ka ohinyâ li emakan ae hmanenang.

Isaia 31:2

Ke so bi e metâ, ke e at ame oâ ûnyi ae kong, ke ame ca he ka ohmeto hwan je hofuc: ke e ame he ka tot metâ ka lap anyin tavat ae kong, me ka singiny tavat adre me ânyâ monu.

Isaia 31:3

Ke ta je at thibi at Aigupito, ke ca Khong bi; ke je viny haledra je hors, ke ca je hanu bi; ke e ka he Iehova ka hai hnyamen, me ame he ka tha ta, a at ame hadruâ me at hok ûhadruo, mʼ ödru me he ka tha hia! but.

Isaia 33:11

Öbun e he ka erkinâ unen hwit, kʼ öbun e he ka hnokoâ taan thatûnyin hwit: haba homenöbun me meic hnân ön öbun bi.

Isaia 33:12

Ke ame he ta je hnyei ka helâ me hna inyâ veto: ke helâ me je ûö ae ûdedö adre thong.

Isaia 40:30

Ke ame he je thoth ka mat me sēnyin, ke ame he je wahidröu ka ta but:

Isaia 5:24

Anyin a wale, helâ me bâhlân meic ame an thatûnyi, ke helâ me önying ae meleca ame ta hnyikânâi hnyi meic, helâe ame he ka bobot anyidra iwân, kʼ ame he ka sâ göranyai anyidra je vongon helâ me sesâiny kânâ: anyin adre me hna degecâ hnanyibu anyi Iehova tuhan sabaoth, me hûkotiâ hofuc hwan Kapi Isaraela.

Isaia 5:25

Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Isaia 62:5

Anyin a helâke hidröu ame hom hlu, helâe ame he je lakom ka faipoipo möu: ke ame he Khongom ka senyin köu, helâ me at ame hap faipoipo ame senyinâ âiân.

Isaia 65:19

Ke oge me he ka senyinâ Jerusalema, me hobâ ta je atök: ke adre me ca he hmetu ka long hwan thungaû, me tenge.

Isaia 9:12

at Suria hnyi hnyimakodra, me at Filisiti hotudra ai; ke adre me he ka uto Isaraela ge hnyem ae memang. Ke hnyi ta je ûnyi e hia, e ame ca hwio hnyi anyin hmonyin, ke ame lau bala bi hnyamen.

Isaia 9:21

Manase ame he ka ön Eferaima; ke Eferaima ame he ka ön Manase: kʼ ödru ma he ka tha hiödru ka vat me Juda. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Jeremia 18:21

Anyin a wale hna but lakudra ka hnyi hmiâ, ke hnʼ ödra but ka hnyi maniny hele vat, ke ame he ka ba but lakon laöiödra, me je safac bi, ke ame he mok ka hlingâ obaga, adre me he ka hlingâ anyidra wahidröu ge hele vat hnyi vat.

Jeremia 5:1

WADRINGÂ thö je gethen hnyi Jerusalema, me wâ walang ang, me khana, me elâm hnyi je dok ae nedrong, ame ne he ka wâ at, ame ne hu at ame ânyâ wisa me elâm hnathu; me oge me he ka hna anyin hulo.

Ezekiela 20:33

Haingen Than Iehova, ka habe, kia inya inya a oge me he ka bi than hubun ge hnyam ae hwege me beny adre hai, me hmonyin adre hingâlâ:

Amosa 4:10

Oge hia but kunâ köbun mok ae cap helâ me hnyi Aigupito: oge hia but hlingâ wahidröu gabun ge hele vat, me hûgûnâ halebun je hors: ke oge hia but oâ bokonginy hnobun hna hunuma ka hnyi je hnyingöibun: ke öbun e ca hmetu könya haingo Iehova.

Amosa 8:13

Hnyi bong eling ame he wahlu ae hmanenang me wahidröu ka momonu ge beic.

Mika 7:2

E hia but at ae so eang hmeledrany, ke ba at ae fofâ unyin tavat: ödra hia adre me mokut he ka mâdrâ dra; adre me ve hnu je lawaedra ge ert.

Zakaria 9:17

Anyin ae ti gan hmâ anyin so, ke ti gan hmâ anyin hmanenang! ame he ka sot wahidröu ge hwit, ke wahlu minya ge waina.

Mataio 12:34

Je lakon on lö, öbun e he ka kâmâu he ka ha je hofuc ae so, kʼ öbun kong bi? anyin ame fuc hnyem ûnyi ge unöngötiny hnyok.

Mataio 16:3

Ke hnyi hnyomakatu, Ame he ka kong drany hnyi bong ang: anyin ame dra drany ke khömet. E khanʼ öbun he ka wâhmakhmetoâ bongon drany; ke ca khanʼ öbun bi be ka wâhmakhmetoâ ta je haten ta je ûen.