Isaia 9:15 - Iaai Bible 1901 (New Caledonia)

¹⁵ Haba hingat ae lung so, me wale ban; ke haba obiny, me wale perofeta ame ûne thoi.

Isaia 9:15 ပူးပေါင်းရင်းမြစ်များ

I. Je Than 13:18

Ke haingen kâu, ka habe, Inya ang ke perofeta helâ möu; ke haba angela ame ha könya hnyi hofuc ho Iehova, ka habe, Ohmeto ju e ka hnyi umâm uma, me me han areto me ijem köiö. Ke e ame thoi kâu.

Jobu 22:8

Ke haba at ae hwege, me waleji at ae tren kânâ; Ke haba at ae ûnyi hnathu, me waleji at ame labâ e.

Isaia 19:15

Ke ame ca he ka hu huliwa anyin Aigupito he ka ânyâ hnen ban me hmokunen, me lan pama, me saköwi.

Isaia 23:9

Ame ûnykûme e hnö Iehova tuhan sabaoth, hnân he ka oûnyibaûâ bigan anyin tavat hia ae hmanenang, me ohûkötiâ je at hnathuiny hia hmeledrany.

Isaia 28:15

Anyin a öbun e ha, ka habe, Öhmun e hia but ûhihinyköu me mok, ke öhmun e tha hien me hedis; e ka o thö okongon ae: bahihingölö, ame ca he ka o kohmun; anyin a öhmun e hia but wia thoi me hnân anyihmun hnabâ, ke öhmun e hia but ikhölö hmelen iyawo:

Isaia 28:17

Ke oge me he ka ânyâ hna owisa hnân tulut, ke hwakecin ae wisa hnân tulut ûhni; kʼ ame he we wahma ka aba degecâ hna-bâiny thoi, kʼ ame he ka bahihingölö ta je köiö ka hnyi dok adre me lubaduöng hnyin.

Isaia 28:7

Ke a hia but minya tavat ang he hwali ge waina, me he monu ge grâg; ame he hwali at bi hut me perofeta ge grâg, ame utʼ ödra ge waina, ke adre me he monu ge grâg; adre me haû hnyi hnödra hna wâ, me ta tot hnyi hna owisa.

Isaia 29:10

Anyin a hia but Iehova hingâlâ hubun hanuiny mokut hnying, me ömûki öbun, wale ta je perofeta; ke ame tube je böbun, wale tavat wâ.

Isaia 3:12

Ke haba lakeik, ame sedʼ ödra hnen je wanakat, ke ame musi ödra hnen je momo. Lakeik lö, a omonu u hnen tavat adre me su u, me ohia dem ta je gethen.

Isaia 3:5

Ke ame he tavat ka ûöveciköu, ke at me ke at: ame he wanakat ka bi gan ka hingat, me hoûmonu ka je than.

Isaia 43:27

Ame ânyâ hulo hnen kâmâm a bân, ke ame ûkhin fuc mönya ânyâm je ûthumetu.

Isaia 5:13

Anyin a wale ame he lakeik ka bâ, can e ba ûnyi ae khanʼ ödra: kʼ ame mekihnânen tavat ae beönua gadra, ke mok ge beic hoûmonu gadra.

Isaia 59:3

Anyin ae kong ut je hnyamöbun ge dra, me je banyöbun hnen hulo; ame ha thoi hnen je esongodibun, ke ame fuc monu je bohmöbun.

Isaia 59:4

E ba at ame hawâ hnyi hwakecin ae wisa, ke ba at ame ivino hnyi hnathu: adre me labageju ka ûnyi ae ba onyen, me ha thoi; kʼ adre me erkinâ ûokonguny, me hnokoâ but hulo.

Jeremia 23:32

Wâ bi, ûcûk ta je perofeta tavat adre me bwi thoi, haingö Iehova, wale tavat adre me ha bi me omono lakeik hnen anyidra ta je thoi, me hwakecidra ae hop: ke oge me ca kunʼ ödra me hûna kodra; ke ame he ka ba troban ka hnyei ang ûnyi gadra, haingö Iehova.

Jeremia 23:9

Ge ta je perofeta. Ame vec eû hnyekuk me öbubuny hia je jeiok, oge me helâ me at ame monu ge grâk, me helâ me at ame ngâ ge waina; can ga Iehova me hwan hofuc ae kap.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Ezekiela 13:19

Ke öbun e hia but okongu nya unyin lakeik hwaban je hnyam bali, me je ujeû, he ka hlingâ tavat a ca hnân bi mok, me omelo tavat a ca hnân bi möt, hnen anyibun thoi ka ta je atök tavat adre me long thoi.

Ezekiela 13:22

Anyin a öbun e hia but ovecâ hnyekon at ae wisa ge je thoi, waleji oge me ca ovecâ; me ohwegiâ hnyamen tavat ae kong, me me ca he ka hmetu bi ûnyi hnyi deny gethen ae monu, me me möt:

Hosea 9:8

Ke haba Eferaima, me at hmâkâ ehac unyin Khonguk: ke haba perofeta hnyi deny je gethen hia ae hu hnewe anyin at ame töu hnewe, kʼ adre me ivino bi hnyi uma umen Khongon.

Amosa 2:4

Walang hna ha hnö Iehova, ka habe, Can kun ta monuiny Juda, eke, can vak, oge me ca he ka ohavâ hwaban e; anyin adre hia but hna degecâ hnanyibu anyi Iehova, me ca tuö hnen je hna otilâ, ke ame omonu ödra anyidra je thoi, waleji a hnu hoton lakamödra:

Mika 3:5

Walang hna ha hnö Iehova ge je perofeta, tavat adre me omono lakeik; tavat adre me ûhûlû ge ta je nyudra, kʼ adre me hongot, ka habe, Ûsoköu; ke haba at ame ca hinö ûnyi ka hnyi je hnyimödra, me adre me penapena he ka vat më.

Malaki 2:9

Anyin a wale oge hia but wiʼ öbun hnân hûkötiâ me kong hnyi hnyimakan tavat hia, hoton hnobun hna ca tuö dek je gethen, ke öbun e ûciâköuâ ge hnanyibu.

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Mataio 7:15

O ʼban âu ge ta je perofeta thoi, adre me o but köbun, kʼ adre me khavâ je ûkhaûiny mamoe, ke eû hnyi hnyidrin je luko ae ûhûlû hmonyin.

I. Ioane 4:1

HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio:

I. Samuela 9:6

Ke haingen kâu, ka habe, Wâ bi, e hu ke aten Khong hnyi taun eang, at ae lung so; ame hwâdâ hia hnen je hna ha: otu Le kâ e; ame ne he ka omanenâ kötu la ge hnötu hna vheno.