Isaia 9:14 - Iaai Bible 1901 (New Caledonia)

¹⁴ Anyin a wale ame he Iehova ka subâ degecâ hnyi Isaraela ban me obiny, pama me amun, hnyi bong a khaca.

Isaia 9:14 ပူးပေါင်းရင်းမြစ်များ

Isaia 10:17

Ke haba melaminy Isaraela ame he ka hnân meic, ke haba anyin Kap hnân bâhlân: ke ame he ka thong me an anyin je iwatetaföcö me iwadekong hnyi bong a khaca.

Isaia 19:15

Ke ame ca he ka hu huliwa anyin Aigupito he ka ânyâ hnen ban me hmokunen, me lan pama, me saköwi.

Isaia 30:13

anyin a wale ame he hulo ang ka helâ me hmouca köbun, ame he ka ta, ae dua hnyi hna up veto ae beû goranyai, ame he ka ie bobot helâ me thuthubademak.

Jeremia 6:21

Anyin a wale walang hna ha hnö Iehova, ka habe, Wâ bi, oge me he ka ip ta je ûnyi hnân ohavâ hnyi hnyimakan tavat ang: ke ame he je kamen me je lakon ka tha haû hnyin e; ame he ka tha mok at me waeny.

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Je tenge anyi Jeremi 4:16

Ame hia but ovesei ödra hnen hmonyin anyi Iehova; e ame ca he hmetu ka ûnykûmi ödra bi: Adre me ca okabâ hnyimakan tavat bihut; kʼ adre me ca betenge ge wahingat.

Hosea 1:4

Ke haba Iehova ame ha kâu, ka habe, Hwenyi ien do, ka habe, Jezerela; ke haba me okhaca me oge me he bi nya ka bi hwaban drö Jezerela ka lap anyi Jehu, ke oge me he ka bi obiny dokhu dokon lap anyi Isaraela.

Hosea 1:6

Ke e ame erkin hmetu me nokoâ in. Ke haingo Iehova kâu, ka habe, Hwenyi ien dö e, ka habe, Lo-ruama: anyin oge me ca he hmetu ka betenge ge lap anyi Isaraela, wale he ka thang degeci ödra.

Hosea 1:9

Ke haingö Iehova, ka habe, Hwenyi ien dö, me Lo-ami; anyin a ca lakeik ut öbun, me oge me ca he bi nya ka Khongubun.

Hosea 10:15

Kʼ ame he Beth-ela ka ânyâ helâe köbun can hwakecibun ae kong: ke adre me he ka subâ degecâ than Isaraela hnyi hnyomakatu kong.

Hosea 13:3

Anyin a wale adre me he ka helâ me ûlâ hnyi hnyomakatu, ke helâ me dân hau ae logot hia, ke helâ me unen hwit ame oû ang dö ûnyi hnyi hna huje hwit, ke helâ me hai ûnyi hnyi deny hai.

Hosea 4:5

Ke u me he ka haû hnyi selany, ke u me he ka tha haû me perofeta hnyi lit; ke oge me he ka ohia hinyâm.

Hosea 8:8

Adre hia but utâ Isaraela: ödra bi walang ang unyin je hnyei helâ me kaia a ca hnân senyinâ.

Amosa 3:12

Walang hna ha hnö Iehova, ka habe, Adre me he ka hûgûnâ lakon Isaraela tavat adre me laba hnyi Samaria hnyi kopiny hna mokut, helâ me at tuö mamoe ame hûgûnâ ûnyi hnyi hnyimen liona li can, ame ne ke keihen hnyikonyen.

Amosa 6:11

Anyin a wâ bi, Iehova ame hûna, ke adre me he ka kot uma ae gan, me me amam but, ke uma ae ûhnyûkong me me khekhe but.

Amosa 7:17

anyin a wale walang hna ha hnö Iehova, ka habe, Ame he âiâm ka helâ me momo hnyi getheniny taun, kʼ ame he ka ta lakon obaga me wahlu ge hele vat, ke adre me he ka khenâ em hnyei ge tulut tö; ke u me he bi ka mok hnyi hnyei ae ikiki, ke e hnathu adre me he ka hom bâ at Isaraela ûnyi hnyi idra hnyei.

Hna Omanenâ 18:10

ke ödrin e tot sâkâû anyin a ödrin e outen anyin vec, me ha, ka habe, Ekölö, ekölö ge taun ae gan a Babulona, taun ae hwege! anyin ame o but hwaban köu hnyi awa a khaca.

Hna Omanenâ 18:17

anyin adre ohia but hnyi awa a khaca tang omjeû ae gan hmâ helâe. Ke ame tot sâkâû ta je tuhan hu, me tavat adre me kec ehe hnyi köiö, me je aten hu, me tavat adre me huliwa hnyi köiö,

Hna Omanenâ 18:8

Anyin a wale ame he ka o kâu anyin je mok hnyi bong a khaca, wale mok, me hlöuhlöu, me hmiâ; ke adre me he ka thong degecâ e hnen meic; anyin ae hwege Than a Khong at ame bi hwaban kâu.