Isaia 9:13 - Iaai Bible 1901 (New Caledonia)

¹³ Ke so bi ame ca hwio tavat kâu at ame kuc ödra, ke haba khaca adre me ca elom Iehova tuhan sabaoth.

Isaia 9:13 ပူးပေါင်းရင်းမြစ်များ

II. Man Ûlabainy Je Than. 28:22

Ke haba hnyi ûen anyin vec, e ame ânyâ hmetu hwakecin ae kong kö Iehova, wale than Ahaza.

Jobu 36:13

Ke haba tavat ame ca ot bi je hnyeku dra, me adre me ûkhöûnâ hmonyin: Adre me ca khöû hnyi ûen e ame cʼ ödra.

Isaia 1:5

Anyin a ieû adre me he hmetu ka kuc öbun, me tiga bihanen bala hnobun hna ûkhin fuc? Ame mok hia ban, ke sēnyin hia hnyok.

Isaia 19:15

Ke ame ca he ka hu huliwa anyin Aigupito he ka ânyâ hnen ban me hmokunen, me lan pama, me saköwi.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 31:1

EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Isaia 57:17

Can hulöiny anyin behnyekon oge me hmönyik me kot e, oge me ikhölö me hmönyik: ke e ame hanyâûâ tilâ hnyi je deny hnyekon.

Isaia 7:20

Ke haba hnyi bong eling ame he Than ka ûgi ge heleûgi adre me mē bi hwaban, a e bi hnyi ke keihen hoton wagewe, wale unyin than Asuria, ban me leûnen li can: kʼ ame he minya bi ka khudreû bi wainy.

Jeremia 15:7

Ke oge hia but ulic ödra ge ut hnyi je homagouleny hnyei; oge hia but öba lakudra, oge hia but öba lakeik; adre me ca hmetu ûnyi hnyi dedra je gethen.

Jeremia 29:11

Anyin ae khanö nya bi ta je ûnykûme, oge me ûnykûme köbun, haingö Iehova, je hna ûnykûme ae hnahic, ke ba kong hnyin, me me he ka hu gejon hnyi obiny.

Jeremia 5:3

Iehova lö, hawa, ame ca wâ ûnyi ae hnathu hnen li emâkâm? u je kuc ödra ke adre me ca vec bi; u je öaûʼ ödra, kʼ ödra höcö bi he ka kap hna nâ: adre hia but onâkâ je hnyimakodra hon veto; ödra höcö bi he ka hmetu.

Ezekiela 22:24

Nokon at lö, ha thö kâu, ka habe, U hnyei adre ca ânyâwia, ke a ca hû we hnyi bonginy hmonyin.

Ezekiela 24:13

E bi hnyi hwakecâm ae ikiki ûnyi ae ti kong: oge hia but obosoi u ke u ca bo so, anyin a wale adre me ca he hmetu ka obosoi u ûnyi hnyi hwakecâm ae ikiki, ke ne o but oge me he ka ip hom anyik hmönyin.

Daniela 9:13

Ke ame aat kohmun ta je ûnyi hia ae kong eang, helâ me hna sihnalimen hnyi hnanyibu anyi Mose: ke so bi öhmun e ca hia but sumâtâ betenge anyi Iehova Khonguhmun, me öhmun e hmetu ju ûnyi hnyi ta je hwakecihmun ae kong, me wâ ûnykûme ânyâm hnathu.

Hosea 5:15

Oge me he ka he but me hmetu ka hnyi hnok, ke ne o but adre me ogâ anyidra monu, me elâm hnyi-makök: ke adre me he ka ti elom nya e ka hu vec gadra.

Hosea 7:10

Ke ame ohnatho hnen bi gan anyin Isaraela hnyi hnyimakan: ke so bi adre me ca hmetu bi kö Iehova Khongudrin, me elâm e, hnyi je ûnyi hia eling.

Hosea 7:16

Adre me hmetu ke ca kâu bi ethö gorany; ödrin ûcû me cafana ae iyawo; kʼ ame he anyidra je taben ka ta ge hele vat can ae hwege ifucidra: wale hnân hlumʼ ödra hnyi hnyei Aigupito.

Amosa 4:10

Oge hia but kunâ köbun mok ae cap helâ me hnyi Aigupito: oge hia but hlingâ wahidröu gabun ge hele vat, me hûgûnâ halebun je hors: ke oge hia but oâ bokonginy hnobun hna hunuma ka hnyi je hnyingöibun: ke öbun e ca hmetu könya haingo Iehova.

Amosa 4:6

Ke oge hia but ham köbun je nyu ae ba tiren hnyi anyibun je taun hia, me ohmiâ jeû hnyi je hnobun hia: ke so bi öbun e ca hmetu könya haingo Iehova.

Zefania 1:6

ke tavat adre me hmetu unyi Iehova; ke tavat adre me ca elöm Iehova, me ca hnö e.

Deuteronomi 4:29

Ke so hi öbun ka he eling ka elöm Iehova Khongom, me u me he ka wâ, u je ne elâm ge hnyekom ae bekhöt, me hanom ae bekhöt.