Isaia 9:12 - Iaai Bible 1901 (New Caledonia)

¹² at Suria hnyi hnyimakodra, me at Filisiti hotudra ai; ke adre me he ka uto Isaraela ge hnyem ae memang. Ke hnyi ta je ûnyi e hia, e ame ca hwio hnyi anyin hmonyin, ke ame lau bala bi hnyamen.

Isaia 9:12 ပူးပေါင်းရင်းမြစ်များ

II. Je Than 16:6

Haba hnyi ûen eling Rezina than Suria ame hûgûnâ hmetu Elath hobi kâu Suria, me obâ at Juda ûheny Elath: ke ame o at Suria Elath ai me laba eling, ke ne o but hnyi bong ang.

II. Man Ûlabainy Je Than. 28:18

Ke haba khaca a hia but utut at Filisiti ka hnyi je tauniny dok ae hnyikânâ, me ke keihen ka hnyi Whaiöiny Juda, me hûgûnâ Bethe-semes, me Aijalona, me Gederoth, me Soko me je tauniny, me Timena me je tauniny, me Gimezo me je tauniny: me ödrin bi, ödrin e ka labā.

Salamo 79:7

Anyin adre hia but ön Jekob, Me kia degecâ bi hnyaban.

Isaia 10:4

Adre me he bi ka tha iyâû thibi me ta je bâ, me tha ta me tavat adre me hlingâ. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Isaia 11:14

Ke adre me he ka utut ka hnyi hon je bajebenyin at Filisiti e jimeû; adre me he ka tha söh tavat aten jimeio: adre me he ka inâ hnyamödra hon Edoma me Moaba; ke ame he ka ling ödra je laku Amona.

Isaia 31:1

EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Isaia 5:25

Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Isaia 9:17

Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Isaia 9:21

Manase ame he ka ön Eferaima; ke Eferaima ame he ka ön Manase: kʼ ödru ma he ka tha hiödru ka vat me Juda. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Jeremia 10:25

Hingâlâ but ânyâm hmonyin hon je hnyei ae ca khanʼ ödra u, me hon je lap adre me ca hawâ bi iâm: anyin adre hia but öaûö Jekob, eke, adre hia but utâ e, me ohia e, me öba wan hnyaban.

Jeremia 15:7

Ke oge hia but ulic ödra ge ut hnyi je homagouleny hnyei; oge hia but öba lakudra, oge hia but öba lakeik; adre me ca hmetu ûnyi hnyi dedra je gethen.

Jeremia 35:11

Ke haba hnyi ûen eji ame o Nebukaneza than Babulona ka hnyi hnyei, me ohmun e ha, ka habe, Ai öbun, ate me he Jerusalema ai me kec ge utbavat a at Kaledaia, me utbavat a at Suria; me ohmun dut ang ohmun e laba hnyi Jerusalema.

Jeremia 4:8

Can e, weikâ ju öbun mano ae gan nân, tenge thö me kuku; anyin ame ca hmetu gata hmonyin ae gan hmâ anyi Iehova.

Ezekiela 16:27

Anyin a wale wâ bi, oge hia but hai hnyamok hom, me oûnyûkongoâ âm jeû, me hnö u ka hnyi weny tavat adre me hûkötiö u, je wahluiny Filisiti tavat adre me hmehma ge je hwakecâm ae ikiki.

Ezekiela 6:14

Ke oge me he ka hai hnyamok hudra me oba wan hnyei me wia ka hnyot, hwân hnyi hnyebuba hnyi Dibela, hnyi je hnyabadra hia: ke ame he ka khanʼ ödra a inya Iehova.

Hosea 7:10

Ke ame ohnatho hnen bi gan anyin Isaraela hnyi hnyimakan: ke so bi adre me ca hmetu bi kö Iehova Khongudrin, me elâm e, hnyi je ûnyi hia eling.

Amosa 4:10

Oge hia but kunâ köbun mok ae cap helâ me hnyi Aigupito: oge hia but hlingâ wahidröu gabun ge hele vat, me hûgûnâ halebun je hors: ke oge hia but oâ bokonginy hnobun hna hunuma ka hnyi je hnyingöibun: ke öbun e ca hmetu könya haingo Iehova.

Amosa 4:11

Oge hia but ohia keihen gabun helâ me hnen Khong hna ohia Sodoma me Gomora, ke öbun ûcû me uthmeic adre oc ûnyi hnyi meic: ke so bi öbun e ca hmetu könya, haingo Iehova.

Amosa 4:6

Ke oge hia but ham köbun je nyu ae ba tiren hnyi anyibun je taun hia, me ohmiâ jeû hnyi je hnobun hia: ke so bi öbun e ca hmetu könya haingo Iehova.

Amosa 4:8

Waleling me me he lo li taun ame ne kun ka hnyi taun a khaca he ka ic köiö, kʼ adre me beic bala bi: ke so bi öbun e ca hmetu könya haingo Iehova,

Amosa 4:9

Oge hia but kuc öbun ge meleca me löhau: ke haba wahamon ame an hnyiganiny ibun ta hnyei, me ibun je hnyei vine, me halebun je meta, me halebun je elaio: ke so bi öbun e ca hmetu könya haingo Iehova.

Zefania 1:6

ke tavat adre me hmetu unyi Iehova; ke tavat adre me ca elöm Iehova, me ca hnö e.

Zefania 3:2

E ame ca long hofuc; e ame ca kap hna ûnö; e ame ca labageju bi kö Iehova; e ame ca hakekeny bi ka Khong.

Deuteronomi 31:17

Ke ame he ka ubâhlâ anyik hmönyin ködra hnyi bong eling, ke oge me he ka, hna degeci ödra, me ikhâlâ hnyimakök gadra, kʼ adre me he ka ön ödra, ke ame he ka o ködra je hulö me vec ae se; mʼ adre me he ka ha hnyi bong eling, ka habe, Hawa, ame ca o köta je hulö ang can Khong a ca tha e möta?