Isaia 8:8 - Iaai Bible 1901 (New Caledonia)

⁸ ke e ame he ka di bala Juda ai; me bahihingölö me vheno e, me khibi ke ne o but hnyi nyin; me ame he ka unöngötö ûlauen em hnyei, Emanuela.

Isaia 8:8 ပူးပေါင်းရင်းမြစ်များ

II. Je Than 17:3

Ke ame o kâu vat ga Salemanesa than Asuria; ke haba Hosea ame bi athnyaba kâu, me ham kâu je bwihlany.

II. Man Ûlabainy Je Than. 12:4

Ke e ame hûgûnâ je taun adre up haginy anyin at Juda, me o hnyi Jerusalema.

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 30:28

ke haba hnen hna menâ me helâ me wagewe ame bahihingölö ke ne o but hnyi nyin, he ka cubec ta je hnyei ge ûcûbec ûnyi a ohia: ke ame he ka e hnyi hnyimen je hnyei toiny hors wale at ame omonoâ.

Isaia 43:2

U ka he ka hanyâûâ je köiö, me oge me he ka tha inya möu; me je wagewe, adre me ca he ka khutukhaûö u: u ka he ka he wanben meic, ame ca he ka thung u; kʼ ame ca he bâhlân ka möt unyâm.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Isaia 7:17

Ame he Iehova ka oâ köu, me em hnyei, me lap anyin kâmâm ta je bong adre tiga ca wâ, hwân hnyi bong ame he Eferaima ûheny Juda; wale than Asuria.

Isaia 8:10

Tha ûhnenamö thö, ke ame he bi ka ûnyi baû; ha thö hofuc, ke ame ca he bi ka hwâdâ: anyin ae unyita Khong.

Jeremia 47:2

Walang hna ha hnö Iehova, ka habe, Wâ bi, ame o but je köiö ûheny hnyi hwadro, kʼ ame he ka wagewe ae uoû, kʼ ame he ka khutu takoû hnyei me ta je ûnyi hia hnyin, me taun me tavat adre me labā e: ke ame he tavat ka tenge, kʼ ame he tavat hia aten hnyei ka kuku goranyai.

Jeremia 48:40

Anyin a walang hna ha hnö Iehova, ka habe, Wâ bi, e ame he ka gâ i helâ me aeto, me lau li labenyin ka Moaba.

Jeremia 51:42

Ame khibi thö köiö hon Babulona, ame khutu takoû e hnen je waköiöny ae se hia.

Ezekiela 17:3

me ha, ka habe, Walang hna ha hnen Than Iehova, ka habe, Ame o but hnyi Lebanona aeto ae gan hmâ labenyin, ke beû je leûnen labenyin, ke se hia leunen, ke se hia hnalimen, kʼ ame hom boviny arasi:

Ezekiela 26:19

Anyin a walang hna ha hnen Than Iehova, ka habe, Iny ka he ka wiö u me me taun ae ba onyen, helâ me je taun ae ba aten, wale iny ka okhibö dok ae dit hom, ke ame he ka khaûö u hnen köiö ae gan;

Daniela 11:10

Ke ame he je lakon ka vat, me ûkhacaköu köiö köien at ae gan, adre me he ka o me bahihingâlâ, me vheno: ke adre me he ka hmetu me vat, ke ne o but hnyi hnen hnabâ.

Mika 1:9

Anyin a ca hnân eny ta je aat gan: anyin a o but ke ne o but hnyi Juda; kʼ ame o ke ne o but ka hnyi homagouleny ik hnyei a Jerusalema.

Mika 5:5

Kʼ ame he at ang me hnân ûsoköu köta: e ka o but at Asuria ka hnyi ita hnyei, kʼ ame uto je umen latuhöta, waleling ate me he ka otilâ kâu hnyat tuö mamoe a ödrin seven, ke eit ta taben tavat.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.