Isaia 8:7 - Iaai Bible 1901 (New Caledonia)

⁷ anyin a wale, wâ bi, ame he Than ka oâ kodra je köiö ûnyi hnyi Wagewe, wale ae hwege me gan, than Asuria me anyin hmanenang hia: ke e ame he ka o hnyi deny je gethen hia, me bahihingölö hon je baten;

Isaia 8:7 ပူးပေါင်းရင်းမြစ်များ

Genese 6:17

Ke wâ bi, inya oge me he ka oûkhutukhavâ hmeledrany ge uoû, me me he ka ohia unyin hia ae hu hnyin homenâiny möt ûnyi eang hmelen; kʼ ame he ka mokcu ta je ûnyi hia thithö eang hmelen.

II. Je Than 19:32

Anyin a wale, walang hna ha hnö Iehova ge than Asuria, ka habe, E ame ca he ka o ka hnyi taun ang, me hlec fana ka hnyin, me e ame ca he ka o hnyi hnyimakan, tha e me je bec, me khon kânâ kâu.

Ezera 4:10

me je ke keihen je hnyei waleji hnö Asenapa ae gan me ûnyi hnathu, hna hom but, me ip ödrin hnyi taun Samaria, me hnyi ke keihen hnyei hoton wagewe, me tavat a helâe.

Salamo 46:4

E hu wagewe, kʼ ame osenyinâ taun anyin Khong ge je wadutö a ûnyi gan, Wale dok ae kap a hnen je uma mano umen Beönua.

Salamo 72:8

E ame he ka musi minya ûnyi hnyi ke köiö ke ne o but ka hnyi ke köiö, Ke ûnyi hnyi Wagewe ke ne o but ka hnyi je can hmeledrany.

Isaia 10:16

Anyin a wale ame he Than, Than tuhan sabaoth, ka kunâ delâ ka anyin ta je pipikhenya; ke eû hnyi hmelen anyin hmanenang adre me he ka vâc hna hiâ helâ me hna hlâiny meic.

Isaia 10:5

Ekölö ge at Asuria, osöiny anyik hmönyin, ke utöhmu hnyi hnyamen anyik wathethot!

Isaia 11:15

Ke ame he Iehova ka ohia beduainy köiö hnyi Aigupito, ke jijingâ hnyamen hon Wagewe ge anyin ang ame hiâ, me kot e me me seven but ta je di, mʼ adre me he ka hanyâûâ ke mada bi tangen hnyeûcadra.

Isaia 28:15

Anyin a öbun e ha, ka habe, Öhmun e hia but ûhihinyköu me mok, ke öhmun e tha hien me hedis; e ka o thö okongon ae: bahihingölö, ame ca he ka o kohmun; anyin a öhmun e hia but wia thoi me hnân anyihmun hnabâ, ke öhmun e hia but ikhölö hmelen iyawo:

Isaia 28:17

Ke oge me he ka ânyâ hna owisa hnân tulut, ke hwakecin ae wisa hnân tulut ûhni; kʼ ame he we wahma ka aba degecâ hna-bâiny thoi, kʼ ame he ka bahihingölö ta je köiö ka hnyi dok adre me lubaduöng hnyin.

Isaia 28:2

Wâ bi, e unyin Than at ae hwege me hnyok baga; helâ me hna ta hnen we ae wahma, me hou ame okongoâ, helâ me je köiö ame di hwege me bahihingölö, adre me he ka sa hwegiâ hnyikânâi.

Isaia 43:2

U ka he ka hanyâûâ je köiö, me oge me he ka tha inya möu; me je wagewe, adre me ca he ka khutukhaûö u: u ka he ka he wanben meic, ame ca he ka thung u; kʼ ame ca he bâhlân ka möt unyâm.

Isaia 59:19

Me adre me he ka outen iö Iehova ûhedra jimeû, me outen anyin hmanenang ûhedra hnyi hna o hnen seûno: anyin a e ame he ka o helâ me wagewe ae hwege, wale ame tûâ hnen; homenö Iehova.

Isaia 7:17

Ame he Iehova ka oâ köu, me em hnyei, me lap anyin kâmâm ta je bong adre tiga ca wâ, hwân hnyi bong ame he Eferaima ûheny Juda; wale than Asuria.

Isaia 7:20

Ke haba hnyi bong eling ame he Than ka ûgi ge heleûgi adre me mē bi hwaban, a e bi hnyi ke keihen hoton wagewe, wale unyin than Asuria, ban me leûnen li can: kʼ ame he minya bi ka khudreû bi wainy.

Jeremia 47:2

Walang hna ha hnö Iehova, ka habe, Wâ bi, ame o but je köiö ûheny hnyi hwadro, kʼ ame he ka wagewe ae uoû, kʼ ame he ka khutu takoû hnyei me ta je ûnyi hia hnyin, me taun me tavat adre me labā e: ke ame he tavat ka tenge, kʼ ame he tavat hia aten hnyei ka kuku goranyai.

Jeremia 51:42

Ame khibi thö köiö hon Babulona, ame khutu takoû e hnen je waköiöny ae se hia.

Ezekiela 26:19

Anyin a walang hna ha hnen Than Iehova, ka habe, Iny ka he ka wiö u me me taun ae ba onyen, helâ me je taun ae ba aten, wale iny ka okhibö dok ae dit hom, ke ame he ka khaûö u hnen köiö ae gan;

Daniela 11:10

Ke ame he je lakon ka vat, me ûkhacaköu köiö köien at ae gan, adre me he ka o me bahihingâlâ, me vheno: ke adre me he ka hmetu me vat, ke ne o but hnyi hnen hnabâ.

Daniela 11:22

Ke ame he ka khutu takoû e je vat ae uoû hnyi hnyimakan, me hmouca but; eke, thaniny ûhihinyköu minya.

Daniela 9:26

Ke hwaban ta je wik a sikste tu, me adre me he ka subâ degecâ at adre me hû, ke ba ûnyi gan: ke haba lakeiny than ame he ka o, mʼ adre me he ka ohia taun ke dok ae kap; ke ame he ka obiny e ge di, kʼ ame he ka hu vat ke ne o but obiny; kʼ adre me ohmâ but he ka öba wan.

Amosa 8:8

Hawa, ame ca he tavat ka öbubuny can eling, ke tenge hia tavat adre me labâ e? eke, e ame he bi ka khibi hia helâ me Wagewe; ke e ame he ka bwebwelâ, kʼ ame he ka dit hmetu ju, helâ me wageweiny Aigupito.

Amosa 9:5

Anyin a haba Than Iehova tuhan sabaoth, wale thibi e at ame kâlâ hnyei, me ame köiö but, ke amo he tavat hia adre me labâ e ka tenge; ke e ame he ka khibi hia helâ me Wagewe; kʼ ame he ka dit hmetu helâ me Wageweiny Aigupito;

Mika 1:9

Anyin a ca hnân eny ta je aat gan: anyin a o but ke ne o but hnyi Juda; kʼ ame o ke ne o but ka hnyi homagouleny ik hnyei a Jerusalema.

Mika 5:4

Ke e ame he ka tot me han haleny hnahat hnyi man mani Iehova, me hmanenanginy iö Iehova a Khongon: kʼ adre me he ka laba hmâ; anyin a e ame he ka gan hmâ walang ang ke ne o but hnyi je can hmeledrany.

Mika 5:5

Kʼ ame he at ang me hnân ûsoköu köta: e ka o but at Asuria ka hnyi ita hnyei, kʼ ame uto je umen latuhöta, waleling ate me he ka otilâ kâu hnyat tuö mamoe a ödrin seven, ke eit ta taben tavat.

Nahuma 1:8

E ame he ka ti ohia dok e ge di at ame aba, me hnu je iwahnaihmiony më ka hnyi menekholom.

Luka 6:48

E ûcû me at ame hötilö uma, kʼ ame hiny dilâ, ke a bi taben ge veto, ke ame o but di, kʼ ame khutukhavâ uma eling, me ame ca bwebwet bi: anyin adre me otilâ wia e.

Hna Omanenâ 17:15

Me e ame ha könya, ka habe, Haba je köiö u je wâ, waleji ame laba hon momo hnyi gethen, wale je tavat, me tavat ae se, me je hnyei, me je hwen hnyei.