Isaia 8:3 - Iaai Bible 1901 (New Caledonia)

³ Ke oge me he but ka perofeta momo; ke e ame erkin me hnokoâ da. Haba Iehova ame ha könya, ka habe, Hwenyi ien ju Mahera-salala-hasa-baza.

Isaia 8:3 ပူးပေါင်းရင်းမြစ်များ

II. Je Than 22:14

Me haba Hilekia at bihut, me Ahikama, me Akebora, me Safana me Asaia, ödrin e he kö Huleda perofeta momo, öiö Saluma nöku Tikeva, nöku Hasera, at tuö khaû; (ke haba momo ame laba hnyi Jerusalema hnyi ke keihen a loiny); me ödrin e ûhnenamö me momo.

Isaia 8:1

KE haba Iehova ame ha könya, ka habe, U ma he ka hom veto ae gan ae lau, me sihnalimen hnyin e ge pen anyin at, ka habe, Hobi kâu Mahera-salala-hasa-baza;

Jeremia 20:3

Ke haba nyi Pasur ame hum Jeremia ûnyi hnyi utö adre ce at hnyin. Me Jeremia ame ha kâu, ka habe, Ame ca he Iehova ka ha hmetu iâm me Pasur, ke jia bi a Magora-misabibi.

Owisa 4:4

Ke haba Debora perofeta momo, öiö Lapidoth, e at owisa ka at Isaraela hnyi ûen e.