Isaia 8:22 - Iaai Bible 1901 (New Caledonia)

²² ke adre me he! ka wâ hmeledrany, ke wâ bi, vec me menekholom, kʼ ame he ka lit ge vec; ke adre me he ka obʼ ödra ka hnyi menekholom ae khot.

Isaia 8:22 ပူးပေါင်းရင်းမြစ်များ

Jobu 18:18

Adre me he ka kunâ e ûnyi hnyi lany ka hnyi menekholom, Me hnu e ûheny ang hmeledrany.

Esodo 10:21

Ka haba Iehova ame ha kö Mose, ka habe, Hai thö hnyamâm goranyai, me me menekholom but hnyei Aigupito, ke menekholom ae kböt.

Esodo 10:22

Me haba Mose ame hai hnyamen goranyai, me menekholom ae khöt ut hnyei Aigupito hia hnyi kun ta bong;

Ta je Vejec 14:32

Adre hagutâ hnyikânâi at ae kong hnyi anyin monu: Ke haba at ae wisa, me hu gejon hnyi anyin mok.

Isaia 30:6

Hok honen je meno hnyi Hwaiöu. Adre me he hnyi wanben hnyei ae vec me hlöuhlöu, wale ame o ûnyi hnyin liona momo me liona, vaipa me on ae hiâ ame gâ, adre me hom je omjehedra hnyi hon jon je asina, me tang omjehedra hon je jon ae khibi ge je kamela, ka tavat adre me ca he ka bi troban kodra.

Isaia 5:30

Hnyi bong eling adre me he ka kuku gadra helâ me imeainy köiö: ke ödra ka wâ hnyei, wâ bi, e menekholom me hmak, me khömet ge je ûlâiny.

Isaia 50:11

Wâ bi, öbun hia thithö tavat öbun e hu meic, öbun e igigili öbun bi ge je okûnû: vheno thö melaminy hlögubun meic me je okûnû öbun e vâc. Öbun e he ka hu ûnyi gak; wale öbun e he ka mokut hnyi hlöuhlöu.

Isaia 50:3

Oge me tube drany ge menekholom, me khavâ e ge mano ae gan nân.

Isaia 59:9

Anyin a wale e ûsâkâûö möhmun hna owisa, kʼ ame ca khöû öhmun wisa: öhmun e halubahingen lany, ke wâ bi, wale lit; öhmun e halubahingen umumelam, ke wâ bi, wale menekolom.

Isaia 60:2

Anyin a wâ bi, ame he ka tube hmeledrany hnen lit, ke ame he ka tube ta je hnyei hnen menekholom: ke ame he Iehova ka o hom, ke ame he ka manen hmanenanginy hom.

Isaia 8:20

Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Isaia 9:1

KE ame ca he bi ka lit at eji ame vec hnyok. Haba hnyi je bong ehac e ame ohûkötiâ hnyei Zebulona me hnyei Nafatali, ke haba hnyi ûen a biliny, me e ame ohmanenangâ, hnyi gethen hnyi hobat köiö, hoton Joridano, Galilaia iny ke ta je hnyei.

Isaia 9:20

Ame he ke at ka söh hnyi ke keihen a metâ, kʼ ame he ka mekihnânem bala bi; ke e ame he ka han hnyi ke keihen me, kʼ ame ca he ka sekon bi: kʼ adre me he ka ve an viny je benyidra bi:

Jeremia 13:16

Hna but kö Iehova Khongubun hna ogânâ, e me tiga ca omenekhulumâ, ke e me tiga ca haû je cabun hon je bucen ae lit; ke öbun ka tiga halubahingen melam me e ame wia bi ka hnyi hmenon mok, me lit ae gan.

Jeremia 23:12

Anyin a wale ame he dedra je gethen ka helâ me dok ae haûhaû hnyi menekholom kodra, adre me he ka alin ödra mʼ adre me ta hnyin: anyin oge me he ka oâ kodra ûnyi ae kong, wale hunainy bi hwaban kodra, haingö Iehova.

Mataio 22:13

Ke haba than ame ha ka lathnyaba, ka habe, Ca ju li can ke li hnyamen, me khûâ but ka hnyi menekholom hnyou, dok adre me tenge hnyin me ûgiö ganyon.

Mataio 24:29

Ke hwaban vec hnyi ûen eling, ame he ka ie menekholom but seûno, ke ame ca he hmetu ka melam tehi, ke ame he ka kolu but ta je okhû, ke adre me he ka jijing ta je man hnyi drany:

Mataio 8:12

ke haba lakon dökhu, me adre me he ka obʼ ödra ka hnyi menekholom hnyou ai: kʼ adre me he ka tenge sesebila eling me ûgiö ga nyudra.

Juda 1:13

ödra je waköiöiny köiö ame khutu, a hûlûlû hangöc dö je ûnyi hnân ohmehmʼ ödra; ödra ta je okhû adre me he monu, ke adre hia but ip hobi ködra bi litiny menekholom ame ca ba balua.

Hna Omanenâ 16:10

Ke haba at a thabunginy ame hingâlâ anyin kaia hon theron anyin meno; me ame menekholom but dokhon dokhu; ke adre me hohoc je bohmödra ge vec,