Isaia 8:21 - Iaai Bible 1901 (New Caledonia)

²¹ Ke adre me he ka vheno e hnyi vec me mekihnânem: ke ödra ka he ka mekihnânem, me adre me he ka vec hnyok, me hangâ hnyi ien tuhödra me Khongudrin, ke hngele bi hnyi dranyai:

Isaia 8:21 ပူးပေါင်းရင်းမြစ်များ

II. Je Than 25:3

Ke haba hnyi bong a naininy tehi a vakiny e gan hmâ hmiâ hnyi taun, me ba jeû hobi kâu aten hnyei.

II. Je Than 6:33

Ke e ame tiga ûhnenamö mödrin, wâ bi, ame o but kâu ûthumetu: me e ame ha, ka habe, Wâ bi, ûnyi ga Iehova kong ang; anyin a ieû oge me he ka halubahing Iehova hmetu?

Jobu 1:11

Ke so bi hai thö benyâm walang ang, me mâdrâ anyin ta je ûnyi hia, me e ame he ka haikongu u hnyi hnyimâkâm.

Jobu 18:12

Ame he mekihnânem ka oloû tang hwegien, Ke haba ûkonguny ame laba penapena hobi kâu e ka tot.

Jobu 2:5

Ke so bi hai thö walang ang hnyamâm, me kot je jeien me viny, me e ame he ka haikongu u hnyi hnyimâkâm.

Jobu 2:9

Haba âiân ame ha kâu, ka habe, Hawa, u me he bala ka hwege hnyi ânyâm wisa? haikongoâ thö Khong, ke mokcu.

Esodo 22:28

U ma ca he ka haikongoâ hnyat owisa, me hangâ at ame musö em hnyei.

Ta je Vejec 19:3

Haba hwen monu anyin at, me ame ohwalö deny gethen; Ke ame hmonyin hnyekon ko Iehova.

Isaia 14:30

Ke ame he nokon a bân at ae theduoc ka han, kʼ ame he tavat ae ba ta ûnyi ka mokut khötkic: ke oge me he ka hlingâ ânyâm wân ge mekihnânem, ke adre me he ka hlingâ ânyâm je kolon.

Isaia 51:19

Walang li ûnyi ame o köu; ie at ame he ka tenge gam? habe, e ba at, me hnaûhango, me hmiâ, me hele vat; oge ma kâmâu he ka otubweli u.

Isaia 59:9

Anyin a wale e ûsâkâûö möhmun hna owisa, kʼ ame ca khöû öhmun wisa: öhmun e halubahingen lany, ke wâ bi, wale lit; öhmun e halubahingen umumelam, ke wâ bi, wale menekolom.

Isaia 65:13

Anyin a wale, walang hna ha hnen Than Iehova, Wâ bi, ame he je athnyabaik ka han, ke öbun e he bi öbun ka mekihnânem: wâ bi, ame he je athnyabaik ka ic, ke öbun e he bi öbun ka beic: wâ bi ame he je athnyabaik ka senyin, ke öbun e he bi öbun ka hmehma:

Isaia 9:20

Ame he ke at ka söh hnyi ke keihen a metâ, kʼ ame he ka mekihnânem bala bi; ke e ame he ka han hnyi ke keihen me, kʼ ame ca he ka sekon bi: kʼ adre me he ka ve an viny je benyidra bi:

Isaia 9:21

Manase ame he ka ön Eferaima; ke Eferaima ame he ka ön Manase: kʼ ödru ma he ka tha hiödru ka vat me Juda. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Jeremia 14:18

Oge ne he ka hnyi hnyei, wâ bi je hna kot hnen hele vat! ke oge ne he ka hnyi taun, me wâ bi, tavat ae sënyin ge hmiâ! anyin ame tha ngeno baûâ hnyei hnen perofeta, me at bihut, ke ba metâ gadrin.

Jeremia 52:6

Haba hnyi tehi a vakiny, hnyi bong a naininy tehi, e gan hmâ hmiâ hnyi taun, ke ba but an tavat.

Levitiko 24:11

ke haba nokon momo Isaraela ame haikongoâ ien Khong, me ûhangö: me adre me hom e kö Mose. Haba ien hinyen, me, Selomith, noku Deberi, ûnyi hnyi tribu Dana.

I. Samuela 8:18

Ke öbun e he ka tenge hnyi bong eling can tuhöbun at öbun e he ka ûca; kʼ ame ca he bi Iehova ka thu köbun hnyi bong eling.