Isaia 8:20 - Iaai Bible 1901 (New Caledonia)

²⁰ Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Isaia 8:20 ပူးပေါင်းရင်းမြစ်များ

Ezera 10:3

Ke walang ang, otin e he ka ânyâ ûhihinyköu me Khongutin he ka degec laôiöhmun me je lakudrin, helâ me hwâm hofuc than, me tavat adre me öbubuny ge hnanyibu anyin Khongutin; ke adre me he ka ânyâ hoton hnanyibu.

Salamo 119:130

Haba hna omanenâ bongon hwâm ta je hofuc, me wale hnân omelamâ; Ame owâhmakhmeto tavat ae ba hnyekudra.

Salamo 78:5

Anyin a e ame otilâ unyi Jekob ûnyi hnân ohnatho, Kʼ ame omanenâ hnanyibu unyi Isaraela, Waleji e ame hûna ka lakamöta, Mʼ adre me he bi ka omanenâ ka lakudra:

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

Isaia 1:10

Öbun je taben hnyi Sodoma lö, long ju hofuc ho Iehova; at Gomora lö, tevehlong ju ka hnanyibu anyin Khonguta.

Isaia 8:16

Hûkâlâ ju ûnyi hnân ohnatho, ke okeceâ hmâ ju hnanyibu unyin je latök.

Isaia 8:22

ke adre me he! ka wâ hmeledrany, ke wâ bi, vec me menekholom, kʼ ame he ka lit ge vec; ke adre me he ka obʼ ödra ka hnyi menekholom ae khot.

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Jeremia 8:9

A hmehma but tavat metâ, adre me monumonu but, me hnok dö: wâ bi, adre hia but hna degecâ hofuc ho Iehova; ke ieû bongon metâ unyidra?

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Mika 3:6

Anyin a wale, ame he ka lit köbun, me me ba hna omanenâ köbun bi; kʼ ame he ka menekholom köbun, mʼ öbun e ca he bi ka bi khong; ke ame he ka dit seûno hon je perofeta, kʼ ame he ka khömet bong hudra.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Mataio 22:29

Haba Iesu ame thu me ha ködrin, ka habe, Öbun e ûnykûme hwalö but, ke ca khanʼ öbun hna sihnalimen, me man maniny Khong.

Mataio 6:23

Ke e ka kong emâkâm, me ame he ka tha menekholom hia but unyâm. Anyin a wale, e ka lit ut melam gam, shaiba ge kabmēn menekholom eling!

Mareko 10:3

Ke e ame thu kodra, ka habe, Ieû hna hûna köbun hnö Mose?

Luka 10:26

Ke o ame ha kâu, ka habe, Ieû hna sihnalimen hnyi hnanyibu? hawa ge hnâm hna aû!

Ioane 5:39

Öbun a elâm hnyi je hna sihnalimen, anyin a öbun e ûnykûme ae hu but gabun möt eling ame ca ba balua; ke wale bi e at ame ohnathu nya;

Ta je huliwa 17:11

Ke beönua hwakecin ae so ge tavat ang hon at Thesalonika, anyin adre me kap hofuc ge je hnyekudra ke wedra, kʼ adre me elâm je hna sihnalimen hnyi je bong, he ka wâ hnathuiny ta je unyi e.

Roma 1:22

Adre me ka ohobeluâ anyidra bi metâ, me adre me monu but,

II. Peteru 1:19

Ke e hu but gahmun hofuc adre perofeta adre ti ohnathoâ; ke so öbun e ûnykûme wia ka hnyin, helâ me ka lamepa ame umumelam hnyi dok ae lit, ke ne o but hnyi haolany, ke ame o thö okhû lany eû hnyi je hnyekubun:

II. Peteru 1:9

Anyin a wadröu but at ae ca tren ta je ûnyi e, ke hadedak, kʼ ame hnying hna obosoâ ûnyi hnyi anyin ta je hulo ehac.