Isaia 8:19 - Iaai Bible 1901 (New Caledonia)

¹⁹ Ke ödra ka ha köbun, ka habe, Elâm dö unyin tavat tren je khong, me tavat bi khong, tavat adre me cûk me fufuc: hawa, ca hamen hnyei he ka elâm unyin Khongudra? hawa, adre me he ka elâm hobi kâu tavat ae möt unyin ta je komok?

Isaia 8:19 ပူးပေါင်းရင်းမြစ်များ

Genese 41:24

ke haba je wan hwit ae kong ame han je wan hwit a seven ae so: ke oge me omanenâ e ka je magoi; ke ba at ae khana omanenâ bongon könya.

II. Je Than 1:3

Ke haba angela anyi Iehova ame ha kö Elia at Tisebi, ka habe, he thö ka ûkhanö me je ûthumetu anyin than Samaria me ha ködrin, ka habe, Hawa, anyin ae ba Khong hnyi Isaraela me öbun e he ka hnei Bele-sebuba khongon Ekerona?

II. Je Than 21:6

Ke e ame kunâ nokon baga he ka he hnyi wanben meic, ke e ame bihihwakecin, me bi biobotkong, me tha laba unyin tavat tren hanu ae kong, me tavat bi khong: e gan hmâ hulo e ame ânyâ hnyi hnyimakö Iehova, me me ohmönyinâ e.

II. Je Than 23:24

Ke haba tavat a ödra tren biobotkong, me bi khong, me je terafi, me je idola, me je ûnyi hia ae ikiki adre me wâ hnyi hnyei Juda, me hnyi Jerusalema, me, Josea ame ohia, me me he ka ohwâdâ je hofucin hnanyibu adre sihnalimen hnyi tusi a wâ Hilekia at bihut hnyi uma umo Iehova.

I. Man Ûlabainy Je Than. 10:13

Helâe ame mokcu Saulo can anyin monu wale a ânyâ kö Iehova, waleji a ca long hoton hofuc ho Iehova; ke khaca, anyin a e ame elâm unyin at ae tren biobotkong, me hnei;

II. Man Ûlabainy Je Than. 33:6

Ke e ame kunâ minya lakon he ka he hnyi wanben meic hnyi hnyigöulen bucen anyin nöku Hinom, me e ame bihihwakecin, me biobotkong, me bi khong, me elâm unyin tavat ae tren biobotkong, me tavat bi khong: e gan hmâ hulo e ame ânyâ hnyi hnyimakö Iehova, me ohmönyinâ e.

Salamo 106:28

Me adre me ûkhacaköu kö Baala-peora, Me an ta je hut ka ta je komok.

Isaia 19:3

Kʼ ame he Aigupito ka gâon hnyin e; ke oge me he ka ohia ûhnenamöiny: ke adre me he ka elâlâm je idola, me tavat ulit, me tavat tren biobotkong, me tavat bi khong.

Isaia 26:14

Adre mokcu, adre me ca he bi ka möt; ödra ta je komok, adre me ca he ka tot hmetu: anyin a wale u je hia but senʼ ödra me ohiʼ ödra, me tha ohia hna ûnykûme gadra.

Isaia 29:4

Ke u me he ka hnyikânâ, me fuc eû hnyi kânâ, ke ame he ka ûhnyûkong ifucâm eû hnyi sesâ; ke ame he ifucâm ka helâ me hwan at tren biobotkong, eû hnyi kânâ, ke ame he hnâm hna fuc ka ulit eû hnyi sesâ

Isaia 30:2

tavat adre me he but he ka he Aigupito ai, me ca elâm bi unyik; he ka ohwegi ödra ge tang hwegiö Farao, me labageju ka hmenon Aigupito!

Isaia 45:11

Walang hna ha hnö Iehova Kabi Isaraela, at a op e, ka habe, Hnei nya thö ge ta je ûnyi ame he ka o; ke hûna thö könya ge lakuk, me huliwa anyin li hnyamok.

Isaia 47:12

Todrö walang ang me ânyâm ta je bihihwakecin, me hnâm hna osehia bi khong, wale u je huliwa hnyin hwân kʼ u tiga wanakat; ame ne khanö u he ka bi troban, ame ne he ka tom.

Isaia 47:13

U at ae sēnyin ge ânyâm je ûhnenamö ae se hia: e so ame he tavat adre me khenâ drany, ke tavat adre tuö je okhû, ke tavat wâ tremângâ je tehi, he ka tot me omeli u ûnyi hnyi ta je ûnyi ame he ka o köu.

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Jeremia 27:9

Ke haba Öbun ca löng bi ka anyibun je perofeta, me anyibun tavat bi khong, me anyibun tavat bwi, me anyibun tavat bihihwakecin, me anyibun tavat tren khong, tavat adre me fuc köbun me ha, ka habe, Ca he öbun ka bi athnyabainy than Babulona:

Levitiko 19:31

Ca he öbun ka saû ka tavat tren hanu, me tavat bibihwakeoin; ca elöm odrin, inʼ öbun e ca he ka kong: Inya Iehova Khongubun.

Levitiko 20:6

Ke haba at ame saû ka je hnyat tren hanu me tavat bibihwakeoin, he ka bi ûnyi monu hotudrin, me oge me he ka wâ hmâ at eling me subâ degecâ ûnyi hnyi iny hnyei.

Mika 5:12

ke oge me he ka subâ degecâ hna bibihwakecin ûnyi hnyi hnya mâm; kʼ ame ca e bi hmetu unyâm tavat biobotkong:

Ta je huliwa 16:16

Ke hnyi ke bong ohmun e he ka hnyi dok adre me hic hnyin, me ame ûkhane thö möhmun hlu a delec hanu ame bi obotkong, ke se hia omjeû ame o ka latuhan, troban anyin bihihwakecin.

Deuteronomi 18:10

E so adre me ca he ka wâ unyâm ke at ame kunâ nokon baga me nokon hlu he ka he hnyi wanben meic, me at bi khong, me at ame bibihwakeoin, me at ae tren khong,

Deuteronomi 18:11

me at ame ûhnenamö me je hanu, me at ame biobotkong, me perofeta thoi, me at ame ûhnenamö me hanon je komok.

I. Thesalonika 1:9

Anyin a ödra bi adre me haimemenʼ öhmun je bongon ioihmun köbun; me hnobun hna hwio ka Khong ûnyi ge ta je hnatheat, he ka bi athnyaba ka Khong ae möt me hnathu,

II. Peteru 2:1

KE ame o thö minya ta je perofeta thoi ehac unyin tavat, ke helâe ame he ka hu tavat ûne thoi unyibun, tavat adre me he ka okûâ duöngâ ta je imouköu ae hnaûhango, me he ka ivinoâ Than at ame ûcû ödra, adre me okûâ kodra bi hnaûhango ae logot.

I. Samuela 28:11

Ke haingen momo, ka habe, O ge me he ka o ia köu? Haingen, ka habe, U me he ka oi Samuela könya.

I. Samuela 28:16

Haba Samuela ame ha, ka habe, Ke hnân eû u je hnei nya anyin ae hiö Iehova but unyâm ke ame hwân he ka iwahnaihmiony dut möu?

I. Samuela 28:7

Me Saulo ame ha ka lathnyabainy, ka habe, He thö ka elâm hobi könya ke momo ae tren biobotkong, me inye he kâu he ka elâm unyin. Me ame ha kâu lathnyabainy, ka habe, Wâ bi, e hnyi Eni-dora momo ae tren biobotkong.

I. Samuela 28:8

Ke Saulo ame ka kebongonâ e bi, me khavâ bi ke je ûkhaû me he, a e me li at a tha he mē, me ödrin e o but unyin momo hnyinghet: me e ame ha, ka habe, Ö u elâm dö hobi könya a deny biobotkong, me oâ könya at oge me beka ha köu.