Isaia 8:18 - Iaai Bible 1901 (New Caledonia)

¹⁸ Wâ bi, haba inya ke lakuk a ham könya Iehova, me hnân je haten ke hnân lâiâ hnyi Isaraela ûnyi ga Iehova tuhan sabaoth, at ame laba hnyi bucen Ziona.

Isaia 8:18 ပူးပေါင်းရင်းမြစ်များ

Genese 33:5

Ke e ame bwele me wâ je momo me je wanakat; me haingen, ka habe, Ie hnyat ang unyâm! Ke haingen, ka habe, wale je lakuk hnen Khong hna betenge gak a athnyabaem.

I. Man Ûlabainy Je Than. 23:25

Anyin a haingö Davita, ka habe, Haba Iehova, Khongu Isaraela ame hia but omenâ lakeiny; ke e ame laba hnyi Jerusalema nyiele balua:

Salamo 22:30

Ame be ke mâtrân ka bi athnyabainy; Kʼ adre me he ka ha dö a biliny ûnyi ge Than.

Salamo 71:7

Iny ûcû me ûnyi hnân lâiâ gan ka tavat ae se hia; Ke u thibi hnok hnabâ ae hwege.

Salamo 9:11

Khumöng olungi Iehova, at ame labâ Ziona: Omanenâ thö hnyi wanben ta je hnyei hnen je hna ânyâ.

Salamo 9:12

Anyin a haba at ame hnei can dra ame ûnykûmi ödra: Kʼ ame ca hnying hwatenge hwan tavat ae theduoc.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 14:32

Ke ieû hnân thu ka je ûthumetuiny je hnyei? ame ha, ka habe, A hia but Iehova bi taben Ziona, ke ame he ta je aten adre me vec ka lubaduöng hnyin e.

Isaia 20:3

Ke haingö Iehova, ka habe, Helâ me hnö Isaia athnyabaik hna he thu hnyi kun ta huna, ke ba tangen hnyeûcan hnân haten me hnân ûöman ka at Aigupito me Aithiope;

Isaia 24:23

Ke ame he ka hmak tehi, me hmehma bi seûno; anyin ame he Iehova tuhan sabaoth ka musi hnyi hmanenang hnyi bucen Ziona, me hnyi Jerusalema, me hnyi hnyimakan anyin wahingat.

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Isaia 7:16

Anyin ae ka tiga ca khana e wanakat he ka höciâ hulo me ûca so, me adre me he ka hna degecâ hnyei iny li than u je hûkotiâ.

Isaia 7:3

Me haba Iehova ame ha kö Isaia ka habe, He thö walang ang ka ûkhanö me Ahaza, u me Sear-jasub a nokom, hnyi obiny gethen deny köiöiny an ethö, hnyi gethen wanben utkânâ anyin at hnû khaû;

Isaia 8:3

Ke oge me he but ka perofeta momo; ke e ame erkin me hnokoâ da. Haba Iehova ame ha könya, ka habe, Hwenyi ien ju Mahera-salala-hasa-baza.

Jeremia 44:29

Ke haingö Iehova, ka habe, Walang haten köbun a; oge me he ka bi hwaban köbun hnyi dok ang, me me khanʼ öbun a gʼ ame he ka ton hok hofuc köbun hnân okongon:

Ezekiela 12:6

U me he ka vadren ta je ûnyi e hon bajebenyâm hnyi hnyimakodra, me sukhöûnâ but hnyi lit; ke u me he bi ka tube hnyimâkâm, mʼ u me ca wâ bi kânâ: anyin a oge hia but ip u hnân haten ka lap anyi Isaraela.

Ezekiela 14:8

ke oge me he ka wâhmâ at eling, me ip hnân lâiâ, me hnân haten me vejec, ke oge me he ka subâ degecâ e ûnyi hnyi wanben lakeik; ke ame he ka khanʼ öbun a inya Iehova.

Ezekiela 4:3

Ke u me he ka hom fao ae lau, me ip e hnân hak fao hnyi wanbâm me taun; ke u me hnyimâkâm kâu, ke adre me he ka igigilo e, ke u me he ka thelöng e. Wale thibi e ame he ka bi haten ka lap anyi Isaraela.

Zakaria 3:8

Josua at bihut ae nua lö, long ju walang ang, u me lahanâm tavat adre me tot hnyi hnyimâkâm; anyin a ödra tavat me hnân haten: anyin a wâ bi, oge me he ka oâ athnyabaik wale Khûen.

Zakaria 8:3

Walang hna ha hnö Iehova, ka habe, Oge me laba hmetu hnyi Ziona, ke oge me he ka laba hnyi wanben Jerusalema: ke adre me he ka hwenyi ien Jerusalema, me Taun ae hnathu; kʼ adre me he ka hwenyi ien bucen anyi Iehova tuhan sabaoth, ka habe, Bucen ae kap.

Luka 2:18

Ke haba tavat hia adre me long me adre me lâiâ ta je hofuc ame ha kodra hnen hnyat tuö mamoe.

Luka 2:34

ke haba Simeona ame hahnahici ödru, me ha kö Maria a hinyen, ka habe, Wâ bi, adre me ip wanakat ang hnân okolo me otilâ tavat ae se hia hnyi Isaraela; ke hnân haten minya adre me he ka haikongoâ;

Deuteronomi 28:46

kʼ ame he ka e bi unyâm hnân haten me hnân lâiâ me unyin j mâtrânâm nyiele balua:

Heberu 10:33

walang khaca, ka habe, Adre me wiʼ öbun mʼ öbun e hnân hamâ, can je haikongoâ me ta je vec; ke walang khaca, a öbun e tha e mʼ ödra waleji adre me okongoâ helâe.

Heberu 12:22

ke so bi, öbun e o but ka hnyi bucen Ziona, ke ka hnyi taun anyin Khong ae möt, wale Jerusalemainy drany, ke ka ta je angela a ca hnân aû,