Isaia 8:17 - Iaai Bible 1901 (New Caledonia)

¹⁷ Ke oge me he ka halubahing Iehova, at ame ikhâlâ hnyimakan ge lap anyi Jekob, ke oge me he ka elâm e.

Isaia 8:17 ပူးပေါင်းရင်းမြစ်များ

Genese 49:18

Iehova lö, oge hia but halubahingen ânyâm ûhomeli.

Jobu 13:24

Anyin a ieû u me ikhâlâ hnyimâkâm, Me ûnykûme a iny iwahnaihmiony dut möu?

Jobu 14:14

Ame ne mokcu at, hawa ame he bi ka möt hmetu? Oge me halubahingen hnyi je bong bongon anyik vat hia, Ke ne o but adre me he ka hnö nya.

Jobu 35:14

Ke ti ca ûcû eling, u je ne ha, ka habe, u je ca wâ e, E bi hna owisa unyin, ke u je halubahingen!

Salamo 130:5

Inya oge me halubahing Iehova, ame ûlubahing hanuk, Ke inya oge me gejon hwan hofuc.

Salamo 27:14

Halubahing Iehova ju: Hwege ju, ke so ame he hnyekom he ka hwege; Eke, e so u ma halubahing Iehova.

Salamo 33:20

A hia but je hanuta lubahing Iehova: E thibi at hadruʼ ota me becita.

Salamo 37:34

Halubahing Iehova ju, ke vheno deny gethen, Me e ame he ka ogöranyi u mʼ u me he ka hu hnyei: Ödra ka subâ degecâ tavat ae kong, me u me he ka wâ.

Salamo 39:7

Ke walang ang, Than, ieû oge me halubahingen? Ke u thibi hnok hna gejon.

Salamo 40:1

OGE me labö halubahing Iehova; Me e ame tevehling nya, me long anyik tenge.

Isaia 1:15

Ke öbun ka he ka hinöbeny, me oge me he ka ikhâlâ li emakök gabun: eke, öbun ka he ka osehia hic, me oge me ca he ka long: a unöngöt je hnyamöbun ge dra.

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Isaia 26:8

Eke, Iehova lö, hnyi gethen deny hnâm je hna owisa, öhmun e hia but halubahingâm; ke weny je hnyekuhmun ka iâm, ke he ka ûnykûmi u.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 33:2

Iehova lö, betenge ju gahmun; öhmun e hia but halubahingâm: e so u ma bi hnyamödra hnyi je hnyomakatu, ke melihmun minya hnyi ûen vec.

Isaia 45:15

E hnathu u Khong ame ikhölö, Khongu Isaraela, at ûhomeli.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 54:8

Hnyi wathethot ae bahihingölö oge me ikhâlâ hnyimakök gam helâ me thuthubademak; ke oge me he ka betenge gam ge betenge a nyiele balua, haingö Iehova at a omeli u.

Isaia 57:17

Can hulöiny anyin behnyekon oge me hmönyik me kot e, oge me ikhölö me hmönyik: ke e ame hanyâûâ tilâ hnyi je deny hnyekon.

Isaia 59:2

ke haba ta je hwakecibun ae kong, me ame ûsâkâû öbun me Khongubun, ke anyibun je hulo ame ikhölʼ öbun ge hnyimakan, me me ca long.

Isaia 64:4

Anyin a haba hwân kâû adrem, ame ca löng bi hnen tavat, me ca tevehlöng bi, ke ame ca wâ hnen ecmak ke Khong, ke hake u ke thibi, at ame huliwa kodra adre me halubahingen e.

Isaia 64:6

Öhmun hia thithö öhmun e helâ me ûnyi ae bo kong, ke helâ me je ûkhaû ae ikiki anyihmun wisa hia thithö: öhmun hia öhmun e meleca helâ me lany hnyot; kʼ ame ohiʼ öhmun hnen hwakecihmun ae monu helâke ame oû ang dö.

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Jeremia 33:5

Adre me o he ka vat me at Kaledaia, ke so bi, adre me he ka öunöngöti ödra ge je komok, waleji oge hlingâ hnyi anyik hmonyin me wathethot, ke oge hia but ikhâlâ hnyimakök ge taun ang can anyidra ta je hulo hia.

Hosea 12:6

Anyin a wale hmetu ju ka Khongom: tuö ju ibetengiö me hna owisa, ke halubahingen bala Khongom.

Mika 3:4

Me adre me he ka tenge kö Iehova, ke e ame ca he ka thu kodra; eke, e ame he ka ikhâlâ hnyimakan gadra hnyi ûen eling, hoton ûkonginy anyidra ta je huliwa.

Mika 7:7

Ke haba inya, oge me he ka bwele kö Iehova; oge me he ka lubahingen Khongon melik: ame he Khonguk ka ling nya.

Habakuka 2:3

Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Luka 2:38

Ke e ame o thö hnyi awa eling, ame hnyi ole ka Khong, me e ame hâiâ e kodra hia hnyat adre me halubahingen hwaban möt hnyi Jerusalema.

Luka 24:27

Ke e ame hwân ga Mose me ta je perofeta hia, he ka omanenâ ködru ta je hna sihnalimen hia gan.

Deuteronomi 32:20

Me e ame ha, ka habe, Oge me he ka ikhâlâ hnyimakök gadra, Oge me he ka wâ ieû obiny ködra: Anyin a ödra me dö ae ûjöng, Je wanakat ae ba labageju.

I. Thesalonika 1:10

me he ka halubahingen Nokon ûheny hnyi drany, waleji e ame omelö hmetu thö ûheny hnyi hna mok, a Iesu at ame omeli öta ûnyi hnyi hmonyin ame he ka o.

II. Thesalonika. 3:5

Ke so ame he Than ka owisa je hnyekubun ka hnyi ibetengiö anyin Khong, me hokhnyok ûnyi ge Keriso.

Heberu 2:13

Wale hmetu ang, ka habe, Oge me be ka labageju kâu. Ke walang khaca, ka habe, Ō nya bi ang me lakon a ham könya Khong.

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.