Isaia 8:13 - Iaai Bible 1901 (New Caledonia)

¹³ Öbun e he ka okabi Iehova tuhan sabaoth; ke so öbun e he ka ot kâu, me öbubuny gan.

Isaia 8:13 ပူးပေါင်းရင်းမြစ်များ

Genese 31:53

E so e he Khongu Aberahama me Khongu Nahora minya, a Khongon kamödru ka owisa kötu. Ke Jekob ame khemanyin me ha Hna outen hnö Isaaka a kamen.

Salamo 76:7

U thibi hnân outen, wale a u:! Ke ie at ame he ka tot hnyi hnyimâkâm u ka hmönyin dö?

Esodo 20:20

Ke haba Mose ame ha ka tavat, ka habe, Ca ot bi: anyin a o but Khong me me cubic öbun, mʼ öbun e he ka outen e, mʼ öbun e ca he ka monu.

Isaia 29:23

Ke e ka wâ lakon, wale huliwa anyin li hnyamok hnyi wanben, me adre me he ka okabâ iök; eke, adre me he ka okabâ Kabi Jekob, me outen Khongu Isaraela.

Isaia 5:16

ke adre me oganö Iehova tuhan sabaoth ge hna owisa, kʼ adre me okabâ Khong at ae Kap ge hwakecin ae wisa.

Ezekiela 38:16

ke u me he ka o ûcon ik hnyei a Isaraela, helâ me ûlâ ame tube hnyei; ame he ka o hnyi je bong a biliny, me oge me he ka oi u ka hnyi ik hnyei, me me wâhmakhmetu u, iny ka kap gam Gog lö, hnyi hnyimakodra.

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Levitiko 22:32

Ke ca he öbun ka okongoâ iök ae kap; ke adre me he ka okabi nya wanben lakon Isaraela: Inya Iehova at ame okabi öbun,

Malaki 2:5

E unyin anyik ûhihinyköu ge möt me ûsoköu; ke oge me ham e kâu me me he ka ot, me e ame outö nya, me öbubuny ge iök.

Numera 27:14

anyin a obe hanyâûâ hok hofuc hnyi hnyebuba Zin, waleji hnyi hna iwatretra hnen ûkhacaköu, he ka okabi nya hnyi an hnyi hnyimaködra. (Wale an Meriba e Kadesi, hnyi hnyebuba Zin.)

Mataio 10:28

Ke ca ot bi ge tavat adre me hlingâ unyin, ke ca khanʼ ödra bi he ka hlingâ hanu: ke so he ka outen at ae khana he ka ohnaûhangoâ unyin me hanu hnyi gena.

Luka 12:5

Ke oge me he ka kû köbun at öbun e he ka outen: Outen ju e at ae tren man he ka khûâ hnyi gena, at ka hia but hlingâ; eke, inya oge me ha köbun, outen ju e.

Roma 4:20

eke, e ame ca loloâ me ca labageju, kʼ ame wâ hmâ hna ha bânâ hnen Khong, ke e hwege bi ûnyi ge labageju, kʼ ume ogânâ Khong,

Deuteronomi 14:23

Ke u me he ka han ke keihen a libenyitainy ânyâm hwit, me ânyâm waina, me ânyâm wakaco, me je nokon halem je kau a bân, me halem je mamoe, hnyi hnyimakö Iehova Khongom, hnyi dok e ame he ka ûca me me laba hnyin ien; mʼ u me he ka nâ ka outö Iehova Khongom hnyi ta ogo bong hia.

Hna Omanenâ 15:4

Than lö, ie at ame ca he ka ot me ogânâ iâm î anyin a hake u ke thibi at ae kap; anyin ame he ka o ta je hnyei hia thithö he ka khudrung hnyi hnyimâkâm; anyin adre hia but omanenâ ânyâm ta je huliwa ae wisa.

I. Samuela 11:7

Me e ame hom li bolok, me susubʼ ödru, me kunâ me je metâ ka hnyi je ke keihen hia anyi Isaraela, me ha, ka habe, Adre me he ka ânyâ helâng ka je bolok haleny tavat adre me ca he ka he hotu Saulo me Samuela. Me ame o ot ka tavat ûnyi ga Iehova, ke ödrin e ok helâ me at a khaca.