Isaia 8:10 - Iaai Bible 1901 (New Caledonia)

¹⁰ Tha ûhnenamö thö, ke ame he bi ka ûnyi baû; ha thö hofuc, ke ame ca he bi ka hwâdâ: anyin ae unyita Khong.

Isaia 8:10 ပူးပေါင်းရင်းမြစ်များ

Genese 21:22

Ke haba hnyi ûen eling Abimeleke me Fikolo tuhan anyin je deö vat, ödru me ûhnenamö me Aberahama me ha, ka habe, E unyâm Khong hnyi ta je ûnyi hia u je ânyâ:

II. Samuela 15:31

Ke ame ha ke at kö Davita, ka habe, Ahithofela, ame tha he me tavat hûgûnâ dökhu, me Abasoloma. Haba Davita ame ha, ka habe, Iehova lö, ohavâ but ûhnenamö anyi Ahithofela me me monu but.

II. Samuela 17:23

Ke a wâ but Ahithofela a gʼ adre ca ânyâ hoton hnen hna ha, me e ame ip taben hon haleny asina, me todrö, me he ka hnyi umen uma, hnyi anyin taan me hûna ka anyin lap, me hnok; me e ame mokcu, me adre me konâm e hnyi erkemok anyin kamen.

II. Samuela 17:4

Ke so hofuc e kö Abasoloma me wahingatiny Isaraela hia.

II. Je Than 6:12

Haba ke athnyabainy ame ha, ka habe, Than a tuhok, e ba: ke so bi Elisaia perofeta hnyi Isaraela, ame labö thumeto than Isaraela ge ta je ûnyi u me ha hnyin hnyeulem mokut.

II. Man Ûlabainy Je Than. 13:12

Ke wâ bi e unyihmun Khong me ban kohmun, me anyin tavat bihut me je trutru ame fuc haten ot, he ka tûâ haten ot gabun. Lakon Isaraela lö, ca vat bi me Iehova Khongon lakamöbun; anyin öbun e ca he ka hnahic.

Jobu 5:12

E ame odilâ je ûnykûmânen tavat bihihwakecin, Me me ba ûnyi adre me he ka ânyâ ge je hnyamödrin.

Salamo 21:12

Anyin a u me he ka hwio hotudra, U me he ka penapena toiny ânyâm cafana ka hnyi hnyimakodra.

Salamo 46:1

KHONG thibi hnöta hnabâ me tang hwegiöta, E ûhadruo ae hakekeny hmonyin hnyi vec.

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Salamo 46:7

Iehova tuhan sabaoth ame laba unyita! Khongu Jekob hnöta hnabâ [Sela.

Salamo 46:8

Ai öbun, wâ ju ta je huliwa anyi Iehova, A at ame hia but oba wan hmeledrany.

Ta je Vejec 21:30

E ba metâ, ke ba wâhmakhmeto, Ke ba ûhnenamö, ame vak kö Iehova.

Isaia 14:27

Anyin a hia but ûnykûme hnö Iehova tuhan sabaoth, ke ie at bi ame he ka thawâ e? ke ame hai hnyamen, ke ie at ame he ka ohmetu e?

Isaia 28:18

Ke ame he ka ûnyi baû hnobun hna ûhihinyköu me mok, kʼ ame ca he ka tethmâ hnobun hna tha hien me hedis; ke e ka o thö okongon ae bahihingölö, me adre me he ka utiti öbun.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 43:5

Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Isaia 8:8

ke e ame he ka di bala Juda ai; me bahihingölö me vheno e, me khibi ke ne o but hnyi nyin; me ame he ka unöngötö ûlauen em hnyei, Emanuela.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 42:11

Ca he öbun ka outen than Babulona, wale at öbun e outen; haingö Iehova, ca he ka outen e, anyin a tha inya but möbun he ka omeli öbun, me hûgûnʼ öbun ûnyi hnyi hnyamen.

Jeremia 46:28

Jekob, athnyabaik lö, ca ot bi, haingö Iehova; anyin a tha inya möu: anyin oge me he bi ka ti ohia je hnyei hia waleji oge obö u ka hnyin, ke oge me ca he ka ti ohiö u; ke so bi oge me he ka nö u ge hna owisa, ke oge me ca he bi ka hnö u ke ba hwaban.

Je tenge anyi Jeremi 3:37

Ie at ame ha, me ame hwâdâ thö, ke ame ca hûna e Than?

Joela 3:9

Haimemenâ thö e ka ta je hnyei; penapena thö vat: bwebwelâ thö tavat hwege; e so e hakekeny me ölö thö tavat vat hia.

Hagai 1:13

Me haba Hagai, me ûthumetu anyi Iehova hnyi hofuc ho Iehova, me e ame ha, ka habe, Tha inya but möbun haingö Iehova.

Numera 14:9

Ke so bi ca he öbun ke ivinö me Iehova, ke ca he öbun ka outen tavat a idra hnyei; anyin a ödra areto bi hobi köhmun: kʼ adre hia but hom unyidra ûnyi hnân tuʼ ödra bi, ke e unyita Iehova: ca oûtʼ ödra.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Roma 8:13

anyin a öbun e ne möt hoton unyin, hamöbun he ka mok; ke öbun e ne hlingâ ta je huliwa hnyi unyin ge hanu, öbun e he ka möt.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

Deuteronomi 20:1

U KA he ka vat me je iwahnaihmiony mou, me wâ je hors, me je kariota, me tavat ae se hia hom, me u me ca he ka outʼ ödra: anyin a e unyâm Iehova Khongom, a at ame hum u ûheny hnyi hnyei Aigupito.

Josua 1:5

E ba at ame he ka khana ka tot hnyi hnyimâkâm hnyi je bong bongon ânyâm möt; oge me he ka tha inya mou helâji me hnok hna tha e me Mose: ame ca he ka hiö nya unyâm me hna degeci u.

I. Ioane 4:4

Je wanakat lö, ûnyi ge Khong öbun, ke öbun hwege hudrin: anyin ae beönua at eû hnyi je hnyekubun, hon at eû hnyi hmeledrany.