Isaia 7:6 - Iaai Bible 1901 (New Caledonia)

⁶ Otin he Juda ai, me ovecâ, me bi detin ka hnyin, me otilö thaniny, wale nöku Tabeela;

Isaia 7:6 ပူးပေါင်းရင်းမြစ်များ

I. Je Than 12:16

Ke a wâ but Isaraela hia a gʼ ame ca long ködrin than, haba tavat adre me thu ka than me ha, ka habe, Ewa ke keihöhmun unyi Davita? ke ba jekhöûhmun unyin laku Jese: at Isaraela lö, vese thʼ öbun ka hnyi umöbun je uma mano: Davita lö, hamâm he ka tuö ânyâm lap. Me Isaraela ame vese but ka hnyi umödrin je uma mano.

II. Je Than 11:2

Ke haba Joseba, hlu nokon than a Jorama, hani Ahazia ame hum Joasa nöku Ahazia, me hom duöngâ ûnyi hnyi lakon than adre hlingâ, a tha e me momo ame hat e, me tuö hnyi hnyeule mokut; kʼadre me ikhâlâ e ga Athalia, me me ca hlingâ e.

II. Man Ûlabainy Je Than. 13:8

Ke walang ang öbun e ûnykûme he ka hlec dokhu dokhu Iehova unyin je laku Davita; ke öbun se hia hmonyin, ke e unyibun li nokon kau gol wale a ânyâ Jeroboama hobi köbun hnân li khong.

II. Man Ûlabainy Je Than. 21:7

Ke so bi e ca we Iehova bi he ka ohia lap anyi Davita, can ûhihinyköu waleji e ame ânyâ me Davita, me helâ me hnen hna ha bânâ he ka ham lamepa kâu me je mâtrâniny nyiele balua.

II. Man Ûlabainy Je Than. 28:5

Anyin a wale haba Iehova Khongon ame hna e ka hnyi hnyamen than Suria; mʼ adre me kot e, me hom hwenbâ je hnyat ae se hia a lakeiny, me hum ödrin Damaseko ai. Ke adre me hna e minya ka hnyi hnyamen than Isaraela, at a kot e, me gan hmâ hna hlingâ.

Salamo 21:11

Anyin adre me ûnykûme ûnyi ae kong köu: Adre me sihnân, ke ca khanʼ ödra bi ânyâ.

Salamo 83:3

Adre me vak wia he ka okongoâ lakem, Me ûhanyinyâ ge tavat u je ikhâlâ.

Ta je Vejec 19:21

E se hia ûnykûme eû hnyi hnyekon at; Ke ame he ka tethmâ musi anyi Iehova,

Isaia 7:1

KE hnyi je bong bongu Ahaza nöku Jotham, nöku Uzia, than Juda, haba Rezina than Suria, me Peka nöku Remalia, than Isaraela, ödru me o hnyi Jerusalema he ka vat mē; ke ca khanʼ ödru he ka hwege hon e.

Isaia 7:5

Anyin a Suria, me Eferaima, me nöku Remalia, ödrin e si hnâm, me ha, ka habe,

Isaia 7:7

walang hofuc hwan Than Iehova, ka habe, Ame ca he ka hmâ ûnyi e, ke ame ca he ka aat.

Isaia 8:6

Anyin a hnen tavat hna höciâ je köiöiny Siloa, ame omi di, me senyin bi kö Rezina me nöku Remalia;