Isaia 7:20 - Iaai Bible 1901 (New Caledonia)

²⁰ Ke haba hnyi bong eling ame he Than ka ûgi ge heleûgi adre me mē bi hwaban, a e bi hnyi ke keihen hoton wagewe, wale unyin than Asuria, ban me leûnen li can: kʼ ame he minya bi ka khudreû bi wainy.

Isaia 7:20 ပူးပေါင်းရင်းမြစ်များ

Isaia 1:5

Anyin a ieû adre me he hmetu ka kuc öbun, me tiga bihanen bala hnobun hna ûkhin fuc? Ame mok hia ban, ke sēnyin hia hnyok.

Isaia 10:15

Hawa, ame he gö ka ohobeluâ hon at ame nang e? ame he gili ka ogânâ e ka at ame obwebwelâ e? helâke hnen osö hna obwebwelâ at ame nang e, ke helâke hnen uci hna kap goranyai at a ca utö bi.

Isaia 11:15

Ke ame he Iehova ka ohia beduainy köiö hnyi Aigupito, ke jijingâ hnyamen hon Wagewe ge anyin ang ame hiâ, me kot e me me seven but ta je di, mʼ adre me he ka hanyâûâ ke mada bi tangen hnyeûcadra.

Isaia 36:1

KE haba hnyi huna a fotini Hezekia than, me ame o but Saneribi than Asuria ka vat me je taun adre up veten hnyi Juda, me hûgûnâ.

Isaia 8:7

anyin a wale, wâ bi, ame he Than ka oâ kodra je köiö ûnyi hnyi Wagewe, wale ae hwege me gan, than Asuria me anyin hmanenang hia: ke e ame he ka o hnyi deny je gethen hia, me bahihingölö hon je baten;

Isaia 9:13

Ke so bi ame ca hwio tavat kâu at ame kuc ödra, ke haba khaca adre me ca elom Iehova tuhan sabaoth.

Jeremia 2:18

Ke walang ang ieû u me ânyâ hnyi gethen ûheny Aigupito, he ka ijem köiöiny Sihora? ke ieû u me ânyâ hnyi gethen ûheny Asuria, he ka ijem köiöiny Wagewe?

Ezekiela 29:18

Nokon at lö, haba Nebukaneza than Babulona ame ânyâ huliwa ae so hmönyin ûcon Turo hnen anyin je utbavat: e hadreû thö je bödra hia, kʼ ame han hia but je abenyidra; ke so bi e ame ca kap troban, me anyin utbavat, ûnyi Turo, hnyi huliwa e ame ânyâ ûcon:

Ezekiela 29:20

Oge me ham kâu hnyei Aigupito hwaban anyin huliwa e ame ânyâ kâu, anyin adre me huliwa hobi könya, haingen Than Iehova.