Isaia 7:2 - Iaai Bible 1901 (New Caledonia)

² Ke adre thumeto lap anyi Davita, ka habe, Ame tha hien at Eferaima me at Suria. Me ame bwebwet hnyekon, me hnyekon lakeiny, helâ me je ûö hnyi hnyot ame bwebwet ge ang.

Isaia 7:2 ပူးပေါင်းရင်းမြစ်များ

II. Samuela 7:16

Ke adre me he ka otilâ hmâ ânyâm lap me dokhom dökhu hnyi hnyimâkâm nyiele balua: adre me he ka ohmâ ânyâm theron nyiele balua.

I. Je Than 11:32

(ke khaca thiju tribu hobi kâu, ga Davita athnyabaik, me ge Jerusalema, taun oge ûca hnyi ta je tribu hia hnyi Isaraela:)

I. Je Than 12:16

Ke a wâ but Isaraela hia a gʼ ame ca long ködrin than, haba tavat adre me thu ka than me ha, ka habe, Ewa ke keihöhmun unyi Davita? ke ba jekhöûhmun unyin laku Jese: at Isaraela lö, vese thʼ öbun ka hnyi umöbun je uma mano: Davita lö, hamâm he ka tuö ânyâm lap. Me Isaraela ame vese but ka hnyi umödrin je uma mano.

I. Je Than 13:2

Ke e ame hongot ka hnyi taben hut ge hofuc ho Iehova, me ha, ka habe, Taben hut, taben hut lö, walang hna ha hnö Iehova, Wâ bi, adre me he ka hnokoâ wanakat ka hnyi lap anyi Davita, Josea ien; ke e ame he ka hudo hom je hnyat bihut hnyi je dok ae görany, tavat ödrin e leû uto ae bo so hom, ke ödrin e he ka le hom je jeien at.

II. Man Ûlabainy Je Than. 25:10

Haba, Amazia ame hake ip ödrin, wale deö vat a o kâu ûhedrin Eferaima, he ka he hmetu ka hnyi hnödrin: anyin a wale ame ubâhlâ anyidrin hmonyin ka at Juda, me ödrin e he hmetu ka hnyi hnödrin me hmonyin ae gan hmâ.

II. Man Ûlabainy Je Than. 28:12

Ke haba ke je taben lakon Eferaima, wale Azaria nöku Johanana, me Berekia, nöku Mesilemoth, me Jezikia nöku Saluma, me Amasa nöku Hadelai, ödrin e todrö ka tavat adre o ûheny hnyi hna vat,

Salamo 11:1

INYA oge me labageju kö Iehova: Anyin a ieû öbun e ha ka hanuk, ka habe, Kec dö helâ me meno ame gâ ka hnyi anyibun bucen?

Ta je Vejec 28:1

A ME kec at ae kong ke ba at ame hnu: Ke haba tavat ae wisa ödra helâ me liona ame ca ot.

Isaia 11:13

Ke ame he ka hia ciâ anyi Eferaima, ke adre me he ka subâ degecâ tavat adre me oveci Juda: ame ca he Eferaima ka ciâ ga Juda, kʼ ame ca he Juda ka oveci Eferaima.

Isaia 22:22

Ke oge me he ka ip kiiny lap anyi Davita hon bajebenyin; ke e ame he ka khong ke ba at ame he ka hlöng, ke e ame he ka hlöng ke ba bi at ame he ka khong.

Isaia 37:27

Anyin a wale e ûhnyûkong maniny tavat adre me labā e, ke ödra ot me ame gâudrin; ödra ûcû me hna önying, me ûö ae ometu ae hât, me hna önying hon ban uma, ke helâ me hnyei hwit ae tiga ca metu.

Isaia 37:35

Anyin a oge me he ka tuö taun ang me omelo e gak bi, me ga Davita athnyabaik.

Isaia 6:13

Ke ame ne tiga hu ke keihen a libenyitainy biju hnyin e, adre me he ka han metoâ e: helâ me man ela me iwajo, wale ame tiga e bi onyen, ödra ka hia but öûo; helâe ame he ka wan ae kap onyen.

Isaia 7:13

Ke e ame ha, ka habe, Lap anyi Davita lö, long ju walang ang; hawa, ûnyi ae ûhnyûkong e öbun e ovecâ at, ke öbun e he minya ka ovecâ Khong?

Isaia 7:17

Ame he Iehova ka oâ köu, me em hnyei, me lap anyin kâmâm ta je bong adre tiga ca wâ, hwân hnyi bong ame he Eferaima ûheny Juda; wale than Asuria.

Isaia 7:5

Anyin a Suria, me Eferaima, me nöku Remalia, ödrin e si hnâm, me ha, ka habe,

Isaia 8:12

Ca he öbun ka hnyi ha, ka habe, Ame sihnân, hnyi ta je ûnyi hia thithö ame he tavat ang, ka ha hnyin ka habe, Ame sihnân; ke haba khaca, ca ot bi helâ me iotidra, ke ca öbubuny bi.

Isaia 9:9

Ke ame he ka khana hnen tavat hia, wale Eferaima, me tavat adre me laba hnyi Samaria, tavat adre me ha ge hnyok bi gan me begörany, ka habe,

Jeremia 21:12

Lap anyi Davita lö, walang hna ha hnö Iehova, ka habe, Ânyâ thö ûnyi ae wisa hnyi hnyomakatu, ke omelo thö at adre söh ûnyi hnyi hnyamen at ûöveci, wâ e nye gâ but anyik hmonyin helâ me meic ame ubâhlâ, ke ba at ama ume, can ûkongon anyibun ta je huliwa.

Hosea 12:1

EFERAIMA ame an ang, me wadring hoton ang hwei: e ame osehia thoi me öba wan hnyi je bong; ke ödrin e ûhi-hinyköu me at Asuria, me hok wakaco Aigupito ai.

Mataio 2:3

A long ut Heroda a than, me e ame hlohlo tha e me Jerusalema hia.