Isaia 7:19 - Iaai Bible 1901 (New Caledonia)

¹⁹ Ke adre me he ka o hia me tabâ je thop ae ba aten, me je esopiny kic, me je ûö oe ûdedö hia, me je hnaonying hia.

Isaia 7:19 ပူးပေါင်းရင်းမြစ်များ

II. Man Ûlabainy Je Than. 33:11

Anyin a wale haba Iehova ame oâ ködrin ie taben vat anyin than Asuria, me ödrin e hum Manase ge je cen, me ca e ge fao, me hom Babulona ai.

Isaia 2:19

Kʼ ame he ka dit tavat ka hnyi hnyin ta je op hnyi je kic, ke eû hnyi hnyin ta je uthankonginy kânâ ûnyi ge hna outö Iehova, ke ûnyi ge anyin hmanenang ae mec, hnyi ûen e ame he ka todrö ka jijingâ hwegiâ hmeledrany.

Isaia 2:21

me me dit ka hnyin je esopiny kic, ke je khekheiny je kic ae ûjejong, ûnyi ge outö Iehova me anyin hmanenang ae mec, e ka todrö ka jijingâ hwegiâ hmeledrany.

Isaia 5:6

ke oge me he ka oûnyibauâ e; ke adre me ca he ka ânyâwia me jien; ke ame he ka kû hnyin e je iwadekong me watetaföcö: ke oge me he ka hûna ka je ûlâ me me ca he ka ta we kâu.

Isaia 55:13

Ame he ka kû kop hwaban watetaföcö, ke ame he ka kû adasi hwaban iwadekong: ke e ame he ka hnân ien kö Iehova, me hnân haten nyiele balua, ke adre me ca he ka subâ degecâ.

Isaia 7:24

Adre me he ka o ang me je fana me je cafana; anyin ame he ka unöngötö hnyei hia ge je iwadekong me watetaföcö.

Isaia 7:25

Ke haba hnyi je ong bucen hia waleji adre me labö trohnenâ ge unu, me u me ca he ka he ka hnyin, anyin a u ma outen je iwadekong me watetaföcö, ke hnân bi e kunâ je bolok ka hnyin, me hnân uto ge je mamoe.

Jeremia 16:16

Wâ bi, oge me ho ka hawâ tavat thut ae se hia, haingö Iehova, mʼ adre me he ka nuc ödra; ke hwaban e, oge me he ka hawâ tavat hnu meno ae se hia, ke adre me he ka hnu ödra ûnyi hnyi je bucen hia, me je hut hia, me ûnyi hnyi je hmakaniny je kic.

Mika 7:17

Kʼ adre me he ka drem kânâ helâ me on; adre me he ka o me öbubuny helâ me ta je ûnyi adre me iyâwâ kânâ ûnyi hnyi je dok ae nedrong: adre me he ka o me ot kö Iehova Khonguta, ke adre me he ka outö u.

Zakaria 10:8

Oge me he ka hûlûhwajû ködra, me ûkhacaköu ödra anyin oge hia but ûcû melidra: ke adre me he ka si helâ me hwakecin ûsehiaidra.

Mataio 7:16

Öbun e he ka wâhmakhmeto ödrin ge anyidrin ta je wan. Hawa, adre me tau wan vine hnyi iwadekong, me je wan meta hnyi iwatetaföcö?