Isaia 7:14 - Iaai Bible 1901 (New Caledonia)

¹⁴ Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Isaia 7:14 ပူးပေါင်းရင်းမြစ်များ

Genese 16:11

Ke haingen angela anyi Iehova kâu, ka habe, Wâ bi, u erkin dut, ke u ma he ka hnokoâ da; me hwenyi ien Isamaela, anyin a löng ut Iehova ânyâm vec.

Genese 29:32

Ke Lea ame erkin dut me e ame hnokoâ da, me hwenyi ien Reubena: ke haingen, ka habe, Anyin a wâ but Iehova anyik vec; kʼ ame he öiök ka betenge gak walang ang.

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Genese 30:6

Me haingö Rakela, ka habe, A hia but Khong owisa könya, me löng hok hofuc, me ham könya nökuk da: anyin a wale e ame hwenyi ien Dana.

Genese 30:8

Me haingö Rakela, ka habe, E gan hmâ but hnök hna ûsöu me tuhök, ke oge hon dut: me e ame hwenyi ien Nafatali.

Genese 4:25

Ke Adamu ame khana hmetu âiân; me e ame hnokoâ da, me hwenyi ien Setha: anyin a haingen, A hia but Khong ham könya ke mâtrân hwabö Abela; anyin a hia but Kaina hlingâ.

I. Je Than 13:3

Ke e ame bi haten hnyi bong eling, me ha, ka habe, Walang haten ame ha Iehova: Wâ bi, ame he ka hmouca taben hut, me hingölö je dröu ûnyi hnyi hon.

Salamo 46:8

Ai öbun, wâ ju ta je huliwa anyi Iehova, A at ame hia but oba wan hmeledrany.

Isaia 38:7

Ke walang haten köu ûnyi ga Iehova, a gʼ ame he Iehova ka ânyâ ûnyi eang e ame ha:

Isaia 8:10

Tha ûhnenamö thö, ke ame he bi ka ûnyi baû; ha thö hofuc, ke ame ca he bi ka hwâdâ: anyin ae unyita Khong.

Isaia 8:8

ke e ame he ka di bala Juda ai; me bahihingölö me vheno e, me khibi ke ne o but hnyi nyin; me ame he ka unöngötö ûlauen em hnyei, Emanuela.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 23:6

Hnyi bonginy je bong, ame he ka mot Juda, kʼ ame he Isaraela ka laba khotkic: ke walang ien adre me he ka hawâ, ka habe, Iehova wisaita.

Jeremia 31:22

Ke ne o but kehö u me he ka he monu, u hlu ame labö kolu? anyin a Iehova ame hia but op ûnyi ae teb ûnyi hnyi hnyei, ame he momo ka ton ge baga.

Jeremia 44:29

Ke haingö Iehova, ka habe, Walang haten köbun a; oge me he ka bi hwaban köbun hnyi dok ang, me me khanʼ öbun a gʼ ame he ka ton hok hofuc köbun hnân okongon:

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

Luka 1:31

Ke wâ bi, u me he ka erkin, me hnokoâ da, me u me he ka hwenyi ien Iesu.

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Luka 2:12

Ke walang haten köbun; Öbun e he ka wâ mendreng adre wâdrâ ge mano, ame mokut hnyi taben jeû an meno.

Luka 20:44

Anyin a wale, a ne ha Davita, ka habe, Than, me ame he ka kâmâu ka nokon bi?

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Roma 9:5

ödra je mâtrâniny ta je lakamöta, helâe minya Keriso hoton unyin, e nua hon ta je ûnyi hia thitliö, Khong adre haisoâ nyiele balua. Amen.

I. Timoteo 3:16

Ke ca hnân ivinoâ, ka habe, e gan hmâ ûiyonginy hwakecin ae ûcû me Khong, ka habe, E ame manen dut hnyi unyin, ame haiwisa hnyi hanu, ame wâ hnen ta je angela, adre me khetâ hnyi ta je hnyei, adre me labageju kâu hnyi hmeledrany, adre me kap goranyai ka hnyi hmanenang.

Owisa 6:36

Ke Gideona ame ha ka Khong, ka habe, U je ne he ka omelö at Isaraela ge hnyamok helâ me hna ba gam,

I. Samuela 1:20

Ke a hwâdâ thö ûen me ame erkin dut Hana, me e ame hnokoâ da, me hwenyi ien Samuela, ame ha, ka habe, anyin oge sumâtâ ga Iehova.

I. Samuela 4:21

Ke e ame hwenyi ien wanakat Ikaboda, haingen, ka habe, A hia but hmanenang unyin at Isaraela: anyin adre hûgûnâ thö tang tangen Khong, me ûnyi ge ûngon me âiân.