Isaia 7:13 - Iaai Bible 1901 (New Caledonia)

¹³ Ke e ame ha, ka habe, Lap anyi Davita lö, long ju walang ang; hawa, ûnyi ae ûhnyûkong e öbun e ovecâ at, ke öbun e he minya ka ovecâ Khong?

Isaia 7:13 ပူးပေါင်းရင်းမြစ်များ

Genese 30:15

Me haingen kâu, ha habe, Hawa, ûnyi ae ûhnyûkong e, a u je hia but hûgûnâ öiök ke u me he minya ju ka hûgûnâ je dudai anyin nökuk? Ke haingö Rakela, ka habe, Anyin a wale e ame he ka tha e möu eâu hnyinghet hwaban je dudai anyin nokom.

II. Man Ûlabainy Je Than. 21:7

Ke so bi e ca we Iehova bi he ka ohia lap anyi Davita, can ûhihinyköu waleji e ame ânyâ me Davita, me helâ me hnen hna ha bânâ he ka ham lamepa kâu me je mâtrâniny nyiele balua.

Salamo 45:5

E so hmonyin homakan ânyâm je fana; A ta but je hnyei eû hmelâm; A hia but dit hnyi hnyekon je iwahnaihmiöny me than.

Isaia 1:14

Ke oge me ikikiâ je tehibun ame manen, me anyibun je bijeû adre thu: e hmak könya je ûnyi e; ke oge me höcö bi ka hom.

Isaia 1:24

Anyin a wale ame ha Than, Iehova tuhan sabaoth, Maniny Isaraela, ka habe, Awe, oge me he ka omeno nya ge tavat hûkötiö nya, oge me he ka bi hwaban ka je iwahnaihmiony mönya;

Isaia 22:22

Ke oge me he ka ip kiiny lap anyi Davita hon bajebenyin; ke e ame he ka khong ke ba at ame he ka hlöng, ke e ame he ka hlöng ke ba bi at ame he ka khong.

Isaia 25:1

IEHOVA lö, u thibi Khonguk; oge me he ka ogöranyi u, oge me he ka ogânâ iâm; anyin a u je hia but ânyâ ta je ûnyi hnân lâiâ, wale je hna musi ehac, hnyi hnathu, me wisa.

Isaia 43:24

U je ca ûcû ûö ae hnebwia hobi könya hwaban mone, ke u je ca osekuni nya ge pipikhenyainy ânyâm ta je hut: ke u je hia but ohmaki nya ge ânyâm ta je hulo, u je hia but osenyini nya ge hwakecâm ae kong.

Isaia 63:10

Ke adre me ûkhin fuc, me ovecâ banon ae kap: anyin a wale e ame hwio but me ame iwahnaihmiony mödra, ke e ame ka hamen bi vat mödra.

Isaia 7:12

Haba Ahaza ame ha, ka habe. Oge me ca he ka sumat, ke oge me ca he ka cubic Iehova.

Isaia 7:2

Ke adre thumeto lap anyi Davita, ka habe, Ame tha hien at Eferaima me at Suria. Me ame bwebwet hnyekon, me hnyekon lakeiny, helâ me je ûö hnyi hnyot ame bwebwet ge ang.

Jeremia 21:12

Lap anyi Davita lö, walang hna ha hnö Iehova, ka habe, Ânyâ thö ûnyi ae wisa hnyi hnyomakatu, ke omelo thö at adre söh ûnyi hnyi hnyamen at ûöveci, wâ e nye gâ but anyik hmonyin helâ me meic ame ubâhlâ, ke ba at ama ume, can ûkongon anyibun ta je huliwa.

Jeremia 44:22

me me ca khanö Iehova hmetu bi he ka hokhnyokâ ûkongon anyibun ta je huliwa me ta je ûnyi ae ikiki öbun e ânyâ; anyin a wale a hnyot dö ibun hnyei, ke hnân lâiâ, me hnân hangâ, ke ba but at ame labā, helâ me hnyi bong ang.

Jeremia 6:11

Anyin a wale, oge me unöngöt ge hmonyin anyi Iehova; iny sënyin dut ge hok hnyok: hingâlâ but e hon je thoth eû hnyi gethen, me hon wahidröu adre me tha ûkhacaköu: anyin adre me he ka tha hom baga me âiân momo, me hingat me at ae se hia hunainy.

Ezekiela 16:20

Ke haba khaca, u je hia but hom lakom obaga me wahlu, waleji u je hnoko hobi könya, me hudi ödra ködrin me hnân ö ʼdrin. Hawa, ûnyi ae ûhnyûkong hnâm je hna bi ûnyi monu,

Ezekiela 16:47

Ke so bi u je ca vheno dedra je gethen, me ânyâ hoton hwakecidra ae ikiki; ke so bi helâke ame ûnyi ae ûhnyûkong eling, ke u je ânyâ hwakecin ae kong hmönyin hudra hnyi dem je gethen hia.

Ezekiela 34:18

Hawa, ûnyi ae ûhnyûkong köbun wale hnobun hna han hnyi sajilat ae so, me öbun e he minya ka utö bi ge cabun kolon anyibun sajilat? ke öbun e ijem je an ae alai, me ohâeâ bi kolon ge je cabun?

Ezekiela 6:9

Kʼ ame he tavat adre me kec möt ka ûnykûmi nya hnyi ta je hnyei adre me he ka laba hwenbâ hnyin, a inya höcö wâ hmetu je hnyekudra ae bi ûnyi monu, waleji ame hna degeci nya, me je emaködra ae bi ûnyi monu hoton anyidra je idola: ke adre me he ka hûkötiʼ ödra bi hnyi hnyimakodra bi, can je hulo waleji adre me ânyâ ge anyidra ta je ûnyi ae ikiki.

Amosa 3:13

Long ju öbun, me ohnathoâ ûcon lakon Jekob, haingen Than Iehova Khongon sabaoth.

Malaki 2:17

Öbun e hia but ohmakö Iehova ge je ifucibun. Ke haingöbun, ka habe, Öhmun e ohmakâ e ge ieû? Anyin öbun e ha, ka habe, E so kö Iehova tavat hia adre me ânyâ hulö, ke e ame senyin kodra; ke haingöbun, ka habe, Ewa Khong at ame owisa?

Numera 16:13

hawa unyi a ûhnyûkong a u je hum ohmun jem ûnyi hnyi hnyei ame di hnyin debai me hani, he ka hlingʼ ohmun hnyi hnyebuba, ke u je wem minya he ka bi than humun?

Numera 16:9

hawa, ûnyi ae ûhnyûkong köbun a gʼ ame hake ip öbun ûnyi hnyi ûkhacaköu anyin at Isaraela hnen Khongon at Isaraela, me ohakekenyi öbun kâu he ka ânyâ huliwa hnyi uma mano anyi Iehova, me tot hnyi hnyimakan ûkhacaköu he ka huliwa ködra;

Luka 1:69

Kʼ ame otilâ thö faoiny ûhomeli hobi köta Hnyi lap anyi Davita a athnyabainy:

Ta je huliwa 7:51

Öbun hnyat ae hwege je nyibun, kʼ adre ca peritomonâ je hnyekubun me je hnyikönyöbun, öbun e labö tot metâ ûcon Hanu Kap: helâji me lakamöbun, me helâ minya ju e öbun.

Heberu 3:10

Anyin a wale e hmak hnyekuk ge dö eling, Haingök, ka habe, Odra monu bala eû i hnyi hnyok: Ke ca khanʼ ödra dek ta je gethen;