Isaia 66:8 - Iaai Bible 1901 (New Caledonia)

⁸ Ie at ame long a helâe? ie at ame wâ ta je ûnyi a helâe? Hawa, adre me he ka hnokoâ hnyei hnyi bong a khaca? hawa, adre me he ka hnokoâ ke dokhu hnyi ûen a khaca thibi? ke so bi ame o but je lakon Ziona e ka tiga vec hnyekon.

Isaia 66:8 ပူးပေါင်းရင်းမြစ်များ

Isaia 64:4

Anyin a haba hwân kâû adrem, ame ca löng bi hnen tavat, me ca tevehlöng bi, ke ame ca wâ hnen ecmak ke Khong, ke hake u ke thibi, at ame huliwa kodra adre me halubahingen e.

Jeremia 18:13

Anyin a wale, walang hna ha hnö Iehova, ka habe, Hnö thʼ öbun unyin ta je hnyei, ie at ame löng je ûnyi a helâe a hia but ânyâ ûnyi ae ti kong hnen hluiny Isaraela.

Ta je huliwa 2:41

Ke adre me bapataisoâ tavat adre me kap hwan: me adre me bihanen kodra hnyi bong eling helâ me theri thauzan tavat

Ta je huliwa 21:20

Ke adre me long ut, me adre me ogânâ Khong; me adre me ha kâu, ka habe, Liamekeiny möhmun lö, u me wâ ta je thauzan anyin at Juda adre me labageju; ke ödra hia adre me ti hnyokâ hnanyibu;

Ta je huliwa 4:4

Ke ame labageju but tavat ae se hia adre me long hofuc; ke haba ûseiny obaga, me helâ me faiv thauzan.

I. Korinito 2:9

helâ me hna sihnalimen, ka habe, Ame ca wâ hnen ecmak, kʼ ame ca long ge hnyiköny, Kʼ ame ca dit ka hnyi hnyin at ta je ûnyi Waleji a penapena Khong hobi kodra adre me hnyok kâu.