Isaia 66:5 - Iaai Bible 1901 (New Caledonia)

⁵ Long ju öbun hofuc ho Iehova, tavat adre me öbubuny ge hwan hofuc, ka habe, A hia but ha hnen je liamekeiny möbun tavat adre me hûkötiʼ öbun, me digic öbun can iök, ka habe, E so adre oganö Iehova, mʼ öhmun e he ka wâ anyibun senyin; ke adre me he ka hmehma.

Isaia 66:5 ပူးပေါင်းရင်းမြစ်များ

I. Je Than 21:29

Hawa, u je wâ but a Ahaba ame oûhnyûkongo e bi hnyi hnyimakök? awe, anyin a e ame oûhnyûkongo e hnyi hnyimakök, me oge me ca he bi nya ka oâ ûnyi ae kong hnyi bongon ta je bong: ke o ge me he bi nya ka oâ ûnyi ae kong ka anyin lap hnyi ta je bong bongon nokon.

II. Je Than 22:10

Ke haba Safana at sihnalimen ame thumeto than, me ha, ka habe, Haba Hilekia ame ham könya ke tusi. Me Safana ame aû e hnyi hnyimakan than.

II. Man Ûlabainy Je Than. 34:27

anyin ae menyik hnyekom, ke u je oûhnyûkongu u bi hnyi hnyimakan Khong, hnyi hnâm hna löng hwan hofuc ge dok ang, me tavat adre me labā e, ke u je oûhnyûkongu u bi hnyi hnyimakök, me kia ânyâm je ûkhaû, me tenge hnyi hnyimakök; anyin a wale oge me he bi nya ka ling u, haingö Iehova.

Ezera 9:4

Me ödrin e ûkhacaköu hia thithö könya hnyat adre me öbubuny ge hofuc hwan Khongu Isaraela, can hulo anyin je aten bâ; ke oge me laba ot ke ne o but adre me hudo hnyi sahac.

Salamo 119:120

Ame öbubuny vik ge hnok hna outö u; Ke iny ot ge hnâm ta je hna owisa.

Salamo 38:20

Ke haba tavat adre me bi hwaban so ge kong, Me adre me bi iwahnaihmiony mönya, can oge me hnu hoton ûnyi ae so.

Ta je Vejec 13:13

Haba at ame hûkötiâ hofuc, me ame okongoâ e bi: Ke ame he ka hu troban ge at ame outen hnanyibu.

Khumöng Hwanyi Solomona. 1:6

Ca ō nya öbun, anyin a iny hlit, Anyin ame li nya seûno. Laku bai ödrin e hmönyidrin könya, Ödrin e otilö nya he ka tuö je hnyei vine; Ke oge me ca tuö ik hnyei vine.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 5:19

tavat adre me ha, ka habe, E so e ame logot, e so e ame mweimweiâ anyin huliwa, mʼ öhmun e he ka wâ e; ke ohakekenyâ thö, me o but musi anyin Kabiny Isaraela ûse me khanʼ öhmun dö!

Isaia 60:15

Anyin a adre hia but digic u me hûkötiö u, waleling me me ca he ke at unyâm, awe, oge me he bi nya ka wiö u hnân hnyei ae mec nyiele balua, ke hnân senyin hnyi ta je dö ae se hia.

Isaia 65:13

Anyin a wale, walang hna ha hnen Than Iehova, Wâ bi, ame he je athnyabaik ka han, ke öbun e he bi öbun ka mekihnânem: wâ bi, ame he je athnyabaik ka ic, ke öbun e he bi öbun ka beic: wâ bi ame he je athnyabaik ka senyin, ke öbun e he bi öbun ka hmehma:

Isaia 66:2

Anyin a haba ta je ûnyi hia ang ame ânyâ hnen hnyamok, me me e bi ta je ûnyi hia thithö e, haingö Iehova: ke walang at oge me he ka wâ, wale at ae theduoc me bewisa hanon, me öbubuny ge hok hofuc.

Jeremia 36:16

Ke ödrin e hia but löng ta je hofuc hia, me ödrin e tha ot, me ha kö Baruka, ka habe, Ohmun e he ka thumeto than ge ta je hofuc e.

Hosea 11:10

Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny.

Mataio 10:22

Ke ame he tavat hia thithö ka hûkötö köbun can iök: ke haba at ame he ka hokhnyok ke ne o but hnyi obiny, me ame he ka möt.

Luka 13:17

Kʼ ame tiga ha je hofuc eling, me ame hmehma hia but je iwahnaihmiony mē: ke ame senyin bi tavat ge ta je ûnyi hia ae hmanenang e ame mâdrâ.

Ioane 16:2

Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Ioane 9:34

Ödra adre me thu kâu, ka habe, Adre me hnöku u hnyi hulö ae gan, ke u me he bi ka nʼ ohmun? me adre me obâ but e.

II. Thesalonika. 1:12

mʼ adre me he ka ogânâ unyibun ien Tuhöta Iesu, ke öbun minya unyin, hoton ibetengiö baû anyin Khonguta me Than Iesu Keriso.

Tito 2:13

me halubahingen geju ae hnahic, me he ka manen dut hmanenanginy Khonguta ae beönua me At omeli öta Iesu Keriso;

Heberu 9:28

helâe minya Keriso, adre me okhaca hudo e he ka vadren ta je hulo anyin tavat ae se hia, me e ame he ka olo manen ka tavat adre me halubahingen e, ke ca ha bi ge hulö, ke hnân omelö.

I. Ioane 3:13

Hnyat me lakeiny lö, ca he bi ka hlohlo e ka hûköti öbun hnen aten hmeledrany.