Isaia 66:4 - Iaai Bible 1901 (New Caledonia)

⁴ Oge me he bi minya ka ûca anyidra ta je tang iyauö, me oâ kodra ta je ûnyi adre me outen; anyin a hnyi ûen oge me hongot, e ba at ame ieû; hnyi ûen oge me fuc, e ba at ame long: ke so bi adre me ânyâ hulo hnyi hnyimakök, me ûca ûnyi oge me ca senyinâ.

Isaia 66:4 ပူးပေါင်းရင်းမြစ်များ

II. Je Than 21:2

Ke e ame ânyâ unyi ae khong hnyi hnyimakö Iehova, hoton hwakecin ae ikiki anyin ke je hnyei, waleji Iehova ame obâ hnyi hnyimakan lakon Isaraela.

II. Je Than 21:6

Ke e ame kunâ nokon baga he ka he hnyi wanben meic, ke e ame bihihwakecin, me bi biobotkong, me tha laba unyin tavat tren hanu ae kong, me tavat bi khong: e gan hmâ hulo e ame ânyâ hnyi hnyimakö Iehova, me me ohmönyinâ e.

Salamo 81:12

Me oge me hnʼ ödra but ka hnyi ikikiny ta je hnyekudra bi, Mʼ adre me he ka vheno bala bi ta je unykûmenödra.

Ta je Vejec 1:24

Can oge me hongot, ke öbun höcö; Oge me hinôbeny, ke ba at ame long;

Ta je Vejec 10:24

Haba hna outen hnen at ae kong, me ame he ka aat kâu: Ke ame he ka ham weny at ae wisa.

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Isaia 59:15

Eke, e hia but hnathu; ke haba at ame kec ge hulo, me e ame ka ânyâ e bi me hnân söh: ke Iehova ame wâ e, me ame kong kâu ae ba owisa.

Isaia 59:7

Ke ame wadring je cadra ka hnyi hulo, kʼ adre me logot hingâlâ dra ae ba hnyikongon: je ûnykûme ae kong je ûnykûmenödra; ke eû hnyi anyidra je hna cit gethen hnaûhango me ûokonguny.

Isaia 65:12

me oge me he ka ip öbun hobi kâu hele vat, ke öbun e he hia ka iyâû ka hnyi hna hlingâ: anyin oge hongot, ke öbun e ca ieû; oge me fuc, ke öbun e ca long; ke öbun e ânyâ hulo hnyi hnyimakök, me ûca ûnyi oge me ca wek.

Isaia 65:2

Oge hia but lau li hnyamok hnyi je bong hia ka tavat adre me ca ûling, waleji adre me vheno gethen ae ca so hoton je ûnykûmenödra bi;

Isaia 65:3

tavat adre me ohmönyini nya hnyi hnyimakök hnyi ta je bong, adre me bi hut hnyi ta hnyei, kʼ adre me leû uto ae bo so hon je veto kânâ;

Isaia 65:7

wale ta je hwakecibun ae kong, tha e me hwakecin ae kong anyin lakamöbun, haingö Iehova, waleji adre leû utö ae bo so hon je bucen, me bi gan könya hon je hut: anyin a wale oge me he ka bok ka tuluto anyidra ta je huliwa ka hnyi je ûlaidra.

Jeremia 35:17

anyin a wale walang hna ha hnö Iehova Khongon sabaoth, Khongu Isaraela, ka habe, Wâ bi, oge me he ka oâ ka at Juda, me aten Jerusalema, hia ta je ûnyi ae kong waleji oge ha gadra: anyin a oge hia but fuc ködra ke adre me ca löng bi: ke oge hia but hongot ködra ke adre me ca ieû bi.

Jeremia 7:13

Ke walang can hnobun hna ânyâ ta je huliwa hia eling, haingö Iehova, ke oge me he ka fuc! köbun, oge me vesâ hnyi hnyomakatu me fuc, ke öbun e ca long bi öbun; ke oge me hawʼ öbun ke öbun e ca ieû bi:

Jeremia 7:30

Anyin a ânyâ ûnyi ae kong hnen lakon Juda hnyi hnyimakök, haingö Iehova: adre hia but ip anyidra ta je ûnyi ae ikiki hnyi hnyin uma waleji oge ip iök hon, mʼ adre me okongoâ e.

Ezekiela 11:8

Öbun e hia but outen hele vat; ke oge me he bi nya ka oâ köbun hele vat, haingen Than Iehova.

Ezekiela 14:4

Anyin a wale, ha thö kodra, ka habe, Walang hna ha hnen Than Iehova, ka habe, Haba tavat hia aten lap anyi Isaraela, at ame hom anyin ta je idola ka hnyi hnyekon, me ip hnyi hnyimakan anyin hulo, at ame othöâ, me ame o ka at a perofeta; hamök bi Iehova he ka thu ka at eling hoton ûseiny anyin je idola;

Ezekiela 20:25

Ke haba khaca, oge me ham kodra je hnanyibu ae ca so, me je hna owisa a ca hnân melen;

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

I. Samuela 8:19

Ke so bi haba tavat adre me höcö long hofuc ho Samuela; ke haingödra, ka habe, Ohe, ohmun e he ka hu tuhöhmun;