Isaia 66:3 - Iaai Bible 1901 (New Caledonia)

³ Haba at ame hlingâ bolok, me ame helâ me at ame hlingâ at; haba at ame hudo nokon mamoe, me ame helâ me at ame thu nyin kuli; haba at ame hudo bwihlany, me ame helâ me at ame hudo dren buaka; haba at ame leû libanu, me ame helâ me at ame hahnahicâ hnatheat: eke, adre hia but ûca dedra bi je gethen, ke ame senyin je hanudrin hnyi anyidra bi ta je ûnyi ae ikiki.

Isaia 66:3 ပူးပေါင်းရင်းမြစ်များ

Ta je Vejec 15:8

Hmiö Iehova hut anyin tavat ae kong; Ke e ame senyin ge hic hijin at ae wisa.

Ta je Vejec 21:27

Ûnyi ae ikiki hut anyin at ae kong: Ke beönua monuiny, e ka hom e me ûnykûmenen ae kong.

Isaia 44:19

Ke ba at ame ûnykûme hnyi hnyekon, ke ba metâ me wâhmakhmeto me me be ka ha, ka habe, Oge hia but vâc ke hnyiban hnyi meic; eke, oge hia but le falawa hon i walepiny ke hnyiban; oge hia but leû meno me han: ke hawa, oge me he bi ka bi ûnyi ae ikiki hnyi kolon? hawa, oge me be ka khudrung ju ka hnyiban ûö?

Isaia 53:6

Öta hia thithö ate me hia but he monu helâ me je mamoe; ate me ve saû ka hnyi je gethen, ke haba Iehova ame ip hon e anyita ta je hulo hia thithö.

Isaia 57:17

Can hulöiny anyin behnyekon oge me hmönyik me kot e, oge me ikhölö me hmönyik: ke e ame hanyâûâ tilâ hnyi je deny hnyekon.

Isaia 65:12

me oge me he ka ip öbun hobi kâu hele vat, ke öbun e he hia ka iyâû ka hnyi hna hlingâ: anyin oge hongot, ke öbun e ca ieû; oge me fuc, ke öbun e ca long; ke öbun e ânyâ hulo hnyi hnyimakök, me ûca ûnyi oge me ca wek.

Isaia 65:2

Oge hia but lau li hnyamok hnyi je bong hia ka tavat adre me ca ûling, waleji adre me vheno gethen ae ca so hoton je ûnykûmenödra bi;

Isaia 66:17

Haba tavat adre me okabi ödra bi me obosoi ödra bi, he ka he hnyi ta hnyei, hoton khaca hnyi wanben, adre an utioiny buaka, me ûnyi ae ikiki, me tep: awe, adre me he ka tha bi obiny kodra, haingö Iehova.

Jeremia 6:20

Hnân eû könya libanu adre me oâ ûheny Sheba, me ûö ae hnebwia ûnyi hnyi hnyei ae sâkâu? oge me ca kap soâ je hudiny anyibun leû, ke oge me ca senyinâ anyibun ta je hut.

Levitiko 2:2

ke e ame he ka hom e ka laku Arona a hnyat bihut: ke e ame he ka okhaca aoc salawa, me ke keihen wakacoiny, me libanuiny hia; kʼ ame he at bihut ka le e hnân oûnykûmeâ hon taben hut, wale hut a an ge meic, ae bo so kö Iehova:

Hagai 2:14

Haba Hagai ame thu me ha, ka habe, Helâe tavat ang, ke helâe hnyei ang hnyi hnyimakök haingö Iehova; ke helâe ta je huliwa hia anyin je hnyamödra; ke haba ûnyi adre me hudo eling me e bo kong ut.

Deuteronomi 14:8

me buaka, anyin a e ame kia luâ can, kʼ ame ca hoc hmeto bi hna han, wale ae bo kong köbun: ca he öbun ka han utiöidra, me kâlâ unyidra ae mok.

Deuteronomi 23:18

U me ca he ka hom ka hnyi uma umo Iehova hwaban momo hnyi gethen, ke hwaban kuli hnân bi khöbi: anyin a wale li ûnyi a ikikiâ Iehova Khongom.

Owisa 10:14

He thʼ öbun ka tenge ka je khong öbun e ûca; hamödrin he ke omeli öbun hnyi ûen hna sedʼ öbun.

Owisa 21:25

Ke haba hnyi ûen eling me ba than hnyi Isaraela: ke a ve ânyâ tavat hia ûnyi ae wisa ködrin bi.

Owisa 5:8

Ke adre me ûca je khong kanyua; Me ame o vat ka hnyi je homagöule: Hawa, e hu bec ame ne ö adre wâ Unyin je fâte thauzan hnyi Isaraela?