Isaia 66:24 - Iaai Bible 1901 (New Caledonia)

²⁴ Ke adre me he ka he me wâ ta je unyin tavat adre mokcu, a tavat adre hia but ûkhiny fuc mönya: anyin ame ca he ka mok hnödra waahnyöng, kʼ ame ca he bi ka mok anyidra meic; ke ame he bi tavat hia thithö ka hûköti ödra.

Isaia 66:24 ပူးပေါင်းရင်းမြစ်များ

Salamo 110:6

E ame he ka owisa hnyi wanben ta je hnyei, E ame he ka öunöngötâ ta je dok ge je komok; E ame he ka kot muâ ban ta je hnyei ae se.

Isaia 1:28

Ke ame he ka tha hnaûhango tavat hanyâûâ me tavat ae kong, kʼ ame he ka hia but tavat adre me hna degeci Iehova.

Isaia 1:31

Ke ame he at hwege ka helâ me wakunenu, me anyin huliwa helâ me wahleûhleûiny meic; ke adre me he ka tha thong degeci ödru, ke ba at ame he ka ume.

Isaia 14:11

Adre ohnyikânâ hedis ai ânyâm hmanenang, me meainy ânyâm je nabeli: adre me ulolo eû hnyi hmelâm je biget, ke adre me okhoti u ge waahnyöng.

Isaia 24:20

Ame he ka he ta tot hmeledrany helâ me at ae monu ge grâg; me bwebwet helâ me uma menâ; kʼ ame he ka hmak hon e je hna hanyâûâ, me ame he ka ta, kʼ ame ca he hmetu bi ka tot.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 34:10

Adre me ca he ka ume e hnyi lit me lany; ame he bala bi ka o hainy: ame he ka ba wan e, hwân hnyi ke dö ke ne o but ka hnyi ke dö; e ba at ame he ka vheno e nyiele balua.

Isaia 34:3

Ke adre me he ka degec ta je hna hlingâ unyidra, kʼ ame he ka hu bokonginy je unyidra ae mok, kʼ ame he ka köiö but je bucen ge drödra.

Isaia 48:22

Haingö Iehova, ka habe, E ba hnahic ge tavat ae kong.

Isaia 5:25

Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Isaia 51:8

Anyin ame he bi walelaba ka ön ödra helâ me ûkhaû, kʼ ame he bi waahnyöng ka ön ödra helâ me leûnen mamoe: kʼ ame he ka e balua bi hwakecik ae wisa, ke anyik ûhomeli ke ne o but hnyi ta je dö hia.

Isaia 65:15

Ke öbun e he ka hnaiöbun hnân hângâ ka tavat oge ûca, kʼ ame he Than Iehova ka hlingö u; me wenyö ke ien bi hon je athnyabainy:

Isaia 66:16

Anyin ame he Iehova ka ivino me tavat hnen meic, me anyin hele vat: ke ame he ka se hia hani Iehova.

Daniela 12:2

Ke se hia tavat adre me mokut eû hnyi kânâ adre me he ka hmak hmetu, keihen ka hnyi möt nyiele balua, ke keihen ka hnyi hmehma me ikikiâ nyiele balua.

Zakaria 14:12

Ke walang mok ae cap ame he Iehova ka kunâ ka tavat hia waleji adre me vat me Jerusalema: ame he ka aû tot je unyidra ödra ka he bi, ke ame he ka aû tot je emaködra hnyi je hnen, ke ame he ka aû tot je bohmödra hnyi je hnyimödra.

Mataio 3:12

e bi hnyi hnyamen anyin ut, ke e ame he ka ânyâwia hwit hnyi hnen hna huje hwit; ke e ame he ka ûkhöunâ anyin hwit ka hnyi omhani, ke e ame he ka thong thatûnyin hwit hnyi meic ame ca mok balua.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.