Isaia 66:22 - Iaai Bible 1901 (New Caledonia)

²² Anyin ame he ka tet hmâ hnyi hnyimakök drany a teb ûnyi, me hmeledrany a teb ûnyi, wale oge me he ka op, haingö Iehova, ke helâe ame he ka tethmâ mâtrânibun me iöbun.

Isaia 66:22 ပူးပေါင်းရင်းမြစ်များ

Isaia 48:19

ke helâ me öny ta je mâtrânâm, ke haba wan hnyekom me helâ me ûseiny je waöny: adre me ca he ka subâ degecâ me ohia ien hnyi hnyimakök.

Isaia 51:16

Ke oge hia but ip hok ta je hofuc hnyi hnyimâm, me tubi u hnyi hmenon hnyamok, mʼ oge me he ka ohmâ drany me bi taben hmeledrany, me ha kö Ziona, ka habe, U ik hnyei.

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Isaia 56:5

Oge me he ka ham kodra hnyi umök uma me hnyi hnyin hna up hagik hak ke haten, me ien ae so, hon lakudra a wainda me wahlu; oge me he ka ham kodra ien ae tethmâ, wale adre me ca he bi ka subâ degecâ.

Isaia 59:21

Ke haba inya, waleû anyik ûhihinyköu mödra, haingö Iehova: Haba hanuk at ame laba hom, me hok je hofuc waleji oge ip hnyi hnyimâm, ame ca he ka hia ûnyi hnyi hnyimâm, me hnyimen ta je mâtrânâm, me hnyimen ta je mâtrâniny ta je mâtrânâm, hwân walang ang, ke ne o but nyiele balua, haingö Iehova.

Isaia 61:8

Anyin a inya Iehova oge me hnyok ka hna owisa, inya oge me hûkotiâ venöu, ke hwakecin ae kong; ke oge me he ka bihwaban kodra hnyi hnathu, kʼ oge me he ka ânyâ mödra ûhihinyköu a nyiele balua.

Isaia 61:9

Ke ame he ka lung je mâtrânidra unyin ta je hnyei, me lakudra huyi wanben tavat: ame he hia tavat adre me ō ʼdra ka wâhmakhmeto a ödra ta je mâtrân a ohnahicâ Iehova.

Isaia 65:17

Anyin a wâ bi, inya oge me op drany a teb ûnyi, me hmeledrany a teb ûnyi: ke adre me ca he bi ka ûnykûme ta je ûnyi a bân, kʼ ame ca he ka o eû hnyi hnyekon at.

Isaia 65:22

Adre me ca he bi ka up uma, me ame he ke at bi he ka labā e; kʼ adre me ca he bi ka tä, me ame he ke at bi he ka han: anyin a haba ta je bong bongon lakeik me ame he ka helâ me ta je bong bongon ûö, ke ame he hnök je hna ûca ka senyinâ beû hmâ ta je huliwa anyin je hnyamödra.

Isaia 65:23

Adre me ca he bi ka huliwa baû, kʼ adre me ca he ka hnokoâ hnân hobi kâu ûokonguny; anyin a ödra je mâtrâniny tavat a hahnahicâ Iehova, tha ödra me lakudra.

Jeremia 33:20

Walang hna ha hnö Iehova, ha habe, A ne khanʼ öbun he ka thamuâ anyik ûhihinyköu a lany, me anyik ûhihinyköu a lit, be me ca he ka ve o but lany me lit hnyi ûen;

Jeremia 33:21

awe, adre me he minya ka thamuâ anyik ûhihinyköu me, Davita athnyabaik, me me ba mâtrâniny he ka musi hon anyin theron; me anyik ûhihinyköu me at Levi a tavat bihut, a lathnyabaik.

Zefania 3:20

Ke hnyi ûen eling oge me he ka hum öbun, ke hnyi ûen eling oge me he ka ûkhacaköu öbun: ke oge me he ka wiʼ öbun mʼ adre me lung me ogânâ unyin ta je hnyei hia eang hmeledrany, iny ka he ka ohmetu öbun ûhebun hnyi hna bâ wale hnyi hnyimaköbun, haingö Iehova.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

II. Peteru 3:13

Ke hoton hnen hna ha bânâ, ate me halubahingen drany a teb ûnyi me hmeledrany a tebûnyi, wale ame he ka laba hnyin hwakecin ae wisa.

Hna Omanenâ 21:1

KE oge me wâ drany a teb ûnyi me hmeledrany a teb ûnyi: anyin a hia but drany a bân me hmeledrany a bân; ke ba hmetu bi köiö.