Isaia 66:18 - Iaai Bible 1901 (New Caledonia)

¹⁸ Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Isaia 66:18 ပူးပေါင်းရင်းမြစ်များ

Jobu 42:2

E khanö nya but ae khanö u he ka ânyâ ta je ûnyi hia. Ke haba hnâm hna ûnykûme me pason he ka thawâ.

Salamo 139:2

U je wâhmakhmeto ûlabaik me ûtilök, U je wâ ûnykûme ûnykûmenök hnyi dok ae sâkâû.

Salamo 67:2

Mʼ adre me he ka wâ dem gethen eang hmeledrany, Me ânyâm ûhomeli hnyi ta je hnyei hia thithö.

Salamo 72:11

E ke, ame he je than hia thithö ka ta ju hnyikânâi kâu: Kʼ ame he ta je hnyei hia ka bi athnyabainy.

Salamo 72:17

Amo he ka tethmâ ien nyiele balua; Kʼ ame he ka e bala bi e ka tiga hu seûno ethö: Ke ame he ka hnahic tavat ûnyi gan; Ame he ta ogo hnyei hia ka ha a e ame senyin.

Salamo 82:8

Khong lö, todrö, owisa thö hmeledrany: Anyin ame he ka hu gam ta je hnyei hia thithö.

Salamo 86:9

Than lö, ame he ta je hnyei hia thithö u je op ka o me khudrung ju hnyi hnyimâkâm, Me adre me be ka ogânâ iâm.

Salamo 94:11

Iehova ame wâ ta je ûnykûmenen tavat, Ae ûnyi baû bi

Salamo 97:6

Ame omanenâ hwakecin ae wisa hnen ta je drany, Ke a hia but wâ hnen ta je hnyei anyin hmanenang.

Isaia 11:9

Adre me ca he ka ovecâ me okongoâ hnyi anyik bucen hia ae kap: anyin ame he ka unöngötö hmeledrany ge wâ ûnykûme ga Iehova, helâ me köiö ame tube taben köiö ae gan.

Isaia 2:2

Hnyi ta je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ hon je hut; ke ame he ta je hnyei hia ka ok ut kâu.

Isaia 37:28

Ke oge wâ but hnâm hna laba, me hnam hna didrut, me didro, me hnâm hna hmonyin könya.

Isaia 40:5

ke adre me he ka omanenâ hmanenangi Iehova, ke ame he ka tha wâ hnen tavat hia thithö: anyin a ha hnen hnyimö Iehova.

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Isaia 55:8

Ke haba ta je ûnykûmenök, me ca ta je ûnykûmenöbun bi, ke haba debun je gethen, me ca dek bi, haingö Iehova.

Isaia 56:8

Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Isaia 57:12

Oge me he ka haimemenâ ânyâm wisa; ke haba ânyâm ta je huliwa bi, me ame ca ke ka hu troban köu.

Isaia 59:7

Ke ame wadring je cadra ka hnyi hulo, kʼ adre me logot hingâlâ dra ae ba hnyikongon: je ûnykûme ae kong je ûnykûmenödra; ke eû hnyi anyidra je hna cit gethen hnaûhango me ûokonguny.

Isaia 65:2

Oge hia but lau li hnyamok hnyi je bong hia ka tavat adre me ca ûling, waleji adre me vheno gethen ae ca so hoton je ûnykûmenödra bi;

Isaia 66:10

Tha senyin dʼ öbun me Jerusalema, me hobâ thö gan öbun hia thithö tavat öbun e hnyok kâu: tha senyin hwege thö mē, öbun hia thithö öbun e tenge gan:

Jeremia 16:17

Anyin a e hnyi hon dedra je gethen hia li emakök: ödra ca iyong hnyi hnyimakök, ke adre ca ikhâlâ gak hwakecidra ae kong.

Jeremia 3:17

Hnyi ûen eling adre me he ka hâiâ Jerusalema, ka habe, theron anyi Iehova: ke adre me he ka ûkhacaköu ka hnyin je hnyei hia thithö, ka iö Iehova hnyi Jerusalema: ke adre me ca he hmetu ka hnu hoton je hnyekudra ae ûjöng me kong.

Ezekiela 38:10

Walang hna ha hnen Than Iehova, ka habe, Hnyi ûen eling, ame he ka o je ûnyi hnyi hnyekom, ke u me he ka hu hna ûnykûme ae kong:

Ezekiela 39:21

Ke oge me he ka ip anyik hmanenang hnyi ta je hnyei, kʼ ame he je hnyei hia ka wâ hnok hna owisa waleji oge me ânyâ, me hnyamok waleji oge me ip hudra.

Joela 3:2

me oge me he bi ka ûkhacaköuâ je hnyei hia, me hum ödra ka hnyi hnyigöulen bucen anyi Jehosafata; ke oge me he ka ûhnei mʼ ödra eling can lakeik me jekhöûk a Isaraela, wale adre oveseâ ka hnyi je hnyei, me khenâ ik hnyei.

Amosa 5:12

Anyin ae khanö nya a öbun e osehia hanyâûâ, ke ûganiny anyibun je hulo; öbun tavat ovecâ at ae wisa, me kap hwaban ae hwali, me ohavâ ka at ae theduoc hnyi homagoule.

Zakaria 14:16

Ke haba je kolon ta je hnyei hia tavat adre me he ûcon Jerusalema, me adre me he bi ka he hnyi je huna he ka hnyi khudrung ka Than, Iehova tuhan sabaoth, me hnyi hanen bijeûiny uma mano.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Mataio 12:25

Ke e ame wâ je ûnykûmenödrin, me e ame ha ködrin, ka habe, Haba je dökhu hia adre imouköu gadra, me ame he ka ba wan; ke ame ca he ka tethmâ taun ame ne hnyaba adre me imouköu gadra:

Mataio 9:4

Ke haba Iesu ame wâhmakhmeto je ûnykûmenödrin me e ame ha, ka habe, Ieû gabun öbun e ûnykûme mono eû hnyi je hnyekubun?

Luka 5:22

Ke ame manen dut kö Iesu hnödrin hna ûhnenamö, me e ame thu me ha ködrin, ka habe, Ieû gabun öbun e ûhnenamö eû hnyi je hnyekubun?

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

Ioane 5:42

Ke oge wâhmakhmetu öbun dut ae ca hu gabun weny ka Khong.

Roma 16:26

ke manen dut walang ang, ke adre hia but omanenâ, ûnyi hnyi hna sihnalimen hnen ta je perofeta, ke hoton hna hûna hnen Khong a nyiele balua ka ta je hnyei hia, madre me he ka long hoton labageju;

I. Korinito 3:20

ke wale hmetu ang, ka habe, E khana Than ae ûnyi baû ta je ûnykûmenen tavat ae metâ.

Deuteronomi 31:21

Ke ka o ködra je hulö me je vec ae se, me ame he khumöng ang ka ohnatho ködra; anyin a e ame ca he ka hia hnyi hnyimen je mâtrânidra: anyin ae khanö nya ûnykûmenödra adre me he ka ânyâ, a walang ang, kʼ iny tiga ca hia but hum ödra ka hnyi hnyei waleji oge khemanyinâ.

Heberu 4:12

Anyin ae möt hofuc hwan Khong, me hwege huliwa, me so hwan hon hele vat a lo homakan, ame dâ me subâ luâ but hnyok me hanu, me hna hûjö je jeien unyin me onyen jeien, ke ame ie wâ cicöâ ta je ûnykûme me ta je weny hnyok.

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 2:13

E khanö nya dok u me laba hnyin, wale hnyi theron anyi Satana: ke u je kât hmâ iök, me ca ivinoâ labageju könya, waleji hnyi je bong bongu Anetipa ae hnathu, at ame ohnathu nya, waleji adre hlingâ unyibun, hnyi dok ame laba hnyin Satana.

Hna Omanenâ 2:2

E khanö nya ânyâm ta je huliwa, me ânyâm vec, me hnâm hna hok hnyok, me hnâm hna hûkotiâ tavat adre me bi ûnyi monu, ke u je cubec hnyat adre me ha, a ödrin ta je aposetolo, ke ba bi, ke u me wâ a ödra tavat thoi;

Hna Omanenâ 2:9

E khanö nya ânyâm ta je huliwa, me ânyâm theduoc (ke u me tren ta ûnyi), me bi gan anyin tavat adre me ha, a ödra tavat Juda, ke ba bi, ke sunago ödra a umo Satana.