Isaia 66:12 - Iaai Bible 1901 (New Caledonia)

¹² Anyin a walang hna ha hnö Iehova, ka habe, Wâ bi, oge me he ka inâ hnahic kâu helâ me wagewe, me hmanenanginy je hnyei helâ me di ame bahihingölö, ke öbun e he ka ic; adre me he ka abiny öbun, me jijingʼ öbun hon li jevan.

Isaia 66:12 ပူးပေါင်းရင်းမြစ်များ

Isaia 14:2

Ke ame he je hnyei ka hum ödra, me ip ödra hnyi hnödra: ke ame he lap anyi Isaraela ka hum ödra ka hnyi hnyei i Iehova hnân je athnyaba obaga me omomo: ke adre me he ka hwenbödra bi, waleji tavat adre me bâ gadra; kʼ adre me he bi ka musi ka tavat adre me sedʼ ödra.

Isaia 26:3

U ma he bi ka tuö hnyi hnahic ie bekhot at ame tethmâ hnyok unyâm: anyin a e ame labageju köu.

Isaia 33:21

Anyin ame he ka e bi eling: Iehova hnyi anyin hmanenang, wale dok ae hu je wagewe ae lau me je di; ke ame ca he hnyin je galu adre me galo, ke ame ca kec eling hu ae gan.

Isaia 45:14

Walang hna ha hnö Iehova, ka habe, Haba troban huliwa hnyi Aigupito, me je omjeûiny Aithiope hnân ûcû, me at Seba, tavat ae beû, adre me he ka hum ödra köu, me me ânyâm; adre me he ka he hotom; adre me he ka he ke tiga cʼ ödra ge je tö a fao: ke adre me he ka iyâû köu, me khöu köu me ba, ka habe, E hnathu e bi Khong unyâm; ke ba ju ke at, ke ba ke Khong.

Isaia 48:18

Nakaem, u je ne long anyik ta je hnanyibu me me helâ me wagewe ânyâm hnahic, ke helâ me je waköiöiny köiö hwakecâm ae wisa:

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Isaia 54:3

Anyin a u me he ka lau hnyi ke keihen metâ me me; ke ame he je mâtrânâm ka hu je hnyei, me labā je taun ae ba wan.

Isaia 59:19

Me adre me he ka outen iö Iehova ûhedra jimeû, me outen anyin hmanenang ûhedra hnyi hna o hnen seûno: anyin a e ame he ka o helâ me wagewe ae hwege, wale ame tûâ hnen; homenö Iehova.

Isaia 60:16

Ke u me he ka he minya ke ijem debainy ta je hnyei, ke ijem je basin ta je than: ke ame he ka khanö u a inya Iehova at ame omeli u, ke at ame ûcû melâm, Mani Jekob.

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Isaia 66:11

mʼ öbun e he ka ijem me sekubun ge li basin hnân otubwelâ; mʼ öbun e he ka oâ debai me hobâ ûganiny anyin hmanenang.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Hagai 2:9

Ame he bi ka gan hmâ hmanenanginy uma eang a biliny hon uma a bân, haingö Iehova tuhan sabaoth: ke oge me he ka ham ûsoköu hnyi dok ang haingö Iehova tuhan sabaoth.