Isaia 65:9 - Iaai Bible 1901 (New Caledonia)

⁹ Ke oge, me he ka oâ ke mâtrân ûnyi ga Jekob, me at ame he ka labā anyik je bucen ûnyi ga Juda: ke ame he tavat oge ûca ka hu hnyei, kʼ ame he je athnyabaik ka labā e.

Isaia 65:9 ပူးပေါင်းရင်းမြစ်များ

Isaia 27:6

Hnyi ûen ame he ka o me ame he Jekob ka hu iwân; kʼ ame he Isaraela ka vhei me vhong: kʼ ödru me he ka ounöngötâ hon hmeledrany ge ta je wan ûö.

Isaia 30:19

Anyin ame he tavat ka laba hnyi Ziona wale Jerusalema: u me ca he ka tenge hmetu; ke e ame he ka betenge gam hnyi hnâm hna hongot; ke ka long, me ame be ka thu köu.

Isaia 32:18

Ke ame he lakeik ka laba hnyi dok ae ûsoköu, me je uma adre me laba khötkic hnyin, me je hna menâ wale je dok adre me laba wia hnyin.

Isaia 45:19

Oge me ca ba ikhâlâ hnyi dok a menekholominy hnyei; oge me ca ha ka je mâtrâni Jekob, ka habe, Elâm baûö nya thö: inya Iehova at ame ha wisa, oge me haimemenâ ta je ûnyi ae ûcû.

Isaia 45:25

Adre me he ka haiwisa ta je mâtrâni Isaraela hia thithö unyi Iehova, ke adre me he ka hobâ.

Isaia 49:8

Walang hna ha hnö Iehova, ka habe, Oge me thu köu hnyi ûen ae ûcû, ke oge me hadruo u hnyi bonginy möt: ke oge me he bi nya ka tuö u, me hnö u hnân ûhihinyköu me tavat, he ka ogöranyâ hnyei, me olabʼ ödra hnyi hnyei ae ba aten:

Isaia 57:13

U ka tenge, me hamen je hnyat u je ûkhacaköuâ he ka omeli u; ke so bi, ame he ka tûʼ ödra hnen ang, ame he homenâ ka hom degeci ödra hia thithö: ke ame he bi ka hu hnyei hnen tavat adre me labageju könya, ke idra bi anyik bucen ae kap.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Isaia 65:15

Ke öbun e he ka hnaiöbun hnân hângâ ka tavat oge ûca, kʼ ame he Than Iehova ka hlingö u; me wenyö ke ien bi hon je athnyabainy:

Isaia 65:22

Adre me ca he bi ka up uma, me ame he ke at bi he ka labā e; kʼ adre me ca he bi ka tä, me ame he ke at bi he ka han: anyin a haba ta je bong bongon lakeik me ame he ka helâ me ta je bong bongon ûö, ke ame he hnök je hna ûca ka senyinâ beû hmâ ta je huliwa anyin je hnyamödra.

Ezekiela 36:24

Anyin a oge me he ka hum öbun unyin tavat, me ûkhacaköu öbun ûnyi hnyi je hnyei hia, me hum öbun ka hnyi ibun.

Zefania 3:20

Ke hnyi ûen eling oge me he ka hum öbun, ke hnyi ûen eling oge me he ka ûkhacaköu öbun: ke oge me he ka wiʼ öbun mʼ adre me lung me ogânâ unyin ta je hnyei hia eang hmeledrany, iny ka he ka ohmetu öbun ûhebun hnyi hna bâ wale hnyi hnyimaköbun, haingö Iehova.

Mataio 24:22

Ke adre ne ca owakhaletâ ta je bong, me ba at ame he ka möt: ke so bi adre me he ka owakhaletâ ta je bong e ge tavat adre ûca.

Roma 11:28

Je iwahnaihmiony ödra me ûthumetu ae so, can öbun: ke haba hnyi hna ûca at, me adre me betenge kodra can lakamen.