Isaia 65:6 - Iaai Bible 1901 (New Caledonia)

⁶ Wâ bi, a sihnalimen dut hnyi hnyimakök: oge me ca he ka laba hnyibû, ke oge me he ka bi hwaban, eke, oge me he ka bi hwaban ka hnyi je ûlaidra,

Isaia 65:6 ပူးပေါင်းရင်းမြစ်များ

Salamo 107:17

Adre me ovecâ tavat ae monu can hnödra hna hanyâûâ, Me can anyidra ta je monu.

Salamo 109:14

E so e he Iehova ka ûnykûme jönin lakamen; Ke so he ka ca kot degecâ monu anyin hinyen.

Salamo 50:21

U je ânyâ ta je ûnyi eling ke oge me laba hnyibû; U je ûnykûme a iny tha ûcû möu: Ke so bi oge me he ka nö u, me ip gaga ta je ûnyi e hnyi hnyimâkâm.

Salamo 50:3

Ame he ka o but Khonguta, kʼ ame ca he ka laba hnyibû: Ame he meic ka han hnyi hnyimakan, Ame he ka igigilo e weneû ae gan hma.

Salamo 56:8

U je aû hnok je hna ngenu: Hingâlâ but je deköiök ka hnyi ânyâm kaia; Hawa, ca e bi hnyi ânyâm tusi?

Salamo 79:12

Ke bi hwaban ju a oseven ka hnyi ûlainy tavat adre me laba hakekenyi öhmun Hnödra hna haikongoâ, adre me haikongu u gan Than.

Esodo 17:14

Ke Iehova ame ha kö Mose, ka habe, Sihnalimen ju hnyi tusi hnân oûnykûmiâ, ke nâ thö aû kö Josua: a oge me he ka ti ohia at Amaleka mʼ adre me ca he ka ûnykûme hmetu gadra eang hmelen.

Isaia 26:21

Anyin a wâ bi, ame he Iehova ka he ûheny hnyi hnen hna laba, he ka bi hwaban hulo anyin tavat adre me labā hmeledrany: ke ame he hmeledrany ka omanenâ dren e, ke ame ca he hmetu ka tube ta je hna hlingâ.

Isaia 3:11

Ekölö ge at ae monu! ame he ka hu kong gan; anyin adre me he ka ham kâu hwaban li hnyamen.

Isaia 42:14

E beû but hnok hna laba hnyibu; oge hia but laba wia me hokhnyokâ: ke walang ang oge me he ka kuku helâ me momo ame hnokoâ; oge me he ka mâng me momokhon.

Isaia 59:18

E ame he ka bi hwaban hoton huliwa, wale hmonyin ka tavat a ûcon, me hwaban ka ta je iwahnaihmiony mē; e ame he ka bi hwaban ka je bomene.

Isaia 64:12

Iehova lö, hawa, u me he ka hokhnyokâ ta je ûnyi e? u me he ka laba hnyibû, me oveci öhmun hwegi öhmun?

Isaia 66:6

Hwan mede hnyi taun, hwan hofuc hnyi uma kap, ho Iehova ame bi hwaban ka je iwahnaihmiony mē.

Jeremia 16:18

Ke oge me he ka bok ka olo bi hwaban hwakecidra ae kong me anyidra hulo; anyin adre hia but oikikiâ ik hnyei hnen unyin anyidra ta je ûnyi ae bon a gʼ adre mokcu, ke adre hia but öunöngötâ ik hnyei ge anyidra ta je ûnyi ae ikiki.

Ezekiela 11:21

Ke haba tavat adre me hnu hoton hnen je hnyekudra ta je onyen anyidra ta je ûnyi ae ikiki me kong, oge me he ka oâ dedra je gethen ka hnyi hon je bödra, haingen Than Iehova.

Ezekiela 22:31

Anyin a wale oge hia but hingâlâ anyik hmonyin hudra; oge hia but ohiʼ ödra ge bâhlân anyik wathethot: oge hia but bi hwaban kodra dedra je gethen, haingen Than Iehova.

Ezekiela 9:10

Ke haba inya oge me ca he bi nya ka hok hnyok me betenge, ke oge me he ka oâ dedra je gethen ka hnyi hon je bödra.

Joela 3:4

Eke, Turo me Sidona lö, me je ke keihen hia Filisiti, ieû gabun könya? hawa, Öbun e he ka ham könya hwaban? ke öbun e ne bi hwaban könya, me oge me he bi nya ka ie ohmeto hwaban eling ka hnyi hon je böbun.

Malaki 3:16

Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

Luka 6:38

ham dö, ke adre me he bi ka ham köbun; wale tulut ae gan, adre hlec, me ûjijingâköuâ, me kökölu but, adre me he ka ham ka hnyi je ûlaibun. Ke haba hnobun hna tuluto, me adre me he bi ka tuluto köbun.

Deuteronomi 32:34

Hawa, adre ca ip unyik ûnyi eang, Me okeceâ hmâ hnyi tang omjehek?

Hna Omanenâ 20:12

Ke oge me wâ wamok, tavat ae gan me tavat ae ûhnyûkong adre me ûtitilen hnyi hnyimakan theron; me adre me khong ut je tusi, ke adre khong ke tusi bi a wale tusiny möt: me adre me hnö wamok ge ta je ûnyi adre sihnalimen hnyi je tusi, hoton anyidra ta je huliwa.