Isaia 65:4 - Iaai Bible 1901 (New Caledonia)

⁴ tavat adre me laba hnyi wanben je erkemok, ke hnyi je dok ae iyong; tavat adre me han utioiny buaka, ke e hnyi anyidra je kaia dân ta je ûnyi ae ikiki;

Isaia 65:4 ပူးပေါင်းရင်းမြစ်များ

Esodo 23:19

U me he ka hom ka hnyi uma umo Iehova a Khongom ta je jeû a bân ûnyi hnyi kânâm kânâ. Ke ca he ka ölâ nokon got hnyi dân basin hinyen.

Esodo 34:26

U me he ka hom ka hnyi uma umo Iehova a Khongom, ta je jeûiny kânâm kânâ a bân. U me ca he ka ölâ nokon got hnyi dân basiny hinyen.

Isaia 66:17

Haba tavat adre me okabi ödra bi me obosoi ödra bi, he ka he hnyi ta hnyei, hoton khaca hnyi wanben, adre an utioiny buaka, me ûnyi ae ikiki, me tep: awe, adre me he ka tha bi obiny kodra, haingö Iehova.

Isaia 66:3

Haba at ame hlingâ bolok, me ame helâ me at ame hlingâ at; haba at ame hudo nokon mamoe, me ame helâ me at ame thu nyin kuli; haba at ame hudo bwihlany, me ame helâ me at ame hudo dren buaka; haba at ame leû libanu, me ame helâ me at ame hahnahicâ hnatheat: eke, adre hia but ûca dedra bi je gethen, ke ame senyin je hanudrin hnyi anyidra bi ta je ûnyi ae ikiki.

Ezekiela 4:14

Me oge me ha, ka habe, Ekölö Than Iehova! wâ bi, adre me ca obokongu nya: anyin oge me ca hnyi an ûnyi ame ka hamen mok, ke hna oloû kia ge meno, hwân kʼ iny tiga ûhnyûkong ke ne o but walang ang; kʼ ame ca hnyi dit utiö ae ikiki ka hnyi hnyimök.

Levitiko 11:7

Me buaka, anyin a e ame kia luâ ûjimen bacan, me can, kʼ ame ca hoc hmeto bi hna han, wale ae bo kong köbun.

Zakaria 9:7

Ke oge me he ka hom dren ûnyi hnyi hnyimen, ke ta je ûnyi ae ikiki e ame oloû; kʼ ame he biju ka kolon hobi kâu Khonguta: ke e ame he ka helâ me taben hnyi Juda, kʼ ame he Ekerona ka helâ me at Jebusi.

Numera 19:11

Haba at ame kâlâ komok, me e ame he ka bo kong hnyi seven ta bong:

Mataio 8:28

Ke e ame khop dö hnyi ke keihen, hnyi hnyei iny at Gadara, me ame ûkhanö mē li at a dilic ödru demoni, ödru me he ûhedru hnyi je erkemok, ödru ti hwege monu, wale, me me ba at ame vheno gethen eling.

Luka 8:27

Ke e ame ölö thö hot ai, me ame ûkhanö mē at ûheny hnyi taun, a delec je demoni; ke ame ca khaû bi, hwân ehac, ke ame ca laba bi hnyi uma, ke ame laba bi hnyi je erkemok.

Deuteronomi 14:21

Öbun e ca he ka han meno ame mok hwege: ke e khatö u he ka ham ka atkanyua hnyi hnyabam me me he ka han; ke e khatö u minya ka ûco e ka aten ke hnyei; anyin a u hnyei ae kap kö Iehova Khongom. U me ca he ka ölâ nokon got hnyi dân basin hinyen.

Deuteronomi 14:3

U me ca he ka han ke meno ae ikiki.

Deuteronomi 14:8

me buaka, anyin a e ame kia luâ can, kʼ ame ca hoc hmeto bi hna han, wale ae bo kong köbun: ca he öbun ka han utiöidra, me kâlâ unyidra ae mok.

Deuteronomi 18:11

me at ame ûhnenamö me je hanu, me at ame biobotkong, me perofeta thoi, me at ame ûhnenamö me hanon je komok.