Isaia 65:3 - Iaai Bible 1901 (New Caledonia)

³ tavat adre me ohmönyini nya hnyi hnyimakök hnyi ta je bong, adre me bi hut hnyi ta hnyei, kʼ adre me leû uto ae bo so hon je veto kânâ;

Isaia 65:3 ပူးပေါင်းရင်းမြစ်များ

II. Je Than 22:17

can ödrin e hia but hna degeci nya, me leû uto ae bo so ka je khong, me ohmönyini nya ge ta je huliwa hia anyin je hnyamödrin, anyin a wale ame ubâhlâ thö anyik hmonyin ka dok ang, ke adre me ca he ka omoko.

Jobu 1:11

Ke so bi hai thö benyâm walang ang, me mâdrâ anyin ta je ûnyi hia, me e ame he ka haikongu u hnyi hnyimâkâm.

Jobu 2:5

Ke so bi hai thö walang ang hnyamâm, me kot je jeien me viny, me e ame he ka haikongu u hnyi hnyimâkâm.

Salamo 78:40

Ke ti se hia hnödra hna ûkhin fuc mâu hnyi hnyebuba, Me ojâtâ hnyekon hnyi hnyot!

Salamo 78:58

Anyin a adre me ohmönyinâ e ge anyi dra je dok ae gorany, Me ociâ e ge anyidra je hnatheat,

Isaia 1:29

Ke adre me he ka hmehma ge je iwajo öbun e weny, ke öbun e he ka monumonu can ta hnyei öbun e ûca.

Isaia 3:8

Anyin ame hangâ but Jerusalema, ke Juda ame ü: anyin ae iwahnaihmiony me Iehova je bohmödra me anyidra je huliwa, he ka ohinyâ li emakan ae hmanenang.

Isaia 66:17

Haba tavat adre me okabi ödra bi me obosoi ödra bi, he ka he hnyi ta hnyei, hoton khaca hnyi wanben, adre an utioiny buaka, me ûnyi ae ikiki, me tep: awe, adre me he ka tha bi obiny kodra, haingö Iehova.

Isaia 66:3

Haba at ame hlingâ bolok, me ame helâ me at ame hlingâ at; haba at ame hudo nokon mamoe, me ame helâ me at ame thu nyin kuli; haba at ame hudo bwihlany, me ame helâ me at ame hudo dren buaka; haba at ame leû libanu, me ame helâ me at ame hahnahicâ hnatheat: eke, adre hia but ûca dedra bi je gethen, ke ame senyin je hanudrin hnyi anyidra bi ta je ûnyi ae ikiki.

Jeremia 3:6

Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Levitiko 17:5

waleling me me he ka hom hnen lakon Isaraela haledra je meno hnân hudo, wale adre me labö hlingâ hnyi hnyei, ödra ka he ka hum odrin kö Iehova hnyi hwanumen uma ûkhacaköu, ka at bihut, me hlingʼ odrin hnân hudiny ole kö Iehova.

Deuteronomi 32:21

Adre hia but okûâ anyik ciâ can ûnyi a ca Khong bi; Adre hia but ohmönyini nya ge anyidra ta je ûnyi baû: Me oge me he ka okûâ anyidra ciâ ge je hnyat a ca hnyei bi; Oge me he ka ohmönyini ödra ge hnyei ae monu.