Isaia 65:2 - Iaai Bible 1901 (New Caledonia)

² Oge hia but lau li hnyamok hnyi je bong hia ka tavat adre me ca ûling, waleji adre me vheno gethen ae ca so hoton je ûnykûmenödra bi;

Isaia 65:2 ပူးပေါင်းရင်းမြစ်များ

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Salamo 36:4

E ame ûnykûme ûokonguny hon hnen hna mokut; E ame labö vheno gethen ae ca so; E ame ca ikiki ge monu.

Salamo 36:5

Iehova lö, ethö hnyi drany ânyâm ibetengiö; Ke ne o but hnyi je ûlâ ânyâm hnathu.

Ta je Vejec 1:24

Can oge me hongot, ke öbun höcö; Oge me hinôbeny, ke ba at ame long;

Ta je Vejec 16:29

Haba at ûokonguny, me ame cubec waeny, Me lelö e ka hnyi gethen ae ca so.

Isaia 1:2

Drany lö, long ju, ke hmeledrany lö, tevehling ju, anyin a Iehova ame hia but fuc me ha, ka habe, Oge hia but hat me tuö je wanakat, ke ödra bi adre me ûkhin fuc mönya.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Isaia 30:1

EKÖLÖ ge tavat adre me ûkhin fuc, ame ha Iehova, tavat adre me elâm bongon, ke ca ûnyi bi gak; adre me tube hnen ûnyi hnân tube, ke ca ûnyi bi ge hanuk, mʼ adre me he ka bi hanen hulo ka hulo:

Isaia 30:9

Anyin a ödra tavat ûkhin fuc, tavat thoi, tavat höcö long hnanyibu anyi Iehova:

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Isaia 55:8

Ke haba ta je ûnykûmenök, me ca ta je ûnykûmenöbun bi, ke haba debun je gethen, me ca dek bi, haingö Iehova.

Isaia 63:10

Ke adre me ûkhin fuc, me ovecâ banon ae kap: anyin a wale e ame hwio but me ame iwahnaihmiony mödra, ke e ame ka hamen bi vat mödra.

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Isaia 66:3

Haba at ame hlingâ bolok, me ame helâ me at ame hlingâ at; haba at ame hudo nokon mamoe, me ame helâ me at ame thu nyin kuli; haba at ame hudo bwihlany, me ame helâ me at ame hudo dren buaka; haba at ame leû libanu, me ame helâ me at ame hahnahicâ hnatheat: eke, adre hia but ûca dedra bi je gethen, ke ame senyin je hanudrin hnyi anyidra bi ta je ûnyi ae ikiki.

Isaia 66:4

Oge me he bi minya ka ûca anyidra ta je tang iyauö, me oâ kodra ta je ûnyi adre me outen; anyin a hnyi ûen oge me hongot, e ba at ame ieû; hnyi ûen oge me fuc, e ba at ame long: ke so bi adre me ânyâ hulo hnyi hnyimakök, me ûca ûnyi oge me ca senyinâ.

Jeremia 18:12

Ke adre me ha, ka habe, E ûnyi baû bi: anyin ohmun e he ka hnu hoton anyihmun ta je bihihwakecin, me ve ânyâ hoton ihwegien je hnyekuhmun ae kong.

Jeremia 3:17

Hnyi ûen eling adre me he ka hâiâ Jerusalema, ka habe, theron anyi Iehova: ke adre me he ka ûkhacaköu ka hnyin je hnyei hia thithö, ka iö Iehova hnyi Jerusalema: ke adre me ca he hmetu ka hnu hoton je hnyekudra ae ûjöng me kong.

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Jeremia 5:23

Ke haba tavat ang e hu gadra hnyok ae ûjöng, me ûkhin fuc; adre me thu musi me he but.

Jeremia 7:24

Ke adre me ca long bi, me tevehlöng, ke adre me vheno hnödra bi hna ûhnenamö hoton ihwegien hnyekudra ae kong; me he nulötudra, ke ca hnyimakodra bi.

Numera 15:39

ke wale bâbuen köbun, mʼ öbun e he ka wâ e me ûnykûme ta je hnanyibu anyi Iehova hia, me vheno; mʼ öbun e ca he monu hoton je hnyekubun me je li emaköbun, waleji öbun e labö bi ûnyi monu hoton:

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Mataio 23:37

Jerusalema, Jerusalema lö, at ame hlingâ ta je perofeta, me lûâ tavat adre me kunâ kâu! iny ibi osehia wek he ka ûkha-caköuâ lakom helâ me hinyen denakhoto ame tube lakon ge li labenyin, mʼ öbun ka höcö öbûn!

Luka 13:34

Jerusalema, Jerusalema lö, at ame hlingâ ta je perofeta, me lû ödrin adre kunʼ ödrin kâu! e se hia wek he ka ûkhacaköuâ lakom, helâ me hinyen denakhoto ame tube lakon ge li labenyin, mʼ öbun höcö bi öbun!

Roma 10:21

Ke e ame hâiâ at Isaraela, ka habe, Oge me lau li hnyamok hnyi je bong ka tavat adre me ca ûling, a tavat ivinoâ.

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

Deuteronomi 29:19

ke e ka löng hofucin ûhangö eang, me e ame he ka hahnahicâ e bi hnyi hnyekon me ha, ka habe, Eja ke ne oge ne vheno weny hnyekuk, he ka bi hnen ûnyi ae kukuba ge ûnyi ae mada, me oge me he ka so but:

Deuteronomi 31:27

Anyin a oge wâ but hnâm hna ûkhin fuc, ke hwege nyem: wâ bi, iny tiga möt unyibun hnyi bong ang, me öbun e hia but ûkhin fuc me Iehova; ke hawa bi iny ka mokcu?

Deuteronomi 9:7

Ûnykûme ju, me ca he ka hnying hi ge hnâm hna ohmönyini Iehova Khongom hnyi hnyebuba: hwân hnyi bong u je hna but hnyin hnyei Aigupito, ke ne o but iöbun ang, me öbun e labö ûkhin fuc me Iehova.