Isaia 65:18 - Iaai Bible 1901 (New Caledonia)

¹⁸ Ke so öbun e senyin me hobâ balua hnyi ûnyi oge me op: anyin a wâ bi, oge me op Jerusalema, hnân senyin, ke ta je aten hnân hobâ.

Isaia 65:18 ပူးပေါင်းရင်းမြစ်များ

II. Man Ûlabainy Je Than. 6:41

Ke walang, Iehova Khong lö, todrö ka hnyi hnâm hna mokut, u me tangen hwegiâm: Iehova Khong lö, e so adre me khavâ ge ûhomeli ânyâm tavat bihut, me senyinâ hwakecin ae so ânyâm tavat ae kap.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 41:16

U me he ka ulic ödra, kʼ ame he ang ka tûâ degeci ödra, kʼ ame he hou ka ovesei ödra: ke u me he ka senyini Iehova, ke u me he ka hobâ Kabi Isaraela.

Isaia 44:23

Drany lö, khumöng dö, anyin a ânyâ e Iehova; je hnyikânâiny hmeledrany lö, hongot senyin dö; öbun je bucen lö, ie khumöng dö goranyai, ke hnyot minya, ke ta je ûö hia hnyin e: anyin a hia but Iehova ûcû Jekob, ke e ame he ka ogânâ e bi hnyi Isaraela.

Isaia 49:13

Je drany lö, khumöng dö; hmeledrany lö, senyin dö; je bucen lö, ie khumöng dö goranyai: anyin a Iehova ame otubwelâ lakeiny, me e ame he ka betenge ge anyin tavat adre me oveci ödra.

Isaia 51:11

Ke ame he ka hmetu tavat a bi hwaban melidra hnö Iehova, me o hnyi Ziona me hwan khumöng; kʼ ame he ka e bi hon ta je bödra senyin a nyiele balua: adre me he ka senyin me hobâ, kʼ ame he ka hia hlöuhlöu me mâng.

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Isaia 60:15

Anyin a adre hia but digic u me hûkötiö u, waleling me me ca he ke at unyâm, awe, oge me he bi nya ka wiö u hnân hnyei ae mec nyiele balua, ke hnân senyin hnyi ta je dö ae se hia.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 9:3

U je hia but osehia hnyei, ke u je ogânâ senyin: kʼ adre me senyin hnyi hnyimâkâm helâ me senyin hnyi menu, ke helâ me hna senyin ge tavat adre me khenâ je hna söh.

Zefania 3:14

Hluiny Ziona lö, khumöng dö; Isaraela lö, kuku thö; hluiny Jerusalema lö, senyin dö ke hobâ ge hnyekom ae bekhöt.

Zakaria 2:10

Khumöng dö ke senyin, u hluiny Ziona: anyin a wâ bi, oge me he, me oge me he ka laba hnyi wanbâm, haingö Iehova.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

I. Thesalonika 5:16

Senyin bah thö;